2 Timɔtée 2:7 - MAWUXÓWÉMA

⁷ Lin tamɛ dó nǔ e ɖɔ wɛ un ɖe ɔ́ wú, ɖó Aklúnɔ ná nukúnnú-mɔjɛnǔmɛ we, bónú a nǎ sixú mɔ nukúnnú jɛ bǐ wú.

2 Timɔtée 2:7 Iomraidhean Croise

1 Tan 22:12

Hwenu e Mawu Mavɔmavɔ ná sɔ́ we ɖó Izlayɛ́li to ɔ́ nu ɔ́, é ní ná we nǔnywɛ́ kpó nukúnnú mɔ jɛ nǔ mɛ kpó, bónú a nǎ nɔ́ nyi sɛ́n tɔn.

1 Tan 29:19

Nǎ ayixa ɖokpó vǐ ce Salomɔ́ɔ, bónú é ná hɛn nǔ e a zɔ̌n lɛ́ɛ, kplɔ́n towe lɛ́ɛ kpódó sɛ́n towe lɛ́ɛ kpó ayi mɛ, bó ná bló ɖ'é jí. Nǎ ɛ ayixa ɖokpó bónú é ná sá xwé e sín nǔ un sɔ́ ɖ'ayǐ é.”

Ɖɛhan 119:125

Mɛsɛntɔ́ towe wɛ un nyí, nǎ nukúnnú mɔ jɛ nǔ mɛ mì, bónú ma mɔ nǔ jɛ sɛ́n towe lɛ́ɛ wú.

Ɖɛhan 119:144

Sɛ́n towe lɛ́ɛ ɔ́, hwɛjijɔ e ɖo ayǐ káká sɔ́yi ɔ́ wɛ, blǒ bónú má mɔ nǔ jɛ yě wú, bó ná nɔ gbɛ.

Ɖɛhan 119:73

Alɔ towe lɛ́ɛ wɛ bló mì bó hɛn mì ɖó te, nǎ nukúnnú mɔ jɛ nǔ mɛ mì, nú má kplɔ́n nǔ e a zɔ̌n lɛ́ɛ.

Ɖɛhan 64:9

Đɛ̌ yětɔn wɛ zin yě dɛ́; mɛ e mɔ yě lɛ́ɛ bǐ wɛ nɔ́ húnhún ta bo nɔ ko yě.

Nǔnywɛ́xó 24:32

Un lin tamɛ dó nǔ énɛ́ e un mɔ ɔ́ jí, bɔ é kplɔ́n nǔ mì:

Ezayíi 1:3

Nyibú nɔ́ tunwun mɛ e ɖó e é, tócí nɔ́ tunwun mɛ e nɔ ná nǔɖuɖu i é. Lo ɔ́, Izlayɛ́li ví lɛ́ɛ tunwun mì ǎ, togun ce Izlayɛ́li mɔ nǔ jɛ nǔɖé wú ǎ.”

Ezayíi 28:26

Mawu tɔn wɛ kplɔ́n ɛ gbɔn mɔ̌; é wɛ ná ɛ nǔnywɛ́ mɔ̌.

Ezayíi 5:12

Yě nɔ́ nu ahan mú, bó nɔ́ dó hǔn gbe, bó nɔ́ j'awǎ; yě nɔ́ xo kanhún, bó nɔ́ xo gbǎhún, yě nɔ́ kún kpete. Lo ɔ́, yě nɔ́ tunwun ɖɔ Mawu Mavɔmavɔ ɖo azɔ̌ wa wɛ ǎ; yě nɔ́ mɔ azɔ̌ e wa wɛ é ɖe ɔ́ ǎ.

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Luki 21:15

Đó un ná sɔ́ xó e mi ná ɖɔ é kpódó nǔnywɛ́ e mi ná zán é kpán bǐ dó ayi mɛ nú mi, bɔ kɛntɔ́ mitɔn lɛ́ɛ ɖěbǔ ná sixú mɔ xó ɖé, bó dó gba mitɔn ɔ́ ná ǎ.

Luki 24:45

Hwenɛ́nu wɛ é hun ayi yětɔn, bónú yě ná mɔ nǔ jɛ Mawuxówéma ɔ́ mɛ.

Luki 9:44

“Midɛɛ lɛ́ɛ ɔ́, mi ɖótó xó élɔ́ ganjí: è nǎ wá jó nyɛ Gbɛtɔ́ví ɔ́ nú mɛ lɛ́ɛ.”

Jǎan 14:26

Lo ɔ́, mɛ e ná d'alɔ mi ɔ́, Yɛsinsɛn e Tɔ́ ɔ́ ná sɛ́ dó mi ɖo nyǐkɔ ce mɛ é wɛ; é ná kplɔ́n nǔ bǐ mi, bó ná flín nǔ e un ɖɔ nú mi lɛ́ɛ bǐ mi.

Jǎan 16:13

Hwenu e Yɛ e nɔ ɖe nǔgbó Mawu tɔn xlɛ́ ɔ́ ná wá ɔ́, é ná bló, bɔ mi ná tunwun nǔgbó ɔ́ bǐ; ɖó acɛ é ɖésúnɔ tɔn mɛ wɛ é ná ɖɔ xó dó ǎ; lo ɔ́, nǔ e é se ɔ́ wɛ é ná ɖɔ, bó ná ɖɔ nǔ e ɖo na jɛ wɛ lɛ́ɛ nú mi.

Mɛsɛ́dó 7:10

bó hwlɛ́n ɛ ɖo nǔgbomɛ lɛ́ɛ bǐ mɛ, lobo ná ɛ nǔnywɛ́, bó bló bɔ nǔ tɔn nyɔ́ Ejípu xɔ́sú ɔ́ nukún mɛ, bɔ é sɔ́ ɛ gǎn ɖó to ɔ́ kpódó xwé tɔn kpán nu.

1 Kɔlɛ́ntinu 12:8

Yɛsinsɛn nɔ ná mɛ ɖě, bɔ é nɔ ɖɔ xó kpó nǔnywɛ́ kpó; é ɖokpó ɔ́ nɔ lɛ́ ná mɛ ɖě, bɔ é nɔ ɖɔ mɛ e tunwun nǔ ɔ́ sín xó.

Sɛ́nflínmɛ 32:29

Nǔnywɛ́ kpɛɖé jɛ́n hwedó yě, bɔ yě ná tunwun fí e nǔ e wa wɛ yě ɖe ɔ́ kplá yě xwe é.

Sɛ́nflínmɛ 4:39

Mi ní tunwun sín égbé, bó hɛn ayi mɛ ganjí ɖɔ Mawu Mavɔmavɔ ɖokpó géé wɛ nyí Mawu ɖo jǐxwé kpó dodomɛ kpó, bó tunwun ɖɔ Mawu ɖé kún sɔ́ ɖe zɛ éyɛ́ wú ó.

Filípunu 4:8

Nɔví ce lɛ́ɛ mi, bó ná dó fó xó ce ɔ́, un ɖo byɔ̌byɔ́ mi wɛ ɖɔ ayixa mitɔn ní nɔ nǔ e nyɔ́, bɔ susu jɛ xá lɛ́ɛ jí: nǔ e nyí nǔgbó ɔ́ bǐ, nǔ e è nǎ ɖó sísí ná é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukún mɛ é kpódó nǔ e wlí yɛ̌yi ɔ́ kpán; ayixa mitɔn ní nɔ nǔ énɛ́ lɛ́ɛ jí.

Kolósinu 1:9

Énɛ́ ɔ́ wú wɛ sín gbe e gbe mǐ se xó mitɔn ɔ́, mǐ nɔ́ gɔn ɖɛ xó nú mi ǎ. Mǐ nɔ́ byɔ́ Mawu ɖɔ ní ná nǔnywɛ́ kpódó nukúnnú-mɔjɛnǔmɛ e Yɛsinsɛn nɔ ná mɛ ɔ́ kpán bǐ mi, bónú mi ná tunwun jlǒ tɔn titewungbe.

1 Timɔtée 4:15

Kpé nukún dó nǔ énɛ́ lɛ́ɛ wú, lobo sɔ́ hwiɖée bǐ jó nú nǔ énɛ́ lɛ́ɛ, bónú mɛ bǐ ná mɔ nǔ jɛ nukɔn yiyi towe wú.

2 Timɔtée 2:6

Glesi e wa azɔ̌, bó jɛ dɛ̌n ɔ́ wɛ ɖó ná nyí mɛ nukɔntɔn e ná yí nukún e nyí étɔn é.

2 Timɔtée 2:8

Flín Klísu Jezu Davídi ví e Mawu fɔ́n sín kú, lě e Wɛn Ɖagbe e un jlá ɔ́ ɖɔ gbɔn é.

Eblée 12:3

Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó;

Eblée 13:7

Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 7:4

Mi kpɔ́n lě e Mɛlukisedɛ́ki ɔ́ nyí nǔɖaxó sɔ é! Tɔ́gbó mǐtɔn Ablaxámu ɖésú ná ɛ mǎɖówǒ nǔ e é hɛn wá sín ahwangbénu ɔ́ tɔn.

Jaki 1:5

É ka ɖo mɔ̌ có, ényí nǔnywɛ́ hwedó mɛɖé ɖo mi mɛ hǔn, ní byɔ́ Mawu nú é ná ná ɛ; ɖó Mawu nɔ hun alɔ dó ná nǔ mɛ bǐ kpó xomɛhunhun kpó.

Jaki 3:15

Nǔnywɛ́ mɔ̌hunkɔtɔn gosín Mawu gɔn ǎ; gbɛ élɔ́ kpó gbɛtɔ́ nyínyí kpó tɔn wɛ é nyí; awǒvi gɔ́n wɛ é gosín.

Jaki 3:17

Lo ɔ́, nǔnywɛ́ e gosín Mawu gɔ́n ɔ́, nǔ mímɛ́ wɛ é to nyí hwɛ̌; énɛ́ ɔ́ gúdo ɔ́, é nɔ ba tagba ǎ; é fá bó nɔ lɛ́ hun xomɛ dó wa nǔ nú mɛ; é nyɔ́ xomɛ ɖésú, bó nɔ wa nǔ ɖagbe lɛ́ɛ; é nɔ nɔ mɛɖé jí ǎ; é ka nɔ wa yɛmɛnú ǎ.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.