2 Timɔtée 2:14 - MAWUXÓWÉMA

¹⁴ Flín nǔ énɛ́ ɔ́ bǐ, bó gbɛ́ nú yě ɖo Mawu nukɔn ɖɔ yě ní ma sɔ́ xógbe ɖé ɖó te, bó ɖo jlɛ ɖɔ ɖ'é kɔn wɛ ó. Jlɛ énɛ́ lɛ́ɛ nɔ wa nǔɖé zɛ yě ná dɔn mɛ e ɖo sise wɛ lɛ́ɛ yi bú wú ǎ.

2 Timɔtée 2:14 Iomraidhean Croise

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Jelemíi 2:11

Akɔta ɖě tíin bó gbɛ́ nǔmɛsɛn tɔn lɛ́ɛ, bó jɛ ɖěvo sɛn jí kpɔ́n a? Có nǔmɛsɛn énɛ́ lɛ́ɛ ká nyí Mawu ǎ. Lo ɔ́, togun ce sɔ́ vodún dó ɖyɔ́ nyɛ mɛ e nyí susu tɔn é ná; vodún ka nɔ kpé nǔ ɖěbǔ wú ǎ.

Jelemíi 2:8

Vɔ̌sánú-xwlémawutɔ́ lɛ́ɛ kan fí e nyɛ Mawu Mavɔmavɔ ɖe ɔ́ byɔ́ ǎ; sɛ́ngán lɛ́ɛ lɔ ka tunwun mì ǎ; agunnukɔntɔ́ lɛ́ɛ fɔ́n gǔ dó jǐ ce; gbeyíɖɔ lɛ́ɛ nɔ ɖɔ xó dó Baalu nyíkɔ mɛ; yě bǐ nɔ xwedó vodún, vodún ka nɔ kpé nǔ ɖěbǔ wú ǎ.

Jelemíi 23:32

Yě mɛ gbeyíɖɔ énɛ́ lɛ́ɛ e nɔ ɖó adingban, bó nɔ́ ɖɔ émí kú dlɔ̌, bó nɔ́ wlí ɖɔ nú togun ce, bó ná dó dɔn ɛ bú ali lɛ́ɛ ɔ́, un ɖo yě ba wɛ vɛ́návɛ́ná. Adingban yětɔn lɛ́ɛ kpó xógbló yětɔn lɛ́ɛ kpó wɛ yě nɔ́ dó dɔn togun ce bú ali; un ka sɛ́ yě dó fí ɖé ǎ, un ka zɔ́n nǔɖé yě ǎ, yě ká ɖo nǔ ɖagbe ɖěbǔ wa nú togun élɔ́ wɛ ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 23:36

Mɛ ɖé sɔ́ ná ɖɔ: ‘Mawu Mavɔmavɔ sín xó wɛ nyí agban bo ɖo kpinkpɛn émí wɛ’ ǎ. É má nyí mɔ̌ ǎ ɔ́, xó e mɛ ɔ́ ɖɔ ɔ́ ná húzú agban bo kpɛn mɛ ɔ́, ɖó mi húzú ada nú xó nyɛ Mawu gbɛɖe ɔ́ tɔn. Mi flí nyɛ Mawu Nǔbǐwúkpétɔ́, Mawu mitɔn ɔ́ sín xó xwe.

Jelemíi 7:8

“Mi ɖíe ká gán jɛ mɛblɛ́blɛ́ xó, xó ma ɖó ta ɖé e sú wɛ è ɖe ɔ́ wú e.

Xabakúku 2:18

Étɛ́ wa nú wɛ bǒcyɔ ká nyí tawun bɔ è nɔ bló? Gan kpowun wɛ, mɛblɛ́nú wɛ. Étɛ́wú gbɛtɔ́ ká nɔ ɖeji dó nǔmɛsɛn énɛ́ lɛ́ɛ e má nɔ ɖɔ xó ǎ é wú tawun? É ɖésú wɛ ká zé alɔ tɔn dó bló nɛ́.

Matíe 16:26

Ɖó mɛ e gbɛ ɔ́ bǐ ná nyí étɔn, bɔ gbɛ é ɖésúnɔ tɔn ná bú dó e ɔ́, le tɛ́ wɛ ka ɖ'é mɛ n'i? Ani wɛ gbɛtɔ́ ka sixú sɔ́ dó xɔ gbɛ éɖée tɔn ná?

Mɛsɛ́dó 13:10

bó ɖɔ: “Ayi hízíhízí, ayidídánɔ wɛ nú we; awǒvi sín vǐ wɛ a nyǐ, bó nyí nǔ ɖagbe lɛ́ɛ sín kɛntɔ́; káká yi jɛ hwetɛ́nu a ka ná gɔn avaja dó tito Aklúnɔ tɔn lɛ́ɛ mɛ dó?

Mɛsɛ́dó 15:24

Mǐ se ɖɔ mɛɖé lɛ́ɛ gosín mǐ gɔ̌n, bó wá dɔn hunnyahunnya byɔ́ mi mɛ, gbɔn xó e yě ɖɔ nú mi lɛ́ɛ gbla mɛ, lobo gba ayi dó nú mi; mǐ ká zɔ́n nǔɖé yě ǎ.

Hlɔ̌manu 14:1

Mi yí mɛ e ma ɖó gǎn ɖo nǔɖiɖi mɛ ǎ é ganjí, mi ma ɖɔ xó nyanya dó linlin tɔn lɛ́ɛ wú ó.

Galatinu 1:7

É ka nyí ɖɔ Wɛn Ɖagbe ɖěvo tíin wɛ ǎ; lo ɔ́, mɛɖé lɛ́ɛ wɛ ɖo ayi gbadó nú mi wɛ, bó jló ná hɛn Wɛn Ɖagbe Klísu tɔn gblé.

Efɛ́zinu 4:17

Xó e ɖɔ nú mi wɛ un ɖe ɖo Aklúnɔ sín nyǐkɔ mɛ é ɖíe: mi ma sɔ́ nɔ zán gbɛ mitɔn nǔmaɖitɔ́ lɛ́ɛ ɖɔhun ó; yědɛɛ lɛ́ɛ ɔ́, linlin yětɔn ma ɖó ta ɖé lɛ́ɛ wɛ yě nɔ́ xwedó.

1 Tɛsalonikinu 4:1

Bó ná dó fó ɔ́, nɔví lɛ́ɛ mi, mǐ kó kplɔ́n lě e mi ná zán gbɛ mitɔn gbɔn, bɔ é ná nyɔ́ Mawu nukún mɛ ɔ́ mi, bɔ mi ka ko ɖo blǒbló gbɔn jí wɛ. Nǔ e kpo bɔ mǐ ná ɖɔ nú mi din ɔ́ ɖíe: mǐ ɖo byɔ̌byɔ́ mi wɛ, bó ɖo vo sa nú mi wɛ ɖo Aklúnɔ Jezu nyǐkɔ mɛ ɖɔ mi ní nɔ zán gbɛ mitɔn, bónú é ní lɛ́ nyɔ́ d'é jí hú mɔ̌.

2 Tɛsalonikinu 3:6

Nɔví lɛ́ɛ mi, mǐ ɖo byɔ̌byɔ́ mi wɛ ɖo Aklúnɔ Jezu Klísu sín nyǐkɔ mɛ ɖɔ mi nɔ nɔ zɔ nú nɔví mǐtɔn e nɔ nɔ fɔnlín gbɛ mɛ, bó ma nɔ jló ná wa nǔɖé ǎ, bó ma nɔ xwedó nǔ e mǐ kplɔ́n yě ɔ́ ǎ lɛ́ɛ bǐ.

1 Timɔtée 1:4

Đɔ nú yě ɖɔ yě ní jó xɛxó kpódó kanfifɔ magbokɔ kpó dó, ɖó nǔ énɛ́ lɛ́ɛ ɔ́, adɔn wɛ yě nɔ dɔn nyi ayǐ, bó nɔ́ lɔn nú mɛ lɛ́ɛ ná nyí nǔjíkpɔ́ntɔ́ Mawu tɔn ɖagbe ɖo nǔɖiɖi mɛ ǎ.

1 Timɔtée 1:6

Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

1 Timɔtée 5:21

Un ɖo byɔ̌byɔ́ we wɛ syɛ́nsyɛ́n ɖo Mawu nukɔn, ɖo Klísu Jezu nukɔn, ɖo wɛnsagun mímɛ́ Mawu tɔn lɛ́ɛ nukɔn ɖɔ hwi ní se tónú nú sɛ́n énɛ́ lɛ́ɛ. Ma nɔ mɛɖé jí ó; ma ka lɔn nú mɛɖé sín nǔ nyɔ́ nukún towe mɛ hú mɛɖé ɖo nǔwiwa towe lɛ́ɛ mɛ ó.

1 Timɔtée 6:13

Un ɖo zinzɔn we wɛ ɖo Mawu e ná gbɛ nǔ bǐ ɔ́ nukɔn, bó ɖo zinzɔn we wɛ ɖo Klísu Jezu e ɖe kúnnu ɖagbe ɖo Pɔ́nsu Pilátu sá mɛ ɔ́ nukɔn ɖɔ

2 Timɔtée 1:6

Énɛ́ ɔ́ wú wɛ un ɖo flínflín we wɛ ɖɔ hwi ní hɛn nǔníná e Mawu ná we hwenu e un ɖó alɔ jǐ towe ɔ́ ɖó gbɛ.

2 Timɔtée 2:16

Jǒ xógbló kpódó xó e ma sɔgbe xá Mawuxó ɔ́ ǎ lɛ́ɛ kpó dó; ɖó mɛ e nɔ ɖɔ xó énɛ́ lɛ́ɛ é fɔ́n tɛgbɛ ɔ́, yě ná nɔ ɖo zɔ sɛ yi nú Mawu wɛ;

2 Timɔtée 2:23

Nɔ zɔ nú nǔdindɔn e nyí taɖunɔ xó, bó nyí xlonɔ xó lɛ́ɛ; bo tunwun ɖɔ nǔdindɔn énɛ́ lɛ́ɛ ɔ́, jlɛ wɛ yě nɔ dɔn wá.

2 Timɔtée 4:1

Un ɖo zǐnzɔ́n we wɛ syɛ́nsyɛ́n ɖo Mawu nukɔn, bó ɖo zǐnzɔ́n we wɛ ɖo Klísu Jezu e ná ɖɔ hwɛ xá mɛ e ɖo gbɛ lɛ́ɛ kpódó mɛ e ɖo kú lɛ́ɛ kpán ɔ́ nukɔn, bó ɖo byɔ̌byɔ́ we wɛ ɖo Jezu Klísu sín wǐwá kpódó axɔ́súɖuɖu tɔn kpán sín nyǐkɔ mɛ ɖɔ:

Titu 3:1

A nǎ nɔ́ flín mɛ lɛ́ɛ bǐ ɖɔ yě ɖó ná nɔ́ hwíhwɛ́ yěɖée dó gǎn lɛ́ɛ kpódó acɛkpikpa lɛ́ɛ kpán glɔ́; a nǎ flín yě ɖɔ yě ɖó ná nɔ sí yě, bó ná ɖo gbesisɔ mɛ nú nǔ ɖagbe wiwa bǐ.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

2 Piyɛ́ɛ 1:13

Lo ɔ́, nú un kpo ɖo gbɛ jɛ́n wɛ ɔ́, un mɔ ɖɔ é sɔgbe nú ma nɔ flín nǔ énɛ́ lɛ́ɛ mi, bó ná dó hɛn ayixa mitɔn ɖó te.

1 Samuwɛ́li 12:21

Mi ma jó Mawu mitɔn dó ó, é má nyí mɔ̌ ǎ ɔ́, mi ná xwedó nǔ yǎyá lɛ́ɛ; nǔ yǎyá lɛ́ɛ ka nɔ sixú hwlɛ́n mɛ gán ǎ, yě nɔ́ sixú wa ɖagbe ɖé nú mɛ ǎ, ɖó nǔ yǎyá kpowun wɛ yě nyí.