2 Timɔtée 2:13 - MAWUXÓWÉMA

¹³ Ényí mǐ ma nɔ gbejí ǎ ɔ́, éyɛ́ ɖo gbejí tɛgbɛ; ɖó é sixú gbɛ́ ɖɔ émí kún nyí nǔ e émí nyí ɔ́ ó ǎ.”

2 Timɔtée 2:13 Iomraidhean Croise

Ezayíi 25:1

Mawu Mavɔmavɔ, hwi wɛ nyí Mawu ce; un jló ná sɔ́ we su, un jló ná ji han dó kpa susu nú nyǐkɔ towe, ɖó a blǒ nǔ ɖagbe ɖagbe gěgé. Nǔ énɛ́ lɛ́ɛ ɖe din ɔ́, é kó lín, bɔ è hɛn ɔ́, è nǎ ɖeji dó yě wú.

Kɛ́nsísɔ́ 23:19

Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

Hlɔ̌manu 3:3

Ényí mɛɖé lɛ́ɛ ɖo yě mɛ, bó ma nɔ gbejí ǎ ɔ́, nɛ̌ è ka ná ɖɔ gbɔn? Mawu ná gbɛ́ ɖɔ émí kún ná nɔ gbejí ó, ɖó yědɛɛ lɛ́ɛ ma nɔ gbejí wútu wɛ a?

Hlɔ̌manu 9:6

Ényí akpá e Mawu dó ɔ́ gɔn azɔ̌ wa ɖɔ wɛ un ɖe ǎ. Đó é nyí mɛ e Izlayɛ́li ji lɛ́ɛ bǐ wɛ nyí togun Izlayɛ́li tɔn nǔgbó ɔ́ ǎ.

1 Kɔlɛ́ntinu 1:9

Mawu ɖo gbejí. É wɛ ylɔ́ mi, bónú mi ná nɔ bǔ xá Vǐ tɔn Aklúnɔ mǐtɔn Jezu Klísu.

Sɛ́nflínmɛ 7:9

“Mi ní tunwun ganjí ɖɔ Mawu Mavɔmavɔ, Mawu mitɔn wɛ nyí Mawu. Mawu gbejínɔtɔ́ énɛ́ ɔ́, yě mɛ e yí wǎn n'i bó nɔ́ nyi sɛ́n tɔn lɛ́ɛ ɔ́, é nɔ́ nɔ gbejí nú akɔ e é jɛ xá yě ɔ́, bó nɔ́ nyɔ́ xomɛ dó yě wú káká yi jijimɛ afatɔ́ngɔ́ ɔ́ (1.000) jí.

1 Tɛsalonikinu 5:24

Đó mɛ e ylɔ́ mi ɔ́ ɖo gbejí; é wɛ ná wa azɔ̌ énɛ́ ɖo gbɛ mitɔn mɛ.

2 Tɛsalonikinu 3:3

Lo ɔ́, Aklúnɔ ɔ́, gbejínɔtɔ́ wɛ; é ná ná hlɔ̌nhlɔ́n mi, bó ná cyɔ́n alɔ mi jí, bɔ awǒvi ná kpé mi wú ǎ.

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.