2 Timɔtée 3:10 - MAWUXÓWÉMA

¹⁰ Amɔ̌ hwɛ ɔ́, a ka tunwun nǔ e un kplɔ́n mɛ ɔ́ bǐ; a tunwun lě e un zán gbɛ ce gbɔn ɔ́ bǐ, bó tunwun linlin ce lɛ́ɛ, bó tunwun nǔɖiɖi e un ɖó ɔ́, bó tunwun suúlu e un ɖó ɔ́ kpódó wǎn yíyí e un ɖó ɔ́ kpán. A tunwun lě e un nɔ syɛ́nlǐn gbɔn é.

2 Timɔtée 3:10 Iomraidhean Croise

Daniyɛ́li 1:8

Daniyɛ́li ka tunwun dó ayi tɔn mɛ ɖɔ émí kún ná kpɔ́n dó nǔɖuɖu e axɔ́sú ɔ́ nɔ́ ɖu ɔ́, kpó vɛ̌ɛn e é nɔ́ nu ɔ́ kpó wú, bó ná hɛn émíɖée blí ó. Ée é mɔ mɔ̌ ɔ́, é cikpɛ nú gǎn ɔ́ ɖɔ é ní má hɛn émí blí ó.

Luki 1:3

Énɛ́ wú wɛ un yi ba do nú nǔ énɛ́ lɛ́ɛ bǐ céɖécéɖé sín bǐbɛ́mɛ yětɔn, bó nywɛ́ ɖɔ má wlán nǔ e jɛ nɛ́ lɛ́ɛ ɖě jɛ ɖě gúdo sɛ́ dó we,

Mɛsɛ́dó 11:23

Ée é wá, bó mɔ lě e Mawu wa ɖagbe nú togun ɔ́ gbɔn ɔ́, é hun xomɛ n'i, bɔ é ná akɔ́nkpinkpan yě bǐ, ɖɔ yě ní nɔ gbejí nú Aklúnɔ kpó ayixa ɖokpó kpó.

Mɛsɛ́dó 2:42

Yě nɔ́ ɖó kan dó mɛsɛ́dó lɛ́ɛ sín nǔkplɔ́nmɛ kpódó kpɔ́ninɔ ɖo nɔví mɛ kpó wú, bó nɔ́ ɖó kan dó kɔnɖókpɔ́núɖuɖu ɔ́ kpódó ɖɛxixo kpó wú.

Mɛsɛ́dó 20:18

Ée yě wǎ gɔ̌n tɔn ɔ́, é ɖɔ nú yě ɖɔ: “Lě e un nɔ mi mɛ gbɔn sín gbe e gbe un wá Azíi ɔ́, mi ɖě sɔ́ dán ɛ ǎ.

Mɛsɛ́dó 26:4

“Lě e un zán gbɛ ce gbɔn sín wǐnnyáwínnyá mɛ ce, lě e un nɔ togun ce tɛ́ntin gbɔn sín hwenu e è ji mì ɔ́, lě e un nɔ Jeluzalɛ́mu gbɔn é ɖésú ɔ́, Jwifu lɛ́ɛ bǐ wɛ tunwun.

Hlɔ̌manu 16:17

Nɔví lɛ́ɛ mi, un ɖo vo sa nú mi wɛ ɖɔ mi cɔ́ miɖée dó mɛ e nɔ dɔn kínklán byɔ́ mɛ mɛ lɛ́ɛ wú. Nǔ e yě nɔ ɖɔ lɛ́ɛ nɔ gbɔn vo nú nǔ e è kplɔ́n mi lɛ́ɛ, bó nyí afɔklɛ́nnú nú mi; mi lɛ́ kɔ sín yě gúdo.

2 Kɔlɛ́ntinu 1:17

Ée un ɖo linlin énɛ́ ɖó wɛ ɔ́, nǔɖé kpowun wa wɛ un ɖe a? Hwenu e un ɖo tito ce lɛ́ɛ to wɛ ɔ́, linlin gbɛtɔ́ tɔn kɛ́ɖɛ́ wɛ un dó to yě ná a? Un ná ɖo gbesisɔ mɛ, bó ná ɖo “ɛɛn” kpó “éeǒ” kpó ɖɔ wɛ zɛ̌ɛ́n wɛ a?

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

Filípunu 2:20

Nǔ e ɖo hǔn mɛ nú mì lɛ́ɛ ɔ́, é ɖokpónɔ géé wɛ nɔ ɖɔ xá mì, bɔ lě e nǔ ná nɔ bó ná nyɔ́ nú mi ɔ́ ɖo ayixa mɛ n'i titewungbe.

Filípunu 2:22

Mi ɖésúnɔ ɔ́, mi tunwun ninɔmɛ Timɔtée tɔn; lě e nyɛ kpó e kpó wa azɔ̌ vǐ kpó tɔ́ kpó ɖɔhun gbɔn, bó jlá Wɛn Ɖagbe ɔ́, mi tunwun.

1 Tɛsalonikinu 1:5

Đó mǐ jlá Wɛn Ɖagbe ɔ́ mi; mǐ ka jlá mi ɖó nu wú kpowun ǎ; lo ɔ́, mǐ jlá mi kpódó hlɔ̌nhlɔ́n kpó, kpó alɔgɔ́númɛ Yɛsinsɛn tɔn kpó, kpódó gǎnjɛwú titewungbe e ɖo Wɛn Ɖagbe énɛ́ mɛ ɔ́ kpó. Mi tunwun lě e mǐ zán gbɛ mǐtɔn gbɔn ɖo tɛ́ntin mitɔn, ɖó ɖagbe mitɔn wú é.

1 Timɔtée 1:3

Nɔ Efɛ́zi lě e un ko ɖɔ gbɔn nú we hwenu e un ɖidó Masedwani é; mɛɖé lɛ́ɛ ɖo fínɛ́, bó nɔ ɖo nǔ e ma sɔgbe xá nǔɖiɖi mǐtɔn ǎ lɛ́ɛ kplɔ́n mɛ lɛ́ɛ wɛ; a ɖǒ ná gbɛ́ nǔ nú yě.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

2 Timɔtée 4:3

Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,