2 Timɔtée 2:25 - MAWUXÓWÉMA

²⁵ É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

2 Timɔtée 2:25 Iomraidhean Croise

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Ezekiyɛ́li 11:19

Un ná ná ayixa yɔ̌yɔ́ mi, un ná ná linlin yɔ̌yɔ́ mi. Un ná ɖe ayixa mitɔn e syɛ́n awǐnnya ɖɔhun ɔ́ síin, bó ná zé ayixa e nɔ se tónú é ɖó tɛn tɔn mɛ.

Ezekiyɛ́li 12:3

Din ɔ́, hwɛ gbɛtɔ́ ɔ́, sɔ́ nǔ bó dó agban towe mɛ e ahwan nya sín to tɔn mɛ é ɖɔhun; sɔ́ nǔ có zǎn ní kú; mɛ bǐ nukún mɛ wɛ a ka ná sɔ́ nǔ ɖe. Afɔ nyɔ́ ɔ́, énɛ́ ɔ́ sixú ɖe xlɛ́ yě ɖɔ yě kún nɔ́ se tónú ó.

Ezekiyɛ́li 36:26

Un ná ná ayixa yɔ̌yɔ́ mi, un ná ná linlin yɔ̌yɔ́ mi. Un ná ɖe ayixa mitɔn e syɛ́n awǐnnya ɖɔhun ɔ́ síin, bó ná zé ayixa e nɔ se tónú ɔ́ ɖó tɛn tɔn mɛ.

Ezekiyɛ́li 36:31

Énɛ́ ɔ́, mi ná flín jijɔ nyanya e mi zán lɛ́ɛ, bó ná flín winnyánú e mi dó sin lɛ́ɛ. Mi ɖésúnɔ sín nǔ ná vɛ́ miɖée wú káká bɔ mi ná sixú kpɔ́n miɖée nukún mɛ ǎ, ɖó nǔ e mi wa nyi do lɛ́ɛ, kpó hɛ̌nnú e mi wa lɛ́ɛ kpó wú.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Matíe 11:29

Mi yí nǔkplɔ́nmɛ ce lɛ́ɛ se, bónú lǐndɔ̌n mitɔn lɛ́ɛ ná vo, ɖó mɛ fífá wɛ un nyí, bó nyí xomɛnyɔ́tɔ́.

Matíe 21:32

Ɖó Jǎan wá mi gɔ́n, bó kplɔ́n nǔ mi dó lě e mi ná wa nǔ jlɔ́jlɔ́ gbɔn ɔ́ wú, bɔ midɛɛ lɛ́ɛ ɔ́, mi ka yí xó tɔn se ǎ. Lo ɔ́, tokwɛ́yítɔ́ lɛ́ɛ kpódó agalɛtɔ́ lɛ́ɛ kpó yí xó tɔn se, bó lɛ́ kɔ sín hwɛ yětɔn lɛ́ɛ gúdo. Mi mɔ nǔ énɛ́ lɛ́ɛ, có é ka ɖɔ nǔ ɖěbǔ nú mi ɖo ayi mɛ, bónú mi lɔmɔ̌ ná yí xó tɔn se, bó lɛ́ kɔ sín hwɛ mitɔn lɛ́ɛ gúdo ǎ.”

Maki 1:15

bó nɔ́ ɖɔ: “Hwe ɔ́ nu ɖíe su e. Axɔ́súɖuɖu Mawu tɔn kó sɛ yá. Mi lɛ́ kɔ sín hwɛ mitɔn lɛ́ɛ gúdo, bó ɖi nǔ nú Wɛn Ɖagbe Mawu tɔn.”

Jǎan 5:34

É ka nyí kúnnuɖiɖe gbɛtɔ́ tɔn sín nǔ wɛ hu dó mì ǎ; lo ɔ́, un ɖɔ xó énɛ́ ɔ́, bónú Mawu ná hwlɛ́n mi gán.

Mɛsɛ́dó 11:18

Ée yě se mɔ̌ ɔ́, xomɛ yětɔn fá, bɔ yě jɛ susu kpa nú Mawu jí, bó nɔ́ ɖɔ: “Mawu bló, bɔ mɛ e ma nyí Jwifu ǎ lɛ́ɛ lɔmɔ̌ sixú lɛ́ kɔ sín hwɛ yětɔn lɛ́ɛ gúdo, bó ná sixú mɔ gbɛ mavɔ mavɔ.”

Mɛsɛ́dó 2:38

Piyɛ́ɛ ka yí gbe nú yě ɖɔ: “Mi lɛ́ kɔ sín hwɛ mitɔn lɛ́ɛ gúdo; ɖokpó ɖokpó mitɔn ní lɛ yɛhwesin ɖo Jezu Klísu nyǐkɔ mɛ, bónú Mawu ná sɔ́ hwɛ mitɔn lɛ́ɛ kɛ mi, bɔ mi ná mɔ Yɛsinsɛn e nyí nǔníná Mawu tɔn ɔ́ yí.

Mɛsɛ́dó 20:21

Un ɖɔ nú Jwifu lɛ́ɛ, bó ɖɔ nú mɛ e ma nyí Jwifu ǎ lɛ́ɛ ɖɔ yě ɖó ná lɛ́ kɔ sín hwɛ yětɔn lɛ́ɛ gúdo, bó húzú jɛ Mawu li jí, bó ɖi nǔ nú Aklúnɔ mǐtɔn Jezu.

Mɛsɛ́dó 5:21

Ée yě se mɔ̌ ɔ́, yě fɔ́n zǎn yi sinsɛnxɔ mɛ, bó jɛ nǔ kplɔ́n mɛ lɛ́ɛ jí. Vɔ̌sánú-xwlémawutɔ́ ɖaxó ɔ́, kpódó mɛ e ɖo kpɔ́ xá ɛ lɛ́ɛ kpó ka ylɔ́ Izlayɛ́li tomɛxó lɛ́ɛ bónú yě ná bló toxóɖɔgbɛ́ ɔ́ sín kplé. Ée yě kplé ɔ́, yě sɛ́ mɛ dó ɖɔ è nǐ yi kplá mɛsɛ́dó lɛ́ɛ wá sín gankpá mɛ.

Mɛsɛ́dó 5:31

Mawu sɔ́ ɛ ɖó ɖisí tɔn xwé, bó sɔ́ ɛ su, lobo sɔ́ ɛ axɔ́sú Mɛhwlɛ́ngántɔ́, nú é ná xlɛ́ ali Izlayɛ́li togun ɔ́, bónú Izlayɛ́li togun ɔ́ ná lɛ́ kɔ sín hwɛ tɔn lɛ́ɛ gúdo, bɔ Mawu ná sɔ́ hwɛ e é hu lɛ́ɛ kɛ ɛ.

Mɛsɛ́dó 8:22

Hǔn, bo lɛ́ kɔ sín linlin towe nyanya énɛ́ gúdo, bó sa vo nú Aklúnɔ, bónú nǔ sixú nyí mɔ̌ ɔ́, é ná sɔ́ nǔ nyanya énɛ́ e a lin ɔ́ kɛ we;

Galatinu 6:1

Nɔví lɛ́ɛ mi! Mi mɛ e ko ɖó nukɔn yiyi ɖo nǔɖiɖi mɛ lɛ́ɛ ɔ́, ényí mɛɖé ɖo nǔ ɖěbǔ wa nyi do wɛ, bónú è gbo e dó hǔn, mi ɖe e ɖó ali jí; mi ka bló kpódó xomɛfífá kpó. Un ka lɛ́ ɖo ɖiɖɔ nú mi wɛ ɖɔ mi cɔ́ miɖée, bónú mi ɖésúnɔ má wá jɛ tɛ́nkpɔ́n mɛ ó.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

2 Timɔtée 3:7

Nyɔ̌nu énɛ́ lɛ́ɛ nɔ ɖo nǔ kplɔ́n wɛ tɛgbɛ, yě ka nɔ sixú kpé nǔgbó ɔ́ wú bó nɔ tunwun ǎ.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.