2 Timɔtée 2:3 - MAWUXÓWÉMA

³ Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

2 Timɔtée 2:3 Iomraidhean Croise

Mɛsɛ́dó 23:31

Sɔ́ja lɛ́ɛ ka bló nǔ e è zɔ́n yě lɛ́ɛ, bó kplá Pɔ́lu yi Antipatlisi zǎn énɛ́ mɛ.

1 Kɔlɛ́ntinu 13:7

Wǎn yíyí nɔ́ zɔ́n bɔ è nɔ dɛ ɖo nǔ bǐ nu; ényí mǐ ná bó ɖo ninɔmɛ ɖěbǔ mɛ ɔ́, wǎn yíyí ɔ́ nɔ hɛn nǔɖiɖi mǐtɔn, kpó nukúnɖíɖó mǐtɔn kpó, kpódó hǔnkúkú mǐtɔn kpán ɖó te.

1 Kɔlɛ́ntinu 9:7

Abǐ mi se kpɔ́n gbeɖé ɖɔ ahwan-yitɔ́ ɖé nɔ zé é ɖésúnɔ sín akwɛ́ dó wa ahwanzɔ́ ná wɛ a? Abǐ mi se kpɔ́n gbeɖé ɖɔ mɛ e dó vǐwuntín ɔ́ kún nɔ ɖu sínsɛ́n tɔn ó wɛ a? Abǐ kanlinnyitɔ́ ɖé kún nɔ nu kanlin e nyi wɛ é ɖe lɛ́ɛ sín anɔ̌sin ó wɛ a?

2 Kɔlɛ́ntinu 1:6

Ényí mǐ ɖo ya ji wɛ ɔ́, è nǎ dó gbɔ nú mi, bó ná hwlɛ́n mi gán wú wɛ; ényí è dǒ gbɔ nú mǐ ɔ́, è nǎ dó gbɔ nú mi wútu wɛ. Gbɔdónúmɛ énɛ́ wɛ ná zɔ́n, bɔ mi ná dɛ ɖo ya ɖokpó ɔ́ e ji wɛ mǐ ɖe lɛ́ɛ nu kpó suúlu kpó.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:9

Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 3:11

A tunwun ya e è dǒ nú mì lɛ́ɛ é, bó tunwun wǔvɛ́ e un mɔ lɛ́ɛ. A tunwun nǔ e gbo mì ɖo Antyɔ́ci kpódó Ikoniyɔ́mu kpó, kpódó Lisitli kpán é, bó tunwun wǔvɛ́ e un mɔ lɛ́ɛ. Aklúnɔ ka hwlɛ́n mì gán ɖo nǔ énɛ́ lɛ́ɛ bǐ mɛ.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

Filemɔ́ɔ 1:2

Hwi kpódó agun e nɔ kplé ɖo xwé towe gbe ɔ́ kpó, kpó nɔví mǐtɔn nyɔ̌nu Afya kpán, kpódó ahwanfungbɛ́ mǐtɔn Aacípu kpán wɛ mǐ sɛ́ wěma ɔ́ dó.

Eblée 10:32

Mi ní flín nǔ e ko gbo mi ɖ'ayǐ hwenu e mi mɔ wěziza Mawu tɔn é; mi ji ya hwenɛ́nu ɖésú, có bó ka syɛ́nlǐn ɖo ahwan nukɔn.

Eblée 11:27

Nǔɖiɖi e Mɔyízi ɖó ɔ́ wɛ zɔ́n bɔ é gosín Ejípu ma ɖi xɛsi nú xomɛsin axɔ́sú ɔ́ tɔn. É kpán akɔ́n, ɖi é ɖo éyɛ́ Mawu e è ma nɔ mɔ ǎ é mɔ wɛ ɖɔhun.

Eblée 6:15

Ablaxámu ɖó sɔxwixwe, bó nɔ te kpɔ́n Mawu, bɔ énɛ́ ɔ́, nǔ e sín akpá Mawu dó ɔ́, é mɔ yí.

Jaki 1:12

Nǔ nyɔ́ nú mɛ e nɔ syɛ́nlǐn ɖo mɛdókpɔ́n hwenu é; ɖó nú é ɖe lǐnsyɛ́nsyɛ́n tɔn xlɛ́ gúdo ɔ́, é ná mɔ gbɛ jɔ gbɛ yí; gbɛ jɔ gbɛ énɛ́ wɛ nyí ajɔ e sín akpá Mawu dó nú mɛ e yí wǎn n'i lɛ́ɛ é.

Hwɛɖɔtɔ́ 3:2

É jló ɖɔ Izlayɛ́linu e ji gbɔn gǔdo wɛ è ɖe bɔ yě má kó fun ahwan kpɔ́n ǎ lɛ́ɛ ní kplɔ́n ahwanfunfun.