2 Timɔtée 2:22 - MAWUXÓWÉMA

²² Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

2 Timɔtée 2:22 Iomraidhean Croise

Ɖɛhan 119:9

Mawu, è ɖo wǐnnyáwínnyá mɛ ɔ́, nɛ̌ è ka sixú bló gbɔn bó ná nɔ́ zán gbɛ ɖagbe? Xó towe jɛ́n è nǎ nɔ́ xwedó dó wa nǔ.

Ɖɛhan 17:1

Davídi sín ɖɛ. Mawu Mavɔmavɔ, nǔ e byɔ́ we wɛ un ɖe ɔ́ sɔgbe, ɖǒtó, wlǐ tó vo e sa nú we wɛ un ɖe ɔ́ wú, se ɖɛ e xo wɛ un ɖe ɔ́ ganjí, un ɖo yɛ wa wɛ ǎ.

Nǔnywɛ́xó 15:8

Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

Nǔnywɛ́xó 6:5

Wa nǔ agbanlín e jɛ mɔ mɛ bó lun afɔ sín mɛ ɔ́ ɖɔhun; wa nǔ xɛ e jɛ ɖɔ mɛ bó lɛ́ zɔn sín mɛ é ɖɔhun.

Nǔnywɛ́xó 7:8

Nyaví ɔ́ wlí ali ɖé, ali ɔ́ gbɔn fí e nyɔ̌nu ɖé nɔ́ nɔ é kpá; é sɔ́ ali e yi nyɔ̌nu ɔ́ xwé é.

Levíi ví 15:18

“Nú súnnu ɖé ɖó xó xá nyɔ̌nu ɖé ɔ́, yě mɛ we lɛ́ɛ ɖó ná lɛ wǔ; yě ká ná nyí mɛ blíblí káká jɛ gbadanu.”

Mɛsɛ́dó 7:59

Hwenu e yě ɖo awǐnnyaglo nyi dó Etyɛ́ni wɛ ɔ́, Etyɛ́ni xo ɖɛ, bó ɖɔ: “Aklúnɔ Jezu, yǐ lǐndɔ̌n ce.”

Mɛsɛ́dó 9:14

Fí e é ka wá din ɔ́, vɔ̌sánú-xwlémawutɔ́gán lɛ́ɛ wɛ é byɔ́ gbe, bó ná wlí mɛ e nɔ xomlá nyǐkɔ towe lɛ́ɛ bǐ.”

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Hlɔ̌manu 14:19

Hǔn, mǐ ní bó ba nǔ e nɔ dɔn fífá wá, bó ná zɔ́n bɔ mǐ ná dó wǔsyɛ́n lanmɛ nú miɖée ɖo nǔɖiɖi mɛ é.

1 Kɔlɛ́ntinu 1:10

Nɔví lɛ́ɛ mi, ɖo Aklúnɔ mǐtɔn Jezu Klísu sín nyǐkɔ mɛ ɔ́, un ɖo byɔ̌byɔ́ mi wɛ ɖɔ mi bǐ ní ɖó gbe kpɔ́, bónú kínklán ma nɔ tɛ́ntin mitɔn ó; mi ní nɔ bǔ ganjí, bó ɖó linlin ɖokpó ɔ́; ayixa mitɔn ní nɔ ɖɔ nǔ ɖokpó ɔ́.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.

1 Kɔlɛ́ntinu 10:14

Énɛ́ ɔ́ wú ɔ́, mɛvívɛ́ná ce lɛ́ɛ mi, mi ma sɛn vodún ó.

1 Kɔlɛ́ntinu 14:1

Hǔn wǎn yíyí wɛ mi ná nɔ ba jɛ nukɔn nú nǔ bǐ; mi nɔ ba nǔníná Yɛsinsɛn tɔn lɛ́ɛ lɔmɔ̌; ɖo tají ɔ́, mi nɔ ba ná yí wɛn ɖo Mawu sí bó dó.

1 Kɔlɛ́ntinu 6:18

Mi hɔn nú agalilɛ. Hwɛ ɖěvo ɖěbǔ e gbɛtɔ́ ná hu ɔ́, hwɛ énɛ́ ɔ́ ɖo zɔ nú agbaza tɔn; amɔ̌, mɛ e lɛ aga ɔ́ hu hwɛ dó agbaza é ɖésúnɔ tɔn.

1 Timɔtée 1:14

Aklúnɔ mǐtɔn ka kɔn fɛ́nú tɔn dó jǐ ce, bɔ é túnflá; é ná nǔɖiɖi kpódó wǎn yíyí e mǐ ɖǒ ɖo Klísu Jezu mɛ ɔ́ kpó mì.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

1 Timɔtée 2:8

Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

Eblée 12:14

Mi dó gǎn, bó nɔ fífá mɛ xá mɛ bǐ, bó zán gbɛ mímɛ́; ɖó, nú mɛɖé ma wa nǔ gbɔn mɔ̌ ǎ ɔ́, é ná sixú mɔ Aklúnɔ ǎ.

1 Piyɛ́ɛ 2:11

Mɛvívɛ́ná ce lɛ́ɛ mi, mi mɛ e nyí jǒnɔ bó nyí aligbɔntɔ́ ɖo ayǐkúngban jí lɛ́ɛ ɔ́, un ɖo byɔ̌byɔ́ mi wɛ ɖɔ mi ma lɔn nú jlǒ gbɛtɔ́ tɔn e nɔ ɖo ahwan fun xá ayi wɛ lɛ́ɛ ní ɖu ɖo mi jí ó.

1 Piyɛ́ɛ 3:11

É ɖó ná lɛ́ kɔ sín nǔ nyanya wiwa gúdo, bó ná nɔ wa nǔ ɖagbe; é ná nɔ́ jɛ hun dó fífá jí bó nɔ ba;

3 Jǎan 1:11

Mɛvívɛ́ná ce, ma nɔ wa nǔ mɛ e nɔ wa nǔ nyanya é ɖɔhun ó; lo ɔ́, nɔ wa nǔ mɛ e nɔ wa nǔ ɖagbe é ɖɔhun. Mɛ e nɔ wa nǔ ɖagbe ɔ́, Mawu tɔn wɛ é nyí, bɔ mɛ e ka nɔ wa nǔ nyanya ɔ́ mɔ Mawu ǎ.