2 Timɔtée 2:26 - MAWUXÓWÉMA

²⁶ Énɛ́ ɔ́, yě ná wá mɔ yěɖée mɛ, bó ná ɖe yěɖée sín awǒvi e wlí yě, bó nɔ zɔ́n bɔ yě nɔ wa jlǒ tɔn ɔ́ sín mɔ mɛ.

2 Timɔtée 2:26 Iomraidhean Croise

Jɔ̌bu 1:12

Énɛ́ ɔ́, Mawu Mavɔmavɔ ɖɔ nú hwɛdómɛtɔ́ ɔ́ ɖɔ: “É nyɔ́, a hɛn ɔ́, a nǎ yí nǔ e é ɖó lɛ́ɛ bǐ, amɔ̌, ma nú alɔ towe jɛ wǔ tɔn ó.” Ée Mawu Mavɔmavɔ ɖɔ mɔ̌ ɔ́, hwɛdómɛtɔ́ ɔ́ gosín nukɔn tɔn.

Jɔ̌bu 2:6

Bɔ Mawu Mavɔmavɔ ɖɔ nú hwɛdómɛtɔ́ ɔ́ ɖɔ: “É nyɔ́! Un jó e nú we, amɔ̌, ma nú alɔ towe jɛ gbɛ tɔn wú ó.”

Ɖɛhan 124:7

Mǐ gló yě, xɛ jɛ te sín xɛgbényatɔ́ mɔ mɛ ɖɔhun; mɔkan ɔ́ wɛ́n, bɔ mǐ jɛ te.

Ezayíi 28:13

Énɛ́ wú ɔ́, Mawu Mavɔmavɔ xó ɔ́ D-A DA...DA D-O DO...DO B-A BA...BA B-O BO...BO tɔn jɛ́n yě ná se. Énɛ́ ɔ́, yě ná nyi agbo bɔ xú yětɔn ná cɛ́; yě ná sɔ́ mɔ bɔ è nǎ wlí kannumɔ yětɔn.

Ezayíi 53:12

Énɛ́ wɛ zɔ́n bɔ un sɔ́ ɛ ɖó mɛ klogǎnklogǎn lɛ́ɛ há jí, é kpó mɛ e syɛ́n lɛ́ɛ kpó wɛ ná má nǔ e è hɛn sín ahwangbénu wá lɛ́ɛ, ɖó é sɔ́ éɖée hwe káká bó kú; é sɔ́ éɖée ɖó nǔ nyanyawatɔ́ lɛ́ɛ mɛ. É ɖíɖá hwɛgban mɛ gěgé tɔn, é sa vo dó hwɛhutɔ́ lɛ́ɛ tamɛ.”

Ezayíi 8:15

Mɛ gěgé ná klɛ́n afɔ dó wǔ tɔn, bó ná jɛ ayǐ bó ná gba hánnyá. Yě ná sɔ́ fɛ́ca bó ná ján cí mɛ, bɔ ɖiɖe tɔ́n ná gló.

Luki 11:21

“Ényí nya hlɔ̌nhlɔ́nɖowǔnánɔ ɖé sɔ́ ahwannú ganjí, bó ɖo xwé tɔn cɔ́ wɛ ɔ́, nǔɖé nɔ́ wa nǔ e é ɖó lɛ́ɛ ǎ.

Luki 15:17

É wá dó ayi do, bó ɖɔ dó xomɛ ɖɔ: ‘Azɔ̌watɔ́ gěgé wɛ ɖo daá ce xwé, bɔ nǔɖuɖu kpé yě kpo, bɔ nyɛ ka wá ɖo adɔ ná kú wɛ ɖo fí.

Luki 5:10

Mɔ̌ jɛ́n wɛ é lɛ́ kpácá hǎgbɛ́ tɔn Zebeɖée ví, Jaki kpódó Jǎan kpó ɔ́ nɛ́. Lo ɔ́, Jezu ɖɔ nú Sinmɔ́ɔ ɖɔ: “Ado ma hu we ó; bɛ́ sín din ɔ́, gbɛtɔ́ lɛ́ɛ wɛ a nǎ nɔ́ dɔn wá gɔ̌n ce.”

Jǎan 13:2

Jezu kpódó ahwanvú tɔn lɛ́ɛ kpó ɖo gbada nǔɖuɖu ɖu wɛ. Awǒvi ka ko sɔ́ linlin nyanya dó ayi mɛ nú Judási Sinmɔ́ɔ Isikaliɔ́ti ví ɔ́, ɖɔ ní sa Jezu.

Jǎan 13:27

Ée Judási yí wɔ̌xúxú ɔ́, Satáan wá ayi tɔn mɛ, bɔ Jezu ɖɔ n'i ɖɔ: “Nǔ e ná bló wɛ a ɖe ɔ́, yǎ wǔ bló.”

Mɛsɛ́dó 26:18

Un sɛ́ we dó, bónú a nǎ hun nukún nú yě; bónú a nǎ kplá yě sín zǐnflú mɛ wá wěziza nu; bó ná ɖe yě sín Satáan sín acɛ mɛ wá Mawu gɔ́n, lobo nú yě ɖi nǔ nú mì ɔ́, Mawu ná sɔ́ hwɛ yětɔn lɛ́ɛ kɛ yě, bɔ yě ná mɔ tɛnmɛ ɖo mɛ e nyí étɔn lɛ́ɛ tɛ́ntin.’

Mɛsɛ́dó 5:3

Piyɛ́ɛ ka kanbyɔ́ ɛ ɖɔ: “Ananíyasi! Aniwú Satáan gɔ́ ayi mɛ nú we mɔ̌, bó zɔ́n bɔ a ɖe akwɛ́ e a dǒ sa ayǐkúngban ɔ́ ná ɔ́ kpo, bó wá ɖo nǔvú ɖó nú Yɛsinsɛn wɛ?

1 Kɔlɛ́ntinu 15:34

Mi byɔ́ miɖée mɛ lě e é jɛ xá gbɔn é, bó gɔn hwɛ hu. Mɛ ɖé lɛ́ɛ ɖo mi mɛ, bó tunwun Mawu ǎ; winnyá ní hu mi.

2 Kɔlɛ́ntinu 2:11

bónú Satáan ní ma kpé mǐ wú ó; nǔgbó ɔ́, mǐ tunwun linlin tɔn lɛ́ɛ ganjí.

Efɛ́zinu 5:14

Đó nǔ e è ɖe gba ɖo wěziza nu lɛ́ɛ bǐ wɛ nɔ́ húzú wěziza; énɛ́ wútu wɛ è ɖɔ: “Hwi mɛ e ɖo amlɔ dɔ́ wɛ ɔ́, fɔ́n sí te sín mɛkúkú lɛ́ɛ mɛ; énɛ́ ɔ́, Klísu sín wěziza ná hɔ́n dó jǐ towe.”

Kolósinu 1:13

Nǔgbó ɔ́, é yí mǐ sín zǐnflú sín hlɔ̌nhlɔ́n sí, bó sɔ́ mǐ ɖó Vǐ tɔn vívɛ́ná ɔ́ sín axɔ́súɖuto mɛ.

1 Timɔtée 1:20

Imɛnɛ́ɛ kpódó Alɛsándlu kpán ɖo mɛ énɛ́ lɛ́ɛ mɛ. Un jó yě dó nú Satáan , nú yě ná tunwun ɖɔ émí kún sɔ́ ná nylá nu dó Mawu wú ɖě ó.

1 Timɔtée 3:7

É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.