2 Timɔtée 2:9 - MAWUXÓWÉMA

⁹ Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 2:9 Iomraidhean Croise

Luki 23:32

Yě kplá dǎnúwatɔ́ we dó jǐ tɔn, bó ná yi hu yě kpó é kpó.

Mɛsɛ́dó 21:33

Ahwangán ɖaxó ɔ́ sɛ yá Pɔ́lu, bó ɖe gbe ɖɔ è ní wlǐ i, bó sɔ́ wlɔ we bó dó e; é kan mɛ e Pɔ́lu nyí ɔ́ kpódó nǔ e é wa ɔ́ kpó byɔ́.

Mɛsɛ́dó 28:31

É nɔ ɖɔ axɔ́súɖuɖu Mawu tɔn sín xó, bó nɔ́ kplɔ́n nǔ mɛ dó Aklúnɔ Jezu Klísu wú, kpódó jiɖiɖe kpán, bɔ mɛ ɖěbǔ sɔ́ nɔ́ dó tagba n'i ǎ.

Mɛsɛ́dó 9:16

Un ka ná ɖe ya e é ná ji ɖó nyǐkɔ ce wú lɛ́ɛ bǐ xlɛ́ ɛ.”

Efɛ́zinu 3:1

Énɛ́ ɔ́ wútu ɔ́, nyɛ Pɔ́lu e ɖo gan sɛn wɛ ɖó Klísu Jezu e sɛn wɛ un ɖe ɔ́ wú, dó mi mɛ e ma nyí Jwifu ǎ lɛ́ɛ sín tamɛ ɔ́,

Filípunu 1:17

Mɛɖě lɛ́ɛ ɔ́, xó e ɖɔ wɛ yě ɖe lɛ́ɛ gosín ayixa yětɔn mɛ ǎ; lo ɔ́, zalixámɛ sín ayixa wɛ yě sɔ́ dó ɖo Klísuxó ɔ́ jlá ná wɛ; yě ɖo linlin wɛ ɖɔ émí ná dó wǔvɛ́ wǔvɛ́ jí nú mì din e un ɖo gankpá mɛ é.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

Kolósinu 4:18

Nyɛ Pɔ́lu ɖésú wɛ sɔ́ alɔ ce dó wlán xó élɔ́ lɛ́ɛ ná: Un dó gbe sɛ́ dó mi; mi ma wɔn ɖɔ gankpá mɛ wɛ un ɖe ó. Fɛ́nú Mawu tɔn ní nɔ kpɔ́ xá mi.

Kolósinu 4:3

Nú mi ka ɖo ɖɛ xo wɛ hǔn, mi nɔ xo ɖɛ dó mǐ lɔmɔ̌ tamɛ, bónú Mawu ní hun ali ɖagbe nú mǐ, nú mǐ ná jlá xó tɔn, bó ná ɖɔ nǔbúdo Klísu tɔn sín xó nú mɛ lɛ́ɛ. Nǔgbó ɔ́, nǔbúdo énɛ́ wútu wɛ un ɖo gankpá mɛ din.

1 Tɛsalonikinu 1:8

Đó Aklúnɔxó ɔ́, mi gɔ́n wɛ é gosín, bɔ mɛ gěgé se; é nyí Masedwani kpó Akáyi kpó kɛ́ɖɛ́ wɛ è se xó énɛ́ ɖe ǎ; lo ɔ́, fí bǐ wɛ nǔɖiɖi e mi ɖó nú Mawu ɔ́ sín xó gba kpé; mǐ sɔ́ ná xaji ɖɔ énɛ́ ɔ́ ǎ.

2 Tɛsalonikinu 3:1

Nɔví lɛ́ɛ mi, bó ná dó fó ɔ́, mǐ ɖo byɔ̌byɔ́ mi wɛ ɖɔ mi ní nɔ xo ɖɛ nú mǐ, bónú Aklúnɔxó ɔ́ ní yá wǔ gba kpé, bónú mɛ lɛ́ɛ ní nɔ kpa susu ná lě e é ɖe gbɔn ɖo mi gɔ́n é.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 1:16

Aklúnɔ ní ɖe nǔbláwǔkúnúmɛ tɔn xlɛ́ hɛ̌nnu Onɛzifɔ́ɔ tɔn, ɖó é nɔ dó wǔsyɛ́n lanmɛ nú mì hwɛhwɛ; winnyá hu i ɖó nyɛ mɛ e ɖo gankpá mɛ ɔ́ wú ǎ.

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 2:3

Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Piyɛ́ɛ 2:14

bó hwíhwɛ́ miɖée dó tokpɔngán lɛ́ɛ glɔ́; Dadá ɔ́ wɛ sɛ́ yě dó, bónú yě ná dɔn tó nú nǔnyanyawatɔ́ lɛ́ɛ, bó ná kpa mɛ e nɔ wa nǔ ɖagbe lɛ́ɛ é.

1 Piyɛ́ɛ 3:16

Gbe fífá kpó mɛsísí kpó wɛ mi ka ná dó ná xósin yě. Mi ɖó ayixa mímɛ́, bónú jijɔ ɖagbe e Klísu sɔ́ dó ayi mɛ nú mi, bɔ mi ɖo zǐnzán wɛ ɔ́, hwenu e yě mɛ e nɔ ɖo xó nyanya ɖɔ d'é wú wɛ lɛ́ɛ ná dó hwɛ mi ɔ́, xó e yě nɔ ɖɔ lɛ́ɛ ní hu winnyá nú yě.

1 Piyɛ́ɛ 4:15

É ní ma sín mɛhuhu wú, ajojija wú, abǐ nǔ nyanya wiwa wú, abǐ nudómɛɖévoxómɛ wú bónú è dǒ ya nú mɛɖé ɖo mi mɛ ó.