2 Timɔtée 2:12 - MAWUXÓWÉMA

¹² Ényí mǐ syɛ́nlǐn ɔ́, mǐ ná ɖu axɔ́sú xá ɛ. Ényí mǐ gbɛ́ ɖɔ mǐ kún tunwun i ó ɔ́, élɔ́ ná gbɛ́ ɖɔ émí kún tunwun mǐ ó.

2 Timɔtée 2:12 Iomraidhean Croise

Nǔnywɛ́xó 30:9

Ényí un ɖó nǔ dín ɔ́, un táá wá hu tɛ́ nú we bó ɖɔ: ‘Mawu Mavɔmavɔ tɛ́! Mɛ̌ wɛ nyí mɔ̌?’ Un ka ɖo ya mɛ ɔ́, un táá ja ajo, bó ná dó hɛ̌n hwi Mawu ce.

Matíe 10:33

Lo ɔ́, mɛɖé gbɛ́ ɖo gbɛtɔ́ lɛ́ɛ nukɔn ɖɔ émí kún tunwun mì ó ɔ́, nyɛ lɔmɔ̌ na gbɛ́ ɖo Tɔ́ ce e ɖo sɛ́xwé ɔ́ nukɔn ɖɔ un kún tunwun i ó.

Matíe 26:35

Piyɛ́ɛ ka lɛ́ yí xó, bó ɖɔ: “É ná bó byɔ́ ɖɔ ma yi kú xá we ɔ́, un ná gbɛ́ gbeɖé ɖɔ un kún tunwun we ó ǎ.” Bɔ ahwanvú ɖě lɛ́ɛ lɔ ɖɔ xó ɖokpó ɔ́. (Maki 14.32-42; Luki 22.39-46)

Matíe 26:75

bɔ Piyɛ́ɛ flín xó e Jezu ko ɖɔ n'i ɖ'ayǐ ɔ́, é wɛ nyí ɖɔ: “Cóbónú kokló ná kɔ́ así ɔ́, a nǎ ko gbɛ́ azɔn atɔn ɖɔ émí kún tunwun mì ó.” Ée Piyɛ́ɛ tɔ́n ɔ́, é ya avǐ, kpódó vǐvɛ́ kpó.

Maki 10:33

“Mǐ ɖíe xwe Jeluzalɛ́mu e; è nǎ jó nyɛ Gbɛtɔ́ví ɔ́ nú vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, bɔ yě ná ɖó kúhwɛ nú mì, bó ná jó mì nú mɛ e ma nyí Jwifu ǎ lɛ́ɛ.

Maki 8:38

Mɛ e nyɛ kpódó xó ce lɛ́ɛ kpó ná nyí winnyánú ná ɖo gbɛtɔ́ din tɔn gbejímánɔ-númawutɔ́ lɛ́ɛ nukɔn ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e nyɛ kpódó wɛnsagun ce lɛ́ɛ kpó ná lɛ́ kɔ wá ɖo Tɔ́ ce sín susu mɛ é.”

Luki 12:9

Mɛ e ka na gbɛ́ ɖo gbɛtɔ́ lɛ́ɛ nukɔn ɖɔ émí kún nyí ahwanvú ce ó ɔ́, nyɛ Gbɛtɔ́ví ɔ́ lɔ na gbɛ́ ɛ ɖo wɛnsagun Mawu tɔn lɛ́ɛ nukɔn.

Luki 22:29

Énɛ́ wú ɔ́, nyɛ ɔ́, un sɔ́ axɔ́súɖuto ɔ́ ɖó te nú mi, lě e Tɔ́ ce sɔ́ ɖó te nú nyɛ gbɔn é,

Luki 22:30

bónú mi na ɖu nǔ, bó nu sin xá mì, ɖo axɔ́súɖuto ce mɛ, lobo na jínjɔ́n axɔ́súzinkpo jí, bó na ɖɔ hwɛ xá Izlayɛ́li sín akɔta wěwe lɛ́ɛ.”

Luki 9:26

Mɛ e nyɛ kpódó xó ce lɛ́ɛ kpó ná nyí winnyánú ná ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e un ná lɛ́ kɔ wá ɖo susu ce mɛ, ɖo susu Tɔ́ ɔ́ tɔn mɛ, kpódó susu wɛnsagun Mawu tɔn lɛ́ɛ kpó tɔn mɛ é.

Mɛsɛ́dó 14:22

Yě nɔ dó wǔsyɛ́n lanmɛ nú ahwanvú Jezu tɔn lɛ́ɛ, bó nɔ́ ná akɔ́nkpinkpan yě, nú yě ná lí dǒ ɖo nǔɖiɖi mɛ, bó nɔ́ ɖɔ nú yě ɖɔ: “Ya gěgé wɛ mǐ ɖó nǎ ji, bó ná dó byɔ́ axɔ́súɖuɖu Mawu tɔn mɛ.”

Hlɔ̌manu 5:17

Ée é sín nǔ e gbɛtɔ́ ɖokpó géé wa nyi do ɔ́ wú, bɔ kú ɖu axɔ́sú gbɔn gbɛtɔ́ ɖokpó géé énɛ́ jí ɔ́, é ɖo gannaganna ɖɔ mɛ e Mawu ná fɛ́nú kpódó nǔníná hwɛjijɔ tɔn kpó, bɔ é túnflá lɛ́ɛ ná nɔ gbɛ bó ná ɖu axɔ́sú ɖo hwɛhuhu jí, ɖó nǔ e Jezu-Klísu wa é wútu.

Hlɔ̌manu 8:17

Ée é nyí ɖɔ vǐ tɔn wɛ mǐ nyí é ɔ́, mǐ ná ɖó mǐmá ɖo ɖagbe e é sɔ́ ɖ'ayǐ nú togun tɔn ɔ́ mɛ, bó ná lɛ́ ɖó ɖagbe énɛ́ xá Klísu. Đó ényí mǐ ji ya xá Klísu ɔ́, mǐ ná lɛ́ ɖó mǐmá ɖo susu tɔn mɛ.

Filípunu 1:28

Mi ma jó miɖée dó nú kɛntɔ́ mitɔn lɛ́ɛ ní dó xɛsi nú mi ɖo nǔ ɖěbǔ mɛ ó; énɛ́ ɔ́ ná nyí xlɛ́ nú yě ɖɔ bǔbú wɛ yě ɖe, bó ka ná nyí xlɛ̌ nú midɛɛ lɛ́ɛ ɖɔ hwlɛngán li jí wɛ mi ɖe; Mawu sín azɔ̌ wɛ nyí énɛ́ lɛ́ɛ.

1 Timɔtée 5:8

Ényí mɛɖé ma nɔ kpé nukún dó mɛ tɔn lɛ́ɛ wú ǎ ɔ́, ɖo tají ɔ́, mɛ e ɖo hɛ̌n tɔn nu lɛ́ɛ wú ǎ ɔ́, mɛ énɛ́ ɔ́ gbɛ́ nǔɖiɖi, lobo nylá hú nǔmaɖitɔ́.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

Nǔɖexlɛ́mɛ 2:13

Un tunwun fí e a nɔ nɔ é: fí e Satáan ɖu axɔ́sú ɖe ɔ́ wɛ a nɔ nɔ. A nɔ gbejí nú mì; a jǒ nǔɖiɖi e a ɖǒ nú mì ɔ́ dó ǎ; hwenu e è hu kúnnuɖetɔ́ ce gbejínɔtɔ́ Antipasi ɖo mi gɔ́n ɖo fí e Satáan nɔ nɔ ɔ́, a jǒ mì dó ǎ.

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 20:6

Mɛ e ɖó mǐmá ɖo fínfɔ́n sín kú nukɔn nukɔntɔn énɛ́ ɔ́ mɛ lɛ́ɛ ɔ́, nǔ nyɔ́ nú yě; mɛɖeɖóvo Mawu tɔn wɛ yě nyí; kú wegɔ́ ɔ́ ɖó acɛ ɖo yě jí ǎ; yě ná nyí vɔ̌sánú-xwlémawutɔ́ nú Mawu kpó Klísu kpó, bó ná ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 3:10

Đó xó e un ɖɔ nú we ɖɔ hwi ní ɖó kan dó nǔ wú ɔ́, a hɛn dó ayi mɛ; énɛ́ wútu ɔ́, hwenu e awě e ná wá xo gbɛ ɔ́ bǐ, bó ná tɛ́n mɛ e ɖo ayǐkúngban jí lɛ́ɛ kpɔ́n ɔ́ ná wá ɔ́, nyɛ lɔ ná cyɔ́n alɔ jǐ we.

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

Nǔɖexlɛ́mɛ 3:8

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.

Nǔɖexlɛ́mɛ 5:10

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”