2 Timɔtée 1:9 - MAWUXÓWÉMA

⁹ É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

2 Timɔtée 1:9 Iomraidhean Croise

Matíe 1:21

É ná ji vǐ súnnu ɖokpó, bɔ a nǎ sun nyǐ vǐ ɔ́ ɖɔ Jezu , ɖó é ná hwlɛ́n togun tɔn gán sín hwɛ tɔn lɛ́ɛ mɛ.”

Luki 10:21

Hwenɛ́nu tlóló ɔ́, Yɛsinsɛn dó xomɛ hunhun ɖaxó ɖé nú Jezu, bɔ é ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛ́nǔmɛtɔ́ lɛ́ɛ, kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ. Mɔ̌ wɛ Daá! Đó lě e a jlǒ gbɔn é nɛ́.

Jǎan 17:24

“Daá! Un jló ɖɔ fí e un ɖe ɔ́, mɛ e a nǎ mì lɛ́ɛ lɔ ní nɔ fínɛ́ xá mì, bónú yě ní mɔ susu e a nǎ mì ɔ́, ɖó a ko yí wǎn nú mì cóbó wá ɖó gbɛ ɔ́.

Jǎan 17:9

“Yě tamɛ sa vo nú we dó wɛ un ɖe. Mɛ e nyí gbɛ ɔ́ tɔn lɛ́ɛ tamɛ sa vo dó wɛ un ɖe ǎ; lo ɔ́, mɛ élɔ́ lɛ́ɛ e a sɔ́ dó así nú mi lɛ́ɛ tamɛ sa vo nú we dó wɛ un ɖe, ɖó towe wɛ yě nyí.

Jǎan 6:37

Mɛ e Tɔ́ ɔ́ ná mì lɛ́ɛ bǐ ná wá gɔ̌n ce; mɛ e ka wá gɔ̌n ce ɔ́, un ná ɖe e tɔ́n ǎ.

Mɛsɛ́dó 15:18

Nǔ e Aklúnɔ e ko sɔ́ nǔ énɛ́ lɛ́ɛ xlɛ́ sín xóxó hwenu ɔ́ ɖɔ é nɛ́.”

Mɛsɛ́dó 2:47

Yě nɔ́ kpa susu nú Mawu, bɔ mɛ bǐ yí wǎn nú yě. Ayǐhɔ́ngbe ayǐhɔ́ngbe ɔ́, Aklúnɔ ka nɔ́ dɔn mɛ e é hwlɛ́n gán lɛ́ɛ wá gɔ́ nú yě.

Hlɔ̌manu 11:14

Afɔ nyɔ́ ɔ́, un sixú fɔ́n wǔhwinhwan dó jǐ nú mɛ e ɖo akɔta ce mɛ lɛ́ɛ; ényí un wa nǔ gbɔn mɔ̌ ɔ́, un sixú hwlɛ́n yě mɛ ɖěe gán.

Hlɔ̌manu 11:29

Đó Mawu nɔ lɛ́ vɔ́ nǔ e é ná mɛ é yí ǎ; é ka nɔ húzú nǔ e é lin dó mɛ e è ylɔ́ lɛ́ɛ ɔ́ wú é ǎ.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

Hlɔ̌manu 3:20

Đó mɛ ɖěbǔ ná nyí hwɛjijɔnɔ ɖo Mawu nukún mɛ, ɖó é wa nǔ e sɛ́n lɛ́ɛ zɔ́n lɛ́ɛ wútu ǎ; ɖó nǔ e sɛ́n ɔ́ wa kpowun ɔ́ wɛ nyí ɖɔ é nɔ́ bló bɔ gbɛtɔ́ lɛ́ɛ nɔ tunwun ɖɔ émí hu hwɛ.

Hlɔ̌manu 9:11

Amɔ̌, Mawu ɖó tito tɔn, bó ná dó cyán gbɛtɔ́ lɛ́ɛ ná: é ɖésú wɛ nɔ́ jló bó nɔ́ cyán mɛ; é nyí nǔwiwa mɛtɔn wɛ é nɔ́ kpɔ́n ǎ. Bó ná dó ɖe xlɛ́ ɖɔ émí ɖo gbejí nú tito énɛ́ ɔ́, é ɖɔ nú Hlebeka ɖɔ: “Vǐ súnnu mɛxó ɔ́ ná nɔ yɔkpɔ́vú ɔ́ sín acɛ mɛ;” có é ká kó ji vǐ énɛ́ lɛ́ɛ hwenɛ́nu ǎ; hǔn yě kó wa nǔ ɖagbe abǐ nǔ nyanya ɖěbǔ hwenɛ́nu ǎ.

Hlɔ̌manu 9:24

Đó mǐdɛɛ lɛ́ɛ wɛ nyí mɛ e é ylɔ́ lɛ́ɛ; é ka nyí mɛ e é ylɔ́ sín Jwifu lɛ́ɛ mɛ lɛ́ɛ kɛ́ɖɛ́ wɛ ǎ, lo ɔ́, mɛ e é ylɔ́ sín togun ɖě lɛ́ɛ mɛ lɛ́ɛ lɔ ɖ'é mɛ.

1 Kɔlɛ́ntinu 1:18

Nǔgbó ɔ́, kú e Klísu kú ɖo aklúzu jí é sín xó ɔ́, xlonɔxó wɛ yě mɛ e ɖo bǔbú wɛ lɛ́ɛ nɔ dó mɔ ná; lo ɔ́, hlɔ̌nhlɔ́n Mawu tɔn wɛ é nyí nú mǐ mɛ e ɖo hwlɛngán sín ali jí lɛ́ɛ.

Efɛ́zinu 1:11

Bǔ e mǐ ɖe xá Klísu é mɛ wɛ mǐ mɔ hwlɛngán e nyí mǐtɔn ɔ́ yí ɖe; ɖó Mawu ko sɔ́ mǐ ɖ'ayǐ lě e é ko to gbɔn é; Mawu nɔ́ wa nǔ bɔ é nɔ sɔgbe xá lě e é ɖésúnɔ jló bó ɖɔ gbɔn é.

Efɛ́zinu 1:9

Mawu ɖe nǔbúdo e é ko to, bó ɖɔ kpó jlǒ tɔn kpó ɖɔ émí ná bló gbɔn Klísu jí ɔ́ xlɛ́ mǐ.

Efɛ́zinu 2:5

bɔ hwenu e mǐ kpo ɖo mɛkúkú ɖɔhun cí wɛ ɖo nukɔn tɔn, ɖó hwɛ mǐtɔn lɛ́ɛ wú ɔ́, é bló bɔ mǐ lɛ́ wá gbɛ kpódó Klísu kpó. Fɛ́nú Mawu tɔn mɛ wɛ mi mɔ hwlɛngán ɖe.

Efɛ́zinu 3:11

Mawu wa nǔ gbɔn mɔ̌, bɔ é sɔgbe xá linlin e é ko ɖó sín tɛgbɛ, bó wá bló ɖ'é jí gbɔn Aklúnɔ mǐtɔn Klísu Jezu jí é.

Filípunu 3:14

Énɛ́ ɔ́, un ɖo wezun jí xwe nǔ e ba wɛ un ɖe ɔ́ kɔn, bó ná dó mɔ ajɔ e Mawu ylɔ́ mǐ sín sɛ́xwé ɖɔ mǐ ná yí gbɔn Klísu Jezu jí ɔ́ yí.

1 Tɛsalonikinu 4:7

Đó Mawu ylɔ́ mǐ, bónú mǐ ná wa nǔ blíblí ǎ; lo ɔ́, é ylɔ́ mǐ nú mǐ ná zán gbɛ mímɛ́.

1 Timɔtée 1:1

Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

1 Piyɛ́ɛ 1:20

Mawu ko sɔ́ ɛ cóbó wá ɖó gbɛ ɔ́, bó ɖe e xlɛ́ ɖo azǎn e nyí azǎn gǔdo tɔn élɔ́ lɛ́ɛ é mɛ, ɖó ɖagbe mitɔn wú.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.

Nǔɖexlɛ́mɛ 17:8

Kanlin e a mɔ ɔ́ nɔ gbɛ ɖ'ayǐ; é ka sɔ́ ɖo gbɛ din ǎ; é ɖó ná tɔ́n sín do gɔngɔn ɔ́ mɛ, bó ka ná yi dɔn. Mɛ e ɖo ayǐkúngban jí bɔ è ma wlán nyǐkɔ yětɔn dó gbɛwéma ɔ́ mɛ sín bǐbɛ́mɛ gbɛ ɔ́ tɔn ǎ lɛ́ɛ wá mɔ kanlin ɔ́, é ná kpácá yě: nǔgbó ɔ́, kanlin ɔ́ ɖo gbɛ ɖ'ayǐ; é ka sɔ́ ɖo gbɛ din ǎ, é ná lɛ́ vɔ́ ɖe éɖée xlɛ́.