2 Timɔtée 2:24 - MAWUXÓWÉMA

²⁴ Aklúnɔ sín mɛsɛntɔ́ ka ɖó ná ɖɔ jlɛ ǎ; é nyɔ́ wa ɔ́, mɛ bǐ wɛ é ɖó ná dɔn dó wǔ; é ɖó ná nyí mɛɖé bó ná sixú kplɔ́n nǔ mɛ; é ɖó ná nɔ kú hǔn.

2 Timɔtée 2:24 Iomraidhean Croise

2 Tan 24:6

Axɔ́sú ɔ́ ylɔ́ Yexoyada vɔ̌sánú-xwlémawutɔ́ ɖaxó ɔ́, bó ɖɔ n'i ɖɔ: “Tokwɛ́ e Mɔyízi mɛsɛntɔ́ Mawu Mavɔmavɔ tɔn ɔ́ ɖɔ è nǎ yǐ ɖo Izlayɛ́linu lɛ́ɛ sí, bó ná dó bló goxɔ e mɛ akɔjijɛgbá ɔ́ ɖe ɔ́ ɖó ná bɔ Izlayɛ́li togun ɔ́ bǐ yí gbe ná ɔ́, étɛ́wú wɛ a ma kpé nukún d'é wú, bónú Levíi ví lɛ́ɛ ní yi yí ɖo Judáanu lɛ́ɛ kpó Jeluzalɛ́munu lɛ́ɛ kpó sí ǎ?

Ezayíi 40:11

É cí lɛ̌ngbɔ́nyitɔ́ e kplá gbɔ̌ tɔn lɛ́ɛ é ɖɔhun. É bló alɔ nú yě bó kplé yě; é bɛ́ lɛ̌ngbɔ́ví lɛ́ɛ dó awa mɛ, bó ɖo nukún kpé dó lɛ̌ngbɔ́ vǐnɔ lɛ́ɛ wú wɛ.”

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Matíe 12:19

É ná dɔn nǔ xá mɛɖé ǎ; é ka ja xó sú gbé ǎ; mɛɖé ka ja gbe tɔn se gbé ɖo toligbó xo ǎ.

Jǎan 6:52

Jwifu e gbɛ́ wǎn nú Jezu lɛ́ɛ ka jɛ nǔ dɔn jí syɛ́nsyɛ́n ɖo yěɖée tɛ́ntin bo nɔ ɖɔ: “Nɛ̌ nya élɔ́ ká sixú ná agbaza tɔn mǐ, bɔ mǐ na ɖu gbɔn?”

Mɛsɛ́dó 15:2

Pɔ́lu kpódó Baanabási kpó ka gbɛ́ xó yětɔn, bó dɔn nǔ xá yě ɖ'é kɔn tlala. Énɛ́ ɔ́, nɔví ɖo Klísu mɛ lɛ́ɛ wá ɖe gbeta tɔ́n, ɖɔ Pɔ́lu kpódó Baanabási kpó, kpódó nɔví ɖo Klísu mɛ ɖě lɛ́ɛ kpó ná yi Jeluzalɛ́mu bó ná ɖɔ xó énɛ́ gbo xá mɛsɛ́dó lɛ́ɛ kpódó agunnukɔntɔ́ lɛ́ɛ kpán.

Mɛsɛ́dó 23:9

Énɛ́ ɔ́, xósúsú ɔ́ lɛ́ syɛ́n d'é jí; Falizyɛn sɛ́nkplɔ́nmɛtɔ́ ɖé lɛ́ɛ sí te, bó gbɛ́ gbídígbídí ɖɔ jí: “Mǐ mɔ nǔ e nya élɔ́ wa nyi do ɔ́ ǎ; é sixú nyí ɖɔ yɛ ɖé abǐ wɛnsagun ɖé wɛ ná ko ɖɔ xó n'i.”

Mɛsɛ́dó 7:26

Ayǐhɔ́ngbe tɔn ɔ́, Mɔyízi mɔ Izlayɛ́li ví we ɖé lɛ́ɛ ɖo hun xo wɛ, lobo jló ná kɔ́ nǔ nú yě, bó ɖɔ: ‘Xɔ́ntɔn ce lɛ́ɛ mi; nɔví wɛ mi nyí hǔn. Nɛ̌ ká gbɔn bɔ mi ɖo ya dó nú miɖée wɛ?’

2 Kɔlɛ́ntinu 10:1

Nyɛ Pɔ́lu e è nɔ ɖɔ, nú un ɖo kpɔ́ xá mi ɔ́, un nɔ fá, un ka ɖo zɔ ɔ́ un nɔ wa adǎn sɛ́ dó mi ɔ́, nyɛ ɖésú wɛ ɖo nǔ élɔ́ byɔ́ mi wɛ; gbɔn xomɛfífá kpó xomɛnyínyɔ́ Klísu tɔn kpó mɛ ɔ́, un ɖo vo sa nú mi wɛ ɖɔ:

2 Kɔlɛ́ntinu 10:4

Ahwanfunnú e dó fun ahwan ná wɛ mǐ ɖe lɛ́ɛ nyí gbɛtɔ́ gbɛmɛ fí tɔn lɛ́ɛ tɔn ǎ: ahwanfunnú hlɔ̌nhlɔ́nnɔ Mawu tɔn e è nɔ dó mu ahohó lɛ́ɛ ná ɔ́ wɛ. Mǐ nɔ́ gba linlin e ma sɔgbe ǎ lɛ́ɛ bǐ dó.

2 Kɔlɛ́ntinu 6:4

É nyɔ́ wa ɔ́, mǐ nɔ́ ɖe xlɛ́ ɖo nǔ bǐ mɛ ɖɔ mǐ nyí azɔ̌watɔ́ Mawu tɔn: mǐ nɔ́ ɖó suúlu ɖaxó, bó nɔ́ dɛ ɖo wǔvɛ́ lɛ́ɛ nu, bó nɔ́ dɛ ɖo nǔgbomɛ lɛ́ɛ, kpódó nǔ e nɔ́ hu ado lɛ́ɛ kpán nu.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Efɛ́zinu 4:2

Mi nɔ sɔ́ miɖée hwe hwebǐnu; mi nɔ ɖó xomɛfífá, bó nɔ́ ɖó suúlu. Mi nɔ mɔ miɖée gbɔ ɖo wǎn yíyí mɛ.

Sɛ́nflínmɛ 34:5

Mɔyízi mɛsɛntɔ́ Mawu Mavɔmavɔ tɔn ɔ́ kú ɖo Mɔwabu tomɛ fínɛ́, lě e Mawu Mavɔmavɔ ko ɖɔ gbɔn é.

Filípunu 2:14

Mi wa nǔ bǐ; mi ma húnhún nǔ ɖɔ ɖo nǔ e wa wɛ mi ɖe lɛ́ɛ ɖě kɔn ó, mi ma ka dɔn nǔ ɖo ɖě kɔn ó;

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

Kolósinu 3:13

Mi nɔ mɔ miɖée gbɔ; ényí mɛɖé wa nǔ nyi do nú mɛɖé ɖo mi mɛ hweɖěbǔnu hǔn, mi nɔ sɔ́ kɛ miɖée. Mi ɖó ná nɔ sɔ́ hwɛ kɛ miɖée lě e Aklúnɔ sɔ́ kɛ mi é ɖɔhun.

1 Tɛsalonikinu 2:7

Cóbɔ mǐ ka hɛn ɔ́, mǐ ná ko ɖɔ nú mi ɖɔ nǔ lě wɛ mi ná wa dandan, ɖó mɛsɛ́dó Klísu tɔn e mǐ nyí ɔ́ wútu; mǐ ka bló gbɔn mɔ̌ ǎ; é nyɔ́ wa ɔ́, hwenu e mǐ ɖo mi gɔn ɔ́, mǐ fá xomɛ dó mi wú, vǐnɔ e ɖo nukún kpé dó vǐ tɔn lɛ́ɛ wú wɛ ɔ́ ɖɔhun.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

Jaki 1:1

Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.

Jaki 3:17

Lo ɔ́, nǔnywɛ́ e gosín Mawu gɔ́n ɔ́, nǔ mímɛ́ wɛ é to nyí hwɛ̌; énɛ́ ɔ́ gúdo ɔ́, é nɔ ba tagba ǎ; é fá bó nɔ lɛ́ hun xomɛ dó wa nǔ nú mɛ; é nyɔ́ xomɛ ɖésú, bó nɔ wa nǔ ɖagbe lɛ́ɛ; é nɔ nɔ mɛɖé jí ǎ; é ka nɔ wa yɛmɛnú ǎ.

Jaki 4:2

Mi nɔ jló mɛɖévonú; lo ɔ́, mi sixú mɔ ǎ; bɔ énɛ́ ɔ́ wú ɔ́, mi ɖo gbesisɔ mɛ, bó ná hu mɛ; nǔ nɔ jló mi; mi ka sixú mɔ ǎ, bɔ énɛ́ ɔ́ nɔ́ zɔ́n bɔ mi nɔ jɛ jlɛ ɖɔ jí, bó nɔ jɛ ahwan fun jí. Mi nɔ mɔ nǔ e ba wɛ mi ɖe ɔ́ ǎ, ɖó mi nɔ byɔ́ Mawu ǎ.

Jozuwée 1:1

Mɛsɛntɔ́ Mawu Mavɔmavɔ tɔn Mɔyízi kú. Ée é kú ɔ́, Mawu Mavɔmavɔ ɖɔ nú Jozuwée Nuni ví e nɔ dó alɔ Mɔyízi ɔ́ ɖɔ:

1 Piyɛ́ɛ 3:8

Bó ná dó fó ɔ́, mi bǐ ní ɖó linlin ɖokpó ɔ́, bó ɖó ayixa ɖokpó ɔ́; mi yí wǎn nú miɖée nɔví nɔví ɖɔhun; mi nɔ nyɔ́ xomɛ dó miɖée wú, bó nɔ sɔ́ miɖée hwe.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.