2 Timɔtée 2:20 - MAWUXÓWÉMA

²⁰ Agbǎn e è sɔ́ siká abǐ kpatágan dó bló ná lɛ́ɛ kɛ́ɖɛ́ wɛ è nɔ mɔ ɖo xwé ɖaxó ɖokpó gbe ǎ; è nɔ lɛ́ mɔ agbǎn e è sɔ́ atín dó bló ná ɔ́ kpódó ée è sɔ́ ko dó bló ná ɔ́ kpó. Agbǎn nukɔntɔn lɛ́ɛ ɔ́, hwenu e è ja nǔjɔnǔ ɖé wa gbé ɔ́ wɛ è nɔ ɖe yě tɔ́n; amɔ̌ ɖě lɛ́ɛ ɔ́, è nɔ zán yě nú nǔ yǎyá lɛ́ɛ.

2 Timɔtée 2:20 Iomraidhean Croise

Ɛsidlási 1:6

Bɔ mɛ e kpó yě kpó ɖo kpɔ́ lɛ́ɛ ná nǔ yě dó d'alɔ yě. Yě ná yě nǔ e è sɔ́ kpatágan dó bló ná lɛ́ɛ kpó ée è sɔ́ siká dó bló ná lɛ́ɛ kpó, kpó nǔzínzán lɛ́ɛ kpó, kpó kanlin kpó, kpódó nǔxɔ-akwɛ́ tɛnmɛ tɛnmɛ lɛ́ɛ kpó; è lɛ̌n nǔ e yě ɖésúnɔ jló bó ná ɖó Mawu xwé ɔ́ gbígbá wútu lɛ́ɛ d'é mɛ ǎ.

Ɛsidlási 6:5

Nǔzínzán e è sɔ́ siká dó bló ná lɛ́ɛ, kpódó ée è sɔ́ kpatágan dó bló ná lɛ́ɛ kpó, bɔ axɔ́sú Nabukodonɔzɔ́ɔ bɛ́ sín Mawu xwé gbe ɖo Jeluzalɛ́mu, bó bɛ́ ɖó Babilɔ́nu lɛ́ɛ ɔ́, è ɖǒ ná lɛ́ bɛ́ yě jó bɔ è nǎ lɛ́ bɛ́ yi ɖó Mawu xwé gbe ɖo Jeluzalɛ́mu. È nǎ fɔ nǔ lɛ́ɛ ɖokpó ɖokpó ɖó tɛn e mɛ yě ko nɔ́ nɔ ɖ'ayǐ é mɛ.”

Tíntɔ́n 27:3

A nǎ zé ganvɔ dó bló nǔ e è nǎ zǎn ɖo vɔ̌sákpe ɔ́ jí lɛ́ɛ: gannú e mɛ afín ná nɔ́ kɔn dó lɛ́ɛ, pɛ́li lɛ́ɛ, gannú lɛ́ɛ, gǎfu lɛ́ɛ, kpódó nǔ e mɛ è nǎ nɔ́ dó zǎlínkpɔ́n zo ɖe lɛ́ɛ kpó.

Gbɛvíhan 4:2

Sinyɔ́ɔnu mɛjɔmɛ, siká akú lɛ́ɛ ɔ́, nɛ̌ è ka sixú mɔ yě dó mɔ kozɛ́n yǎyá ɖé gbɔn? Nǔ e zɛ̌nmɛtɔ́ zé alɔ tɔn dó bló ná é!

Daniyɛ́li 5:2

Hwenu e é ɖo ahan nu wɛ ɔ́, é ná gbe ɖɔ è nǐ yi bɛ́ sikákɔ́fu kpó kpatágankɔ́fu kpó e tɔ́ émítɔn bɛ́ sín sinsɛnxɔ Jeluzalɛ́mu tɔn mɛ lɛ́ɛ é wá, ɖó é jló ɖɔ tozɔ́watɔ́ émítɔn lɛ́ɛ kpó asi émítɔn lɛ́ɛ kpó xɔ́ntɔn émítɔn lɛ́ɛ kpó ní nu ahan ɖo kɔ́fu énɛ́ lɛ́ɛ mɛ.

Jǎan 8:49

Jezu ka yí gbe nú yě ɖɔ: “Yɛ nyanya ɖě ɖo jǐ ce ǎ; Tɔ́ ce sɔ́ su wɛ un ɖe, bɔ midɛɛ lɛ́ɛ ka ɖo hɛ̌n dó mì wɛ.

Hlɔ̌manu 9:20

Hwi gbɛtɔ́ ɔ́, ani a ka nyí, bó ná dɔn nǔ xá Mawu? Kozɛ́n sixú kanbyɔ́ mɛ e bló é ɔ́ ɖɔ nɛ̌ ká gbɔn bɔ é bló émí gbɔn lě ají a?

1 Kɔlɛ́ntinu 3:9

Đó azɔ̌ wa ɖó kpɔ́ wɛ mǐ ɖe nú Mawu, bɔ midɛɛ lɛ́ɛ ka nyí gle Mawu tɔn, bó lɛ́ nyí xɔ Mawu tɔn.

2 Kɔlɛ́ntinu 4:7

Lo ɔ́, mǐ mɛ e sí dɔkun Yɛsinsɛn tɔn énɛ́ ɖe lɛ́ɛ ɔ́, kozɛ́n ɖɔhun wɛ mǐ cí, bónú è nǎ mɔ ganjí ɖɔ hlɔ̌nhlɔ́n aditi énɛ́ ɔ́, Mawu tɔn wɛ; é kún nyí mǐtɔn ó.

Efɛ́zinu 2:22

Đo bǔ e mi ɖe xá Klísu Jezu ɔ́ mɛ ɔ́, mi lɔmɔ̌ nyí blǐki ɖo blǐki e è dǒ mɛ xɔ ɔ́ ná lɛ́ɛ mɛ; bɔ mi kpódó mɛ ɖě lɛ́ɛ bǐ kpó ná kplé bó ná nyí xɔ e mɛ Yɛ Mawu tɔn nɔ́ nɔ é.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.