2 Timɔtée 2:4 - MAWUXÓWÉMA

⁴ Ényí ahwanfuntɔ́ e ɖo ahwangbénu ɔ́ ɖě jló na nyɔ́ ɖo gǎn tɔn sí ɔ́, é nɔ bɛ́ gbɛmɛ kpaa sín nǔ lɛ́ɛ dó hǔn mɛ ǎ.

2 Timɔtée 2:4 Iomraidhean Croise

Luki 8:14

Nǔkún e jɛ wundonu lɛ́ɛ ɔ́, mɛ e nɔ se Mawuxó ɔ́, bó nɔ́ ɖidó lɛ́ɛ é wɛ; yě nɔ́ jó yěɖée dó, bɔ nǔlinkpɔ́n, dɔkun, kpódó vǐví gbɛmɛ fí tɔn kpó nɔ vun blá xó ɔ́ ɖo ayi yětɔn mɛ, bɔ sínsɛ́n yětɔn nɔ zin ǎ.

2 Kɔlɛ́ntinu 5:9

Lo ɔ́, nú mǐ nɔ agbaza élɔ́ mɛ kpó mǐ gosín mɛ kpó ɔ́, nǔ e jló mǐ jɛ nukɔn ɔ́ wɛ nyí ɖɔ mǐ ní nyɔ́ Aklúnɔ nukún mɛ.

Galatinu 5:1

Klísu ɖe mǐ sín sɛ́n ɔ́ kannu, bónú mǐ ná jɛ mǐ ɖésúnɔ sí. Mi bo syɛ́nlǐn, bó má lɛ́ wá húzú kannumɔ ó.

1 Tɛsalonikinu 2:4

É nyɔ́ wa ɔ́, lě e Mawu jló gbɔn ɔ́ wɛ mǐ nɔ ɖɔ xó gbɔn hwebǐnu, ɖó é mɔ ɖɔ mǐ hɛn ɔ́, mǐ ná jlá Wɛn Ɖagbe ɔ́, bó sɔ́ dó así nú mǐ; gbɛtɔ́ lɛ́ɛ sí ba ná nyɔ́ ɖe wɛ mǐ ɖe, bó ɖo Wɛn Ɖagbe ɔ́ jlá wɛ ǎ; lo ɔ́, Mawu e nɔ gbéjé linlin e ɖo ayi mǐtɔn mɛ ɔ́ kpɔ́n ɔ́ sí ba ná nyɔ́ ɖe wɛ mǐ ɖe.

2 Timɔtée 4:10

Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.

2 Piyɛ́ɛ 2:20

Nǔgbó ɔ́, ényí yě mɛ e tunwun Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn, bó ma ka ko hɔn sín nǔblíblíwiwa gbɛmɛ fí tɔn lɛ́ɛ mɛ zinzin ǎ lɛ́ɛ lɛ́ jó yěɖée dó nú nǔblíblíwiwa énɛ́ lɛ́ɛ, bɔ yě ɖu ɖo yě jí ɔ́, ninɔmɛ e yě nɔ wá ɖó ɖo vivɔnu ɔ́ nɔ lɛ́ nylá hú ée yě ko ɖó ɖo bǐbɛ́mɛ é.