2 Timɔtée 2:19 - MAWUXÓWÉMA

¹⁹ Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

2 Timɔtée 2:19 Iomraidhean Croise

Jɔ̌bu 28:28

Énɛ́ ɔ́ gúdo ɔ́, é ɖɔ nú gbɛtɔ́ ɖɔ: “Đǒtó! Sísí ɖó nú nyɛ Aklúnɔ wɛ nyí nǔnywɛ́; è nǐ hɔn nú nǔ nyanya wiwa ka nyí nukúnnú mɔ jɛ nǔ mɛ.”

Ɖɛhan 1:6

Đó Mawu Mavɔmavɔ nɔ kpé nukún dó nǔjlɔ́jlɔ́watɔ́ lɛ́ɛ sín ali wú, lo ɔ́, mɛdídá lɛ́ɛ ɔ́, ali e jí yě ɖe ɔ́ wɛ nɔ́ kplá yě yi kú.

Ɖɛhan 112:6

Mɛ e nɔ wa nǔ gbɔn mɔ̌ ɔ́ nɔ́ jɛ ayǐ gbeɖé ǎ; è nǎ nɔ flín i tɛgbɛ.

Ɖɛhan 34:14

hɛn nu towe, ma nɔ ɖɔ xó nyanya ó, ma nɔ ɖó adingban ó,

Ɖɛhan 37:18

Mawu Mavɔmavɔ nɔ kpé nukún dó mɛ e nɔ se tónú n'i lɛ́ɛ wú, mɛ e wú è ma nɔ mɔ nǔɖé ɖɔ dó ǎ lɛ́ɛ wú; to e é ná yě ɔ́ ná nyí yětɔn káká sɔ́yi.

Ɖɛhan 97:10

Mi mɛ e yí wǎn nú Mawu Mavɔmavɔ lɛ́ɛ e mi, mi gbɛ́ wǎn nú nǔ nyanya. Mawu Mavɔmavɔ nɔ nya xɛ ɖo mɛ e ɖo gbejí n'i lɛ́ɛ jí; é nɔ́ hwlɛ́n yě gán sín mɛdídá fɛn mɛ.

Nǔnywɛ́xó 10:25

Jɔhɔn ɖaxó nyi ɔ́, è nɔ ba mɛdídá kpo; hwɛjijɔnɔ ka nɔ́ dó ɖɔ do, bo nɔ ɖo te tɛgbɛ.

Nǔnywɛ́xó 3:7

Ma nɔ mɔ hwiɖée dó mɔ nǔnywɛ́tɔ́ ó; lo ɔ́, nɔ ɖó sísí nú Mawu Mavɔmavɔ bó jó nǔ nyanya wiwa dó.

Ezayíi 14:32

Xó tɛ́ mǐ ká ná ɖɔ nú mɛsɛ́dó Filisitíi tɔn lɛ́ɛ? Mǐ nǎ ɖɔ sɛ́ dó yě ɖɔ: “Mawu Mavɔmavɔ ɖésú wɛ ɖó Sinyɔ́ɔ toxo ɔ́ ayǐ, fínɛ́ wɛ wamamɔnɔ e ɖo togun tɔn mɛ lɛ́ɛ ná mɔ gǎnjɛwú syɛ́nsyɛ́n ɔ́ ɖe.”

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Ezayíi 63:19

Sín tɛgbɛ ɔ́, é cí ɖɔ a sɔ́ nyí axɔ́sú mǐtɔn ǎ ɖɔhun; é cí ɖɔ nyǐkɔ towe sɔ́ ɖo mǐ wú ǎ ɖɔhun. Mawu Mavɔmavɔ, nú a vǔn jǐnukúnsin bó jɛ te ɔ́, só lɛ́ɛ bǐ ná sísɔ́ ɖo nukɔn towe.

Ezayíi 65:15

Mɛ e un sɔ́ lɛ́ɛ ɔ́, nyǐkɔ mitɔn wɛ yě ná nɔ́ dó dó nu mɛ, yě ná nɔ́ ɖɔ: ‘Aklúnɔ Mavɔmavɔ ní hu we mɛ lě, abǐ keté lě ɖɔhun.’ Amɔ̌, mɛ e nyí mɛsɛntɔ́ ce lɛ́ɛ ɔ́, nyǐkɔ ɖěvo wɛ un ná ná yě.

Ezekiyɛ́li 9:4

bó ɖɔ n'i ɖɔ: “Gbɔn Jeluzalɛ́mu toxo ɔ́ bǐ mɛ, bó ɖó wuntun nukɔn nú mɛ e ɖo alě ná wɛ, bó ɖo wǔvɛ́ mɔ wɛ, ɖó nǔ baɖabaɖa e dó sin wɛ è ɖe ɖo toxo ɔ́ mɛ lɛ́ɛ wú lɛ́ɛ.”

Naxúmu 1:7

Mawu Mavɔmavɔ nyɔ́, bibɛtɛn wɛ é nyí ɖo adǎngbomɛ hwenu. É tunwun mɛ e nɔ sɔ́ yěɖée dó así n'i lɛ́ɛ.

Ajée 2:23

Zolobabɛ́li, mɛsɛntɔ́ ce wɛ a nyǐ, amɔ̌, gbe énɛ́ gbe ɔ́, un ná zɔ́n azɔ̌ ɖokpó we. A nǎ nyí mɛvívɛ́ná ɖokpó nú mì, alɔkɛ́ e un nɔ dó ɖó wuntun nǔ ná é ɖɔhun, ɖó hwi wɛ un sɔ́. Nǔ e nyɛ Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Zakalíi 3:9

Un dó awǐnnya ɖé do nyi Jozuwée nukɔn; awǐnnya ɖokpó géé wɛ, bó ká ɖó nukún tɛ́nwe, bɔ yě nɔ́ kɔ́n . Nyɛ ɖésúnɔ ná wlán nǔɖé d'é wú, bó ná ɖe hwɛ e ɖo to élɔ́ hɛn kwíji wɛ lɛ́ɛ síin kéze ɖokpó mɛ. Ɛɛn, un ɖɔ mɔ̌! Nyɛ Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Kɛ́nsísɔ́ 16:5

bó ɖɔ nú Kolée kpó ahwan tɔn lɛ́ɛ kpó ɖɔ: “É jɛ sɔ zǎnzǎn ɔ́, Mawu Mavɔmavɔ ná ɖe mɛ e nyí étɔn bɔ é sɔ́ ɖó vo bɔ é ná nɔ́ sɛkpɔ́ ɛ ɔ́ xlɛ́. É ná jó mɛ e é sɔ́ ɔ́ dó bɔ é ná wá gɔ̌n tɔn.

Kɛ́nsísɔ́ 6:27

Hwenu e vɔ̌sánú-xwlémawutɔ́ lɛ́ɛ ná ylɔ́ nyǐkɔ ce, bó dó xo ɖɛ dó Izlayɛ́li ví lɛ́ɛ jí gbɔn mɔ̌ ɔ́, nyɛ ɖésúnɔ ná xo ɖɛ dó yě jí.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Matíe 7:23

Bɔ un ka na ɖɔ nyi wɛn nú yě ɖɔ: ‘Un tunwun mi kpɔ́n gbeɖé ǎ; mi bɛ́ miɖée sín nukún ce mɛ, nǔnyanyawatɔ́ lɛ́ɛ mi.’ ”

Matíe 7:25

Jǐ ja, tɔ ɖi sin, jɔhɔn nyi dó xɔ ɔ́ jí kpódó hlɔ̌nhlɔ́n kpó có xɔ ɔ́ ka mu ǎ, ɖó só jí wɛ è dǒ xɔ ɔ́ do nyi.

Maki 12:16

Bɔ yě sɔ́ gankwɛ́ ɖokpó wá n'i, bɔ é kpɔ́n jí, bó kanbyɔ́ yě ɖɔ: “Mɛ̌ ɖíe è ɖe ɖ'é jí e? Mɛ̌ sín nyǐkɔ ɖíe ɖ'é jí e?” Yě yí gbe n'i ɖɔ: “Dadá Hlɔ̌ma tɔn tɔn wɛ.”

Maki 13:22

Đó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ, bó ná nɔ́ ɖe nǔdábaɖa lɛ́ɛ xlɛ́, bónú yě sixú kpé wú wɛ ɔ́, yě ná flú mɛ e Mawu cyán lɛ́ɛ.

Luki 13:27

Lo ɔ́, é ná yí gbe nú mi ɖɔ: ‘Má ɖɔ nú mi: Un tunwun fí e nu mi nyí é ǎ; mi bǐ ní sɛ yi zɔ nú mì, nǔnyanyawatɔ́ e mi.’

Luki 6:48

È nǎ jlɛ́ ɛ dó nya ɖé wú, bɔ é ja xɔ mɛ gbé, bó kun do káká bó yi mɔ awǐnnya, bó dó xɔ ɔ́ do dó awǐnnya ɔ́ jí. Tɔ wá ɖi sin, bó sa yi gba dó xɔ ɔ́ wú, xɔ ɔ́ ka dán wǔ ǎ, ɖó é mɛ ganjí.

Jǎan 10:14

Nyɛ wɛ nyí lɛ̌ngbɔ́nyitɔ́ ɖagbe ɔ́. Lě e Tɔ́ ɔ́ tunwun mì, bɔ nyɛ lɔ tunwun i gbɔn ɔ́, un tunwun lɛ̌ngbɔ́ ce lɛ́ɛ, bɔ yě lɔ tunwun mì, bɔ un sɔ́ gbɛ ce dó sá vɔ̌ dó ta yětɔn mɛ.

Jǎan 13:18

Mi bǐ xó ɖɔ wɛ un ka ɖe ǎ, ɖó un tunwun mɛ e un cyán lɛ́ɛ; nǔ e Mawuxówéma ɔ́ ka ko ɖɔ ɔ́ ɖó ná jɛ. É wɛ nyí ɖɔ: ‘Mɛ e nɔ ɖu nǔɖuɖu ce ɔ́ húzú kpan nukɔn mì.’

Jǎan 3:33

Mɛ ɖěbǔ yí kúnnuɖiɖe tɔn ɔ́, mɛ ɔ́ nɔ ɖe xlɛ́ ɖɔ nǔ e Mawu ɖɔ ɔ́, nǔgbó wɛ.

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 15:17

nú mɛ e kpo lɛ́ɛ bǐ ná ba Aklúnɔ; mɔ̌ ɖokpó ɔ́, mɛ e ma nyí Jwifu ǎ, bɔ un ylɔ́ nú yě ná nyí ce lɛ́ɛ bǐ ná ba Aklúnɔ.’

Mɛsɛ́dó 9:14

Fí e é ka wá din ɔ́, vɔ̌sánú-xwlémawutɔ́gán lɛ́ɛ wɛ é byɔ́ gbe, bó ná wlí mɛ e nɔ xomlá nyǐkɔ towe lɛ́ɛ bǐ.”

Hlɔ̌manu 11:2

Mawu gbɛ̌ togun tɔn e é ko tunwun sín do é ǎ; nǔ e Mawuxówéma ɔ́ ɖɔ ɖo akpá e xwé Elíi jɛ Izlayɛ́li ví lɛ́ɛ sín hwɛ ɖo Mawu nukɔn ɖe ɔ́, mi ma tunwun a?

Hlɔ̌manu 12:9

Wǎn yíyí e mi ɖó ɔ́ ní yi xomɛ ganjí. Mi gbɛ́ wǎn nú nǔ nyanya wiwa. Mi nɔ ɖó kan dó nǔ ɖagbe wiwa wú.

Hlɔ̌manu 15:20

Lo ɔ́, un tunwun ɖɔ fí e è ma ko se Klísuxó ɖe ǎ lɛ́ɛ kɛ́ɖɛ́ jɛ́n un ná jlá Wɛn Ɖagbe ɔ́ gbɔn dandan, bónú é ní ma cí dǒ e mɛɖěvo dó do ɔ́ jí wɛ un mɛ xɔ nyi ɖɔhun ó.

Hlɔ̌manu 15:9

É wá bónú mɛ e ma nyí Jwifu ǎ lɛ́ɛ lɔmɔ̌ ná kpa susu nú Mawu ɖó nǔbláwǔkúnúmɛ tɔn wútu; lě e Mawuxówéma ɔ́ ɖɔ gbɔn é; é wɛ nyí ɖɔ: “Énɛ́ ɔ́ wú wɛ un ná kpa susu nú we ɖo akɔta e ma nyí Jwifu ǎ lɛ́ɛ tɛ́ntin, bó ná ji han dó mlá we ná.”

Hlɔ̌manu 8:28

Mǐ tunwun ɖɔ mɛ e yí wǎn nú Mawu lɛ́ɛ ɔ́, mɛ e é ylɔ́ ɖo tito tɔn mɛ lɛ́ɛ ɔ́, nǔ e nɔ jɛ dó yě jǐ lɛ́ɛ bǐ ɔ́, ɖagbe wɛ é nɔ dó wá nú yě.

Hlɔ̌manu 9:11

Amɔ̌, Mawu ɖó tito tɔn, bó ná dó cyán gbɛtɔ́ lɛ́ɛ ná: é ɖésú wɛ nɔ́ jló bó nɔ́ cyán mɛ; é nyí nǔwiwa mɛtɔn wɛ é nɔ́ kpɔ́n ǎ. Bó ná dó ɖe xlɛ́ ɖɔ émí ɖo gbejí nú tito énɛ́ ɔ́, é ɖɔ nú Hlebeka ɖɔ: “Vǐ súnnu mɛxó ɔ́ ná nɔ yɔkpɔ́vú ɔ́ sín acɛ mɛ;” có é ká kó ji vǐ énɛ́ lɛ́ɛ hwenɛ́nu ǎ; hǔn yě kó wa nǔ ɖagbe abǐ nǔ nyanya ɖěbǔ hwenɛ́nu ǎ.

1 Kɔlɛ́ntinu 1:2

wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é wɛ, bó ɖo wlǎnwlán sɛ́ dó yě mɛ e Mawu ylɔ́, bɔ yě ná nɔ gbɛ n'i, ɖo bǔ e yě ɖe xá Klísu Jezu ɔ́ mɛ lɛ́ɛ wɛ, bó ɖo wlǎnwlán sɛ́ dó mɛ e nyí étɔn lɛ́ɛ kpó mɛ e nɔ ɖo Aklúnɔ mǐtɔn Jezu Klísu sín nyǐkɔ ylɔ́ wɛ ɖo fí ɖěbǔ e yě ɖe lɛ́ɛ é bǐ kpó wɛ. Aklúnɔ Jezu Klísu ɔ́ wɛ nyí Aklúnɔ yětɔn, bó nyí mǐ lɔmɔ̌ tɔn.

1 Kɔlɛ́ntinu 8:3

Amɔ̌ mɛ e yí wǎn nú Mawu ɔ́, Mawu tunwun i.

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

Galatinu 4:9

Amɔ̌ din e mi tunwun Mawu ɔ́, un ka ná ɖɔ din e mi tunwun Mawu ɔ́ lɔ ǎ; din e Mawu tunwun mi ɔ́, nɛ̌ mi ka sixú lɛ́ lɛ́ kɔ yi nǔmaɖinǔ énɛ́ lɛ́ɛ e má ɖó gǎn ǎ lɛ́ɛ kɔn gbɔn? Étɛ́wú mi ka jló ná lɛ́ húzú kannumɔ nǔ énɛ́ lɛ́ɛ tɔn?

Efɛ́zinu 2:20

Nú è nǎ jlɛ́ mɛɖeɖóvo Mawu tɔn lɛ́ɛ dó nǔɖé wú ɔ́, xɔ wɛ yě nyí, bɔ midɛɛ lɛ́ɛ ɔ́, mi nyí blǐki e è dǒ mɛ xɔ ɔ́ ná é, bɔ mɛsɛ́dó lɛ́ɛ kpódó gbeyíɖɔ Mawu tɔn lɛ́ɛ kpó nyí awǐnnya dodó ɔ́, bɔ mi jínjɔ́n jí; bɔ Klísu Jezu ɖésú nyí awǐnnya e ɖo tají é.

Efɛ́zinu 3:15

ée nyí Tɔ́ nú hɛ̌nnu e ɖo sɛ́xwé é bǐ, kpódó ée ɖo ayǐkúngban jí é bǐ kpó ɔ́ nukɔn.

Efɛ́zinu 4:30

Mi ma wa nǔ bónú wǔ kú Yɛsinsɛn Mawu tɔn ó; Yɛsinsɛn énɛ́ wɛ nyí wuntun Mawu tɔn e ɖo mi wú é. É wɛ nyí gǎnjɛwú mǐtɔn ɖɔ ayǐ ɖé ná wá hɔ́n, bɔ Mawu ná ɖe mǐ sín nǔ nyanya mɛ bǐ sésé.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

Eblée 11:10

Đó Ablaxámu ɖo te kpɔ́n toxo ɖaxó e ɖó dodó syɛ́nsyɛ́n , bɔ Mawu ɖésú ɖe wě tɔn bó bló é.

2 Piyɛ́ɛ 3:14

Énɛ́ ɔ́ wú ɔ́, nɔví ce vívɛ́ná lɛ́ɛ mi, ée mi ɖo te kpɔ́n nǔ énɛ́ lɛ́ɛ sín jijɛ ɔ́, mi bo ɖo nǔ e wú mi kpé ɔ́ bǐ wa wɛ, bó ná dó nyí mɛ mímɛ́ ma ɖó blɔ̌ ɖo wǔ ɖo Mawu nukɔn, bó ná dó nɔ fífá mɛ kpó Mawu kpó.

1 Jǎan 2:19

Mɛ énɛ́ lɛ́ɛ gosín mǐ mɛ, ɖó yě nyí mɛ mǐtɔn ɖě ɖ'ayǐ ǎ; ɖó nú yě ko nyí mɛ mǐtɔn wɛ ɔ́, yě ná ko nɔ mǐ mɛ; yě ka gosín mǐ mɛ, bónú è nǎ mɔ nukúnnú jɛ mɛ céɖécéɖé ɖɔ yě ɖěbǔ kún ko nyí mɛ mǐtɔn ɖ'ayǐ ó.

Nǔɖexlɛ́mɛ 17:8

Kanlin e a mɔ ɔ́ nɔ gbɛ ɖ'ayǐ; é ka sɔ́ ɖo gbɛ din ǎ; é ɖó ná tɔ́n sín do gɔngɔn ɔ́ mɛ, bó ka ná yi dɔn. Mɛ e ɖo ayǐkúngban jí bɔ è ma wlán nyǐkɔ yětɔn dó gbɛwéma ɔ́ mɛ sín bǐbɛ́mɛ gbɛ ɔ́ tɔn ǎ lɛ́ɛ wá mɔ kanlin ɔ́, é ná kpácá yě: nǔgbó ɔ́, kanlin ɔ́ ɖo gbɛ ɖ'ayǐ; é ka sɔ́ ɖo gbɛ din ǎ, é ná lɛ́ vɔ́ ɖe éɖée xlɛ́.

Nǔɖexlɛ́mɛ 2:13

Un tunwun fí e a nɔ nɔ é: fí e Satáan ɖu axɔ́sú ɖe ɔ́ wɛ a nɔ nɔ. A nɔ gbejí nú mì; a jǒ nǔɖiɖi e a ɖǒ nú mì ɔ́ dó ǎ; hwenu e è hu kúnnuɖetɔ́ ce gbejínɔtɔ́ Antipasi ɖo mi gɔ́n ɖo fí e Satáan nɔ nɔ ɔ́, a jǒ mì dó ǎ.

Nǔɖexlɛ́mɛ 21:14

Dǒ ɖaxó e è mɛ lɛ́ lɛ̌ dó toxo ɔ́, awǐnnya wěwe jí wɛ è dǒ do ɖó, bó wlǎn Lɛ̌ngbɔ́ví ɔ́ sín mɛsɛ́dó wěwe lɛ́ɛ sín nyǐkɔ dó awǐnnya énɛ́ lɛ́ɛ wú.

Nǔɖexlɛ́mɛ 22:4

Yě ná mɔ nukún tɔn mɛ; è nǎ wlán nyǐkɔ tɔn dó nukɔn yětɔn.

Nǔɖexlɛ́mɛ 3:8

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.