2 Timɔtée 2:11 - MAWUXÓWÉMA

¹¹ Xó nǔgbó ɖokpó ɖíe: “Ényí mǐ kú xá ɛ ɔ́, mǐ ná lɛ́ wá nɔ gbɛ xá ɛ.

2 Timɔtée 2:11 Iomraidhean Croise

Jǎan 14:19

Zaanɖé din ɔ́, mɛ e nyí gbɛ ɔ́ tɔn lɛ́ɛ sɔ́ ná mɔ mì ǎ; amɔ̌, midɛɛ lɛ́ɛ ɔ́, mi ná mɔ mì; ɖó un ɖo gbɛ, bɔ mi lɔmɔ̌ mi ná nɔ gbɛ.

Hlɔ̌manu 6:5

Đó ée mǐ ko ɖo bǔ xá ɛ, bó ko kú xá ɛ ɔ́, mɔ̌ ɖokpó ɔ́ jɛ́n mǐ ɖo bǔ xá ɛ bó ko fɔ́n sín kú xá ɛ.

Hlɔ̌manu 6:8

Ée mǐ kú xá Klísu ɔ́, mǐ ɖi nǔ ɖɔ mǐ lɔmɔ̌ mǐ ná nɔ gbɛ xá ɛ.

2 Kɔlɛ́ntinu 13:4

Nǔgbó wɛ; è ká ɛ nyi aklúzu jí ɖó gǎnmaɖó tɔn wú; lo ɔ́, é ɖo gbɛ ɖo hlɔ̌nhlɔ́n Mawu tɔn mɛ. Đo bǔ e mǐ ɖe xá ɛ ɔ́ mɛ ɔ́, mǐ lɔmɔ̌ ɖó gǎn ǎ; amɔ̌, mǐ ná ɖe xlɛ́ mi ɖɔ mǐ kpó e kpó ɖo gbɛ gbɔn hlɔ̌nhlɔ́n Mawu tɔn mɛ.

2 Kɔlɛ́ntinu 4:10

Kú Jezu tɔn ɔ́ ɖo agbaza mǐtɔn mɛ bɔ mǐ kpó é kpó ɖo yiyi wɛ tɛgbɛ, bónú gbɛ tɔn lɔ ná ɖe éɖée xlɛ́ ɖo agbaza mǐtɔn mɛ.

1 Tɛsalonikinu 4:17

Énɛ́ ɔ́ gúdo ɔ́, mǐ mɛ e ná kpo ɖo gbɛ hwenɛ́nu lɛ́ɛ ɔ́, Mawu ná zé mǐ kpó yě kpó zɛ̌ɛ́n yi jǐ, ɖo akpɔ́kpɔ́ mɛ, bɔ mǐ ná yi kpé Aklúnɔ ɔ́ ɖo jɔhɔn mɛ; bɔ énɛ́ ɔ́, mǐ ná nɔ kpɔ́ xá Aklúnɔ ɔ́ hwebǐnu.

1 Tɛsalonikinu 5:10

Đó Jezu Klísu kú dó ta mǐtɔn mɛ, nú mǐ kpo ɖo gbɛ oo, abǐ mǐ kó kú oo, mǐ ná nɔ gbɛ xá ɛ.

1 Timɔtée 1:15

Xó nǔgbó ɖokpó ɖíe, bɔ é jɛ xá ɖɔ mɛ bǐ ní yí; é wɛ nyí ɖɔ Klísu Jezu wá gbɛ ɔ́ mɛ, bó ná hwlɛ́n hwɛhutɔ́ lɛ́ɛ gán; nyɛ wɛ ka nyí hwɛhutɔ́ hú hwɛhutɔ́ lɛ́ɛ bǐ.

1 Timɔtée 3:1

Xó nǔgbó ɖokpó ɖíe: ényí mɛɖé jló ná nyí agunjíkpɔ́ntɔ́ ɔ́, azɔ̌ ɖagbe ba wɛ é ɖe.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.