2 Timɔtée 2:10 - MAWUXÓWÉMA

¹⁰ Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:10 Iomraidhean Croise

Nǔnywɛ́xó 8:35

Đó mɛ e mɔ mì ɔ́ mɔ gbɛ, Mawu Mavɔmavɔ nɔ yí gbe nú xó tɔn.

Matíe 24:22

Nú Mawu ma ko ɖe wǔvɛ́ mimɔ énɛ́ lɛ́ɛ sín azǎn kpo wɛ ǎ ɔ́, mɛ ɖěbǔ na gán ɖ'é mɛ ǎ. Lo ɔ́, Mawu ko ɖe azǎn ɔ́ kpo ɖó mɛ tɔn e é cyán lɛ́ɛ wú.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Luki 22:57

Piyɛ́ɛ ka gbɛ́ bó ɖɔ: “Nyɔ̌nu, un tunwun i ǎ.”

Jǎan 11:52

É ka nyí ɖɔ togun énɛ́ ɔ́ kɛ́ɖɛ́ tamɛ wɛ é ná kú dó ǎ; é ná lɛ́ kplé Mawu ví e gbadó lɛ́ɛ bǐ ɖó bǔ.

Jǎan 17:24

“Daá! Un jló ɖɔ fí e un ɖe ɔ́, mɛ e a nǎ mì lɛ́ɛ lɔ ní nɔ fínɛ́ xá mì, bónú yě ní mɔ susu e a nǎ mì ɔ́, ɖó a ko yí wǎn nú mì cóbó wá ɖó gbɛ ɔ́.

Jǎan 17:9

“Yě tamɛ sa vo nú we dó wɛ un ɖe. Mɛ e nyí gbɛ ɔ́ tɔn lɛ́ɛ tamɛ sa vo dó wɛ un ɖe ǎ; lo ɔ́, mɛ élɔ́ lɛ́ɛ e a sɔ́ dó así nú mi lɛ́ɛ tamɛ sa vo nú we dó wɛ un ɖe, ɖó towe wɛ yě nyí.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

Hlɔ̌manu 9:23

É jló ná ɖe lě e susu tɔn ma ɖó dogbó ǎ gbɔn ɔ́ xlɛ́ mǐ mɛ e cí zɛ̌n e è nɔ zán nú nǔjɔnǔ lɛ́ɛ ɖɔhun bɔ é kú nǔbláwǔ ná lɛ́ɛ é; mǐ mɛ e é kó blóɖó ɖ'ayǐ, bɔ mǐ ná mɔ susu tɔn yí lɛ́ɛ.

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

1 Kɔlɛ́ntinu 9:22

Đo mɛ e ma ɖó gǎn ɖo nǔɖiɖi mɛ ǎ lɛ́ɛ tɛ́ntin ɔ́, un nɔ zán gbɛ mɛ e ma ɖó gǎn ɖo nǔɖiɖi mɛ ǎ ɖɔhun, bó na dó sixú dɔn yě. Énɛ́ ɔ́, un sɔ́ nyɛɖée dó bló nǔ bǐ nú mɛ bǐ, bó ná dó sixú hwlɛ́n mɛɖé lɛ́ɛ gán gbɔn alɔkpa lɛ́ɛ bǐ mɛ.

2 Kɔlɛ́ntinu 1:6

Ényí mǐ ɖo ya ji wɛ ɔ́, è nǎ dó gbɔ nú mi, bó ná hwlɛ́n mi gán wú wɛ; ényí è dǒ gbɔ nú mǐ ɔ́, è nǎ dó gbɔ nú mi wútu wɛ. Gbɔdónúmɛ énɛ́ wɛ ná zɔ́n, bɔ mi ná dɛ ɖo ya ɖokpó ɔ́ e ji wɛ mǐ ɖe lɛ́ɛ nu kpó suúlu kpó.

2 Kɔlɛ́ntinu 12:15

Nyɛ ɔ́, é ná hun xomɛ nú mì ɖɔ ma zán nǔ e un ɖó ɔ́ bǐ, bó zán nyɛ ɖésúnɔ dó dó alɔ mi ná. Lě e nyɛ yí wǎn nú mi sɔ ɔ́, midɛɛ lɛ́ɛ ná yí wǎn nú mì sɔ́ mɔ̌ ǎ wɛ a?

2 Kɔlɛ́ntinu 4:15

Đagbe mitɔn wútu wɛ nǔ énɛ́ lɛ́ɛ bǐ jɛ; énɛ́ ɔ́, mɛ e jí kɔn nyi wɛ fɛ́nú Mawu tɔn ɖe lɛ́ɛ ná nɔ́ ɖo jijɛ jí wɛ, bɔ ɖɛ e mɛ gěgé ná nɔ́ xo dó dó kú nú Mawu ɔ́ ná nɔ́ ɖo jijɛ jí wɛ ayǐhɔ́ngbe ayǐhɔ́ngbe nú susu Mawu tɔn.

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

Efɛ́zinu 3:13

Énɛ́ ɔ́ wútu ɔ́, un ɖo byɔ̌byɔ́ mi wɛ ɖɔ awakanmɛ ní ma kú mi dó wǔvɛ́ e mɔ wɛ un ɖe dó ta mitɔn mɛ é wú ó; ɖagbe mitɔn wú wɛ un ɖo wǔvɛ́ énɛ́ lɛ́ɛ mɔ wɛ.

Kolósinu 1:24

Din ɔ́, wǔvɛ́ e mɔ wɛ un ɖe ɖó mi wú ɔ́ nɔ ná xomɛhunhun mì. Đó, gbɔn wǔvɛ́ e mɔ wɛ un ɖe ɖo agbaza mɛ lɛ́ɛ gbla mɛ ɔ́, nǔ e hwe ɖo wǔvɛ́ e Klísu mɔ lɛ́ɛ mɛ ɔ́ bló kpé wɛ un ɖe nú agbaza tɔn e nyí klísusɛntɔ́ lɛ́ɛ sín agun é.

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

1 Tɛsalonikinu 5:9

Nǔgbó ɔ́, tito Mawu tɔn wɛ nyí ɖɔ é ná zé xomɛsin tɔn dó wa nǔ xá mǐ ǎ; lo ɔ́, tito tɔn wɛ nyí ɖɔ é ná hwlɛ́n mǐ gán, gbɔn Aklúnɔ mǐtɔn Jezu Klísu jí.

2 Tɛsalonikinu 2:14

Nǔ énɛ́ wú wɛ Mawu ylɔ́ mi gbɔn Wɛn Ɖagbe e mǐ dó mi ɔ́ gbla mɛ; é ylɔ́ mi bónú mi ná ɖó susu Aklúnɔ mǐtɔn Jezu Klísu tɔn.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

2 Timɔtée 2:3

Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

1 Piyɛ́ɛ 2:10

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.