2 Timɔtée 2:18 - MAWUXÓWÉMA

¹⁸ Yě lɛ́ kɔ sín nǔgbó ɔ́ gúdo, bó nɔ ɖɔ mɛkúkú lɛ́ɛ ko fɔ́n, bɔ xó énɛ́ ɔ́ ko wá yi. Nǔkplɔ́nmɛ yětɔn énɛ́ ɔ́ zɔ́n bɔ mɛɖé lɛ́ɛ sín nǔɖiɖi jɛ ayǐ.

2 Timɔtée 2:18 Iomraidhean Croise

Matíe 15:13

Jezu ka yí gbe nú yě ɖɔ: “Atín ɖěbǔ e tɔ́ ce e ɖo sɛ́xwé ɔ́ ma tun ǎ ɔ́, è nǎ hɔn.

Matíe 22:29

Jezu ka yí gbe nú yě ɖɔ: “Ali bú wɛ mi ɖe, ɖó mi mɔ nǔ jɛ Mawuxó ɔ́ wú ǎ; mi ka lɛ́ mɔ nǔ jɛ hlɔ̌nhlɔ́n Mawu tɔn wú ǎ.

Luki 8:13

Nǔkún e jɛ awǐnnyakan mɛ lɛ́ɛ é ɔ́, mɛ e nɔ se Mawuxó ɔ́, lobo nɔ yí kpódó xomɛhunhun kpán lɛ́ɛ wɛ; lo ɔ́, xó ɔ́ nɔ lí dǒ ɖo ayi yětɔn mɛ ǎ, yě nɔ́ ɖi nǔ nú azǎn ɖé; bɔ nǔxámɛ hwenu wá su ɔ́, yě nɔ́ jó agɔ.

Mɛsɛ́dó 5:39

Lo ɔ́, é ka nyí ɖɔ Mawu sín nǔwiwa wɛ ɔ́, mi sixú kpé wú bó sú dó ǎ; mi cɔ́ miɖée, bó má tɔ́n ahwan Mawu ó.”

1 Kɔlɛ́ntinu 11:19

Kínklán ɖó ná nɔ tɛ́ntin mitɔn, bónú è nǎ dǒ tunwun mɛ e Mawu yí gbe nú nǔwiwa yětɔn lɛ́ɛ é.

1 Kɔlɛ́ntinu 15:12

Mǐ ɖo jlǎjlá wɛ ɖɔ Mawu fɔ́n Klísu sín kú; ée é nyí mɔ̌ ɔ́, nɛ̌ mɛɖé lɛ́ɛ ka ná ɖo mi mɛ, bó ná sixú ɖɔ mɛkúkú lɛ́ɛ kún ná fɔ́n ó gbɔn?

Kolósinu 3:1

Mawu kó fɔ́n mi sín kú kpó Klísu kpó. Hǔn mi bo ba nǔ e ɖo sɛ́xwé lɛ́ɛ; fínɛ́ wɛ Klísu jínjɔ́n ɖisíxwé nú Mawu ɖe.

1 Timɔtée 1:19

kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 6:10

Đó wǎn yí nú akwɛ́ mɛ wɛ nǔ nyanya tɛnmɛ tɛnmɛ lɛ́ɛ bǐ nɔ tɔ́n sín; mɛɖé lɛ́ɛ ɖo gbě tɔn mɛ káká bó yi bú, bó ɖo zɔ nú nǔɖiɖi ɔ́, bó dɔn nǔgbomɛ gěgé dó kɔ.

1 Timɔtée 6:21

Nǔgbó ɔ́, mɛɖé lɛ́ɛ nɔ ɖɔ émí ɖó nǔnywɛ́ énɛ́ ɔ́, bó xo nǔɖiɖi ɔ́ kpo. Fɛ́nú Mawu tɔn ní nɔ kpɔ́ xá mi.

2 Timɔtée 2:14

Flín nǔ énɛ́ ɔ́ bǐ, bó gbɛ́ nú yě ɖo Mawu nukɔn ɖɔ yě ní ma sɔ́ xógbe ɖé ɖó te, bó ɖo jlɛ ɖɔ ɖ'é kɔn wɛ ó. Jlɛ énɛ́ lɛ́ɛ nɔ wa nǔɖé zɛ yě ná dɔn mɛ e ɖo sise wɛ lɛ́ɛ yi bú wú ǎ.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Eblée 3:10

Énɛ́ ɔ́ wú wɛ xomɛ sin mì dó mɛ énɛ́ lɛ́ɛ wú, bɔ un ɖɔ: ‘Ayi yětɔn nɔ ɖo ali bú wɛ hwebǐnu. Yě mɔ nukúnnú jɛ nǔ e ba nú yě wɛ un ɖe ɔ́ wú ǎ.’

Jaki 5:19

Nɔví ce lɛ́ɛ mi, nú mɛɖé zɛ sín nǔgbó sín ali ɔ́ jí ɖo mi mɛ, lobo nú mɛɖé lɛ́ dɔn ɛ wá jí hǔn,

1 Jǎan 2:19

Mɛ énɛ́ lɛ́ɛ gosín mǐ mɛ, ɖó yě nyí mɛ mǐtɔn ɖě ɖ'ayǐ ǎ; ɖó nú yě ko nyí mɛ mǐtɔn wɛ ɔ́, yě ná ko nɔ mǐ mɛ; yě ka gosín mǐ mɛ, bónú è nǎ mɔ nukúnnú jɛ mɛ céɖécéɖé ɖɔ yě ɖěbǔ kún ko nyí mɛ mǐtɔn ɖ'ayǐ ó.