2 Timɔtée 2:15 - MAWUXÓWÉMA

¹⁵ Dǒ gǎn bó sɔ́ hwiɖée jó nú Mawu, bó ná nyí mɛ e é jɛ xá ɖɔ Mawu ná sixú ɖe gbě ná é, bó ná nyí azɔ̌watɔ́ e winnyá ma ná hu dó azɔ̌ e é wa lɛ́ɛ wú ǎ é; azɔ̌watɔ́ e nɔ jlá nǔgbó wɛn ɔ́ ganjí é.

2 Timɔtée 2:15 Iomraidhean Croise

Matíe 13:52

Jezu ka ɖɔ nú yě ɖɔ: “Sɛ́nkplɔ́nmɛtɔ́ e wá húzú axɔ́súɖuto sɛ́xwé tɔn sín ahwanvú ɔ́ cí xwétɔ́ e cyán nǔ yɔ̌yɔ́ kpódó nǔ xóxó kpó sín dɔkun tɔn lɛ́ɛ mɛ ɔ́ ɖɔhun.”

Maki 4:33

Lǒ mɔ̌hunkɔtɔn tɛnmɛ tɛnmɛ wɛ Jezu nɔ dó bó nɔ́ dó jlá Mawuxó ɔ́ yě, lě e yě sixú mɔ nukúnnú jɛ mɛ gbɔn é.

Luki 12:42

Aklúnɔ ka yí gbe ɖɔ: “Mɛ̌ ká nyí mɛsɛntɔ́ gbejínɔtɔ́ nǔnywɛ́tɔ́? Mɛsɛntɔ́ gbejínɔtɔ́ nǔnywɛ́tɔ́ ɔ́ wɛ nyí mɛ e gǎn tɔn ɖo hwɛ ná zɛ wɛ, bó sɔ́ ɛ ɖó xwé tɔn nu, bɔ é ná nɔ́ ná nǔɖuɖu mɛsɛntɔ́ hǎtɔ́ tɔn ɖě lɛ́ɛ dó hwenu é wɛ.

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 20:27

Đó un jlá tito Mawu tɔn ɔ́ bǐ mi; un hwlá ɖěbǔ dó mi ǎ.

Hlɔ̌manu 14:18

Mɛ e nɔ wa azɔ̌ nú Klísu gbɔn mɔ̌ ɔ́, nǔ tɔn nɔ nyɔ́ Mawu nukún mɛ; gbɛtɔ́ lɛ́ɛ nɔ kpa ɛ.

Hlɔ̌manu 16:10

Mi dó gbe Apɛlu e ɖe nǔ e é ɖi nú Klísu ɔ́ xlɛ́ é nú mì. Mi dó gbe mɛ e ɖo Alisitobúlu xwé lɛ́ɛ nú mì.

Hlɔ̌manu 6:13

Mi ma sɔ́ miɖée dó wa azɔ̌ nú hwɛhuhu azɔ̌wanú e nɔ wa nǔ agɔ lɛ́ɛ é ɖɔhun ó; é nyɔ́ wa ɔ́, mi sɔ́ miɖée jó nú Mawu, ɖó mɛ e fɔ́n sín kú é wɛ mi nyí; mi sɔ́ miɖée bǐ jó nú azɔ̌ tɔn, azɔ̌wanú e nɔ wa nǔ jlɔ́jlɔ́ lɛ́ɛ é ɖɔhun.

1 Kɔlɛ́ntinu 2:6

É ɖo mɔ̌ có, un ɖo nǔnywɛ́ ɖé kplɔ́n klísusɛntɔ́ e ko zin ɖo nǔɖiɖi mɛ lɛ́ɛ wɛ; amɔ̌ nǔnywɛ́ énɛ́ nyí nǔnywɛ́ gbɛmɛ fí tɔn ǎ; é ka nyí hlɔ̌nhlɔ́n e ɖo acɛ kpa wɛ ɖo gbɛ élɔ́ mɛ, bɔ è ka ná wá hu acɛ ná lɛ́ɛ ǎ .

2 Kɔlɛ́ntinu 10:18

Nǔgbó ɔ́, é nyí mɛ e nɔ ɖɔ xó ɖagbe dó éɖée wú ɔ́ wɛ Aklúnɔ nɔ yí wǎn ná ǎ; lo ɔ́, mɛ e wú Mawu nɔ ɖɔ xó ɖagbe dó ɔ́ wɛ é nɔ yí wǎn ná.

2 Kɔlɛ́ntinu 3:6

Đó é wɛ húzú mǐ, bɔ mǐ kpé wú, bó nyí akɔjijɛ yɔ̌yɔ́ ɔ́ sín azɔ̌watɔ́. Akɔjijɛ yɔ̌yɔ́ énɛ́ jínjɔ́n sɛ́n e è wlán lɛ́ɛ jí ǎ; lo ɔ́, Yɛsinsɛn sín nǔwiwa wɛ. Sɛ́n e è wlán ɔ́, mɛ wɛ é nɔ hu; lo ɔ́ Yɛsinsɛn ɔ́, gbɛ wɛ é nɔ ná mɛ.

2 Kɔlɛ́ntinu 4:2

Nǔglɔ́nú e mǐ nɔ wa lɛ́ɛ kpó winnyánú e mǐ nɔ́ wa lɛ́ɛ kpó ɔ́, mǐ jó dó; mǐ nɔ sɔ́ sísɛ́ ɖó nukɔn dó wa nǔ ǎ; mǐ nɔ́ kpé ta do nú Mawuxó ɔ́ ǎ; é nyɔ́ wa ɔ́, mǐ nɔ́ ɖɔ nǔgbó ɔ́ nyi wɛn nú mɛ, bɔ è nɔ tunwun; énɛ́ ɔ́, gbɛtɔ́ bǐ nɔ mɔ ɖo ayi mɛ ɖo Mawu nukɔn ɖɔ azɔ̌ mɔ̌hunkɔtɔn wa tɔ́ wɛ mǐ nyí.

2 Kɔlɛ́ntinu 5:9

Lo ɔ́, nú mǐ nɔ agbaza élɔ́ mɛ kpó mǐ gosín mɛ kpó ɔ́, nǔ e jló mǐ jɛ nukɔn ɔ́ wɛ nyí ɖɔ mǐ ní nyɔ́ Aklúnɔ nukún mɛ.

Galatinu 1:10

Din ɔ́, má wa nǔ bónú gbɛtɔ́ lɛ́ɛ ná kpa mì, abǐ Mawu ná kpa mì ba wɛ un ɖe a? Abǐ un jló ná nyɔ́ ɖo gbɛtɔ́ lɛ́ɛ sí? Ényí gbɛtɔ́ lɛ́ɛ sí nyɔ́ ɖe wɛ un kpo ɖe ɔ́, un ná ɖo mɛsɛntɔ́ Klísu tɔn nyí wɛ din ǎ.

Efɛ́zinu 1:13

Mi mɛ e ma nyí Jwifu ǎ lɛ́ɛ lɔmɔ̌ ɔ́, hwenu e mi se nǔgbó wɛn, Wɛn Ɖagbe e nɔ ná hwlɛngán mɛ ɔ́ sín xó ɔ́, mi ɖi nǔ nú Klísu, bɔ Mawu ná Yɛsinsɛn e sín akpá e é dó ɔ́ mi, bó dó ɖó wuntun mi.

1 Tɛsalonikinu 2:4

É nyɔ́ wa ɔ́, lě e Mawu jló gbɔn ɔ́ wɛ mǐ nɔ ɖɔ xó gbɔn hwebǐnu, ɖó é mɔ ɖɔ mǐ hɛn ɔ́, mǐ ná jlá Wɛn Ɖagbe ɔ́, bó sɔ́ dó así nú mǐ; gbɛtɔ́ lɛ́ɛ sí ba ná nyɔ́ ɖe wɛ mǐ ɖe, bó ɖo Wɛn Ɖagbe ɔ́ jlá wɛ ǎ; lo ɔ́, Mawu e nɔ gbéjé linlin e ɖo ayi mǐtɔn mɛ ɔ́ kpɔ́n ɔ́ sí ba ná nyɔ́ ɖe wɛ mǐ ɖe.

1 Tɛsalonikinu 5:14

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Jaki 1:12

Nǔ nyɔ́ nú mɛ e nɔ syɛ́nlǐn ɖo mɛdókpɔ́n hwenu é; ɖó nú é ɖe lǐnsyɛ́nsyɛ́n tɔn xlɛ́ gúdo ɔ́, é ná mɔ gbɛ jɔ gbɛ yí; gbɛ jɔ gbɛ énɛ́ wɛ nyí ajɔ e sín akpá Mawu dó nú mɛ e yí wǎn n'i lɛ́ɛ é.

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

2 Piyɛ́ɛ 1:10

Énɛ́ ɔ́ wú ɔ́, nɔví lɛ́ɛ mi, mi lɛ́ dó gǎn d'é jí, bó zán gbɛ mitɔn nú é ní sɔgbe xá ylɔ̌ e Mawu ylɔ́ mi ɔ́ kpó cyán e é cyán mi ɔ́ kpó; ɖó nú mi nɔ wa nǔ gbɔn alɔkpa énɛ́ mɛ ɔ́, mi ná jɛ nǔ nyanya mɛ gbeɖé ǎ.

2 Piyɛ́ɛ 1:15

Hǔn, un ná bló lě e un kpé wú gbɔn ɔ́ bǐ, bó na xlɛ́ lě e mi ná sixú flín nǔ énɛ́ lɛ́ɛ hwebǐnu gbɔn, ɖo kú ce gúdo ɔ́ mi.

2 Piyɛ́ɛ 3:14

Énɛ́ ɔ́ wú ɔ́, nɔví ce vívɛ́ná lɛ́ɛ mi, ée mi ɖo te kpɔ́n nǔ énɛ́ lɛ́ɛ sín jijɛ ɔ́, mi bo ɖo nǔ e wú mi kpé ɔ́ bǐ wa wɛ, bó ná dó nyí mɛ mímɛ́ ma ɖó blɔ̌ ɖo wǔ ɖo Mawu nukɔn, bó ná dó nɔ fífá mɛ kpó Mawu kpó.