2 Timɔtée 1:8 - MAWUXÓWÉMA

⁸ Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 1:8 Iomraidhean Croise

Ɖɛhan 119:46

Un ná ɖɔ sɛ́n towe lɛ́ɛ nú axɔ́sú lɛ́ɛ, winnyá ná hu mì ǎ.

Ɖɛhan 19:7

Hwe nɔ tɔ́n sín akpá ɖě xwé ɖo jǐnukúnsin, bó nɔ́ yi xɔ dó akpá ɖěvo xwé. Yǒzo tɔn nɔ́ hwedó nǔ ɖěbǔ ǎ.

Ezayíi 51:7

Mi ɖótó mì, mi mɛ e tunwun nǔ e nyí nǔ wa ɖó sɛ́nxwi jí lɛ́ɛ, mi mɛ e hɛn sɛ́n ce dó ayi mɛ lɛ́ɛ, mi ɖótó mì. Mi ma ɖi xɛsi nú zun e gbɛtɔ́ lɛ́ɛ ná zun mi é ó; mi ma nú zun yětɔn ɖɔ nǔɖé nú mi ó.

Ezayíi 8:20

mi ɖɔ nú yě ɖɔ: “Kplɔ́n Mawu tɔn lɛ́ɛ kpó wɛn tɔn lɛ́ɛ kpó wɛ è nǎ xwedó.” Mɛ e ma ná ɖɔ mɔ̌ ǎ ɔ́, ayǐ ná hɔ́n dó e ǎ.

Maki 8:38

Mɛ e nyɛ kpódó xó ce lɛ́ɛ kpó ná nyí winnyánú ná ɖo gbɛtɔ́ din tɔn gbejímánɔ-númawutɔ́ lɛ́ɛ nukɔn ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e nyɛ kpódó wɛnsagun ce lɛ́ɛ kpó ná lɛ́ kɔ wá ɖo Tɔ́ ce sín susu mɛ é.”

Luki 9:26

Mɛ e nyɛ kpódó xó ce lɛ́ɛ kpó ná nyí winnyánú ná ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e un ná lɛ́ kɔ wá ɖo susu ce mɛ, ɖo susu Tɔ́ ɔ́ tɔn mɛ, kpódó susu wɛnsagun Mawu tɔn lɛ́ɛ kpó tɔn mɛ é.

Jǎan 15:27

bɔ mi lɔmɔ̌ ná ɖe kúnnu nú mì, ɖó mi ko ɖo kpɔ́ xá mì sín bǐbɛ́mɛ.

Jǎan 19:35

Mɛ e nɔ tɛn tɔn mɛ, bó mɔ é wɛ ɖe kúnnu ná, bɔ kúnnuɖiɖe tɔn ka nyí nǔgbó. Éyɛ́ tunwun ɖɔ nǔgbó wɛ émí ɖɔ, bónú mi lɔmɔ̌ ná ɖi nǔ.

Mɛsɛ́dó 5:41

Mɛsɛ́dó lɛ́ɛ ka gosín toxóɖɔgbɛ́ ɔ́ nukɔn, bɔ xomɛ hun yě tlala, ɖó yě mɔ ɖɔ Mawu mɔ émí dó mɔ mɛ e jɛ xá ya ji dó Jezu nyǐkɔ mɛ é.

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

Hlɔ̌manu 8:36

Lě e Mawuxówéma ɔ́ ɖɔ gbɔn ɔ́: “Hwi wú wɛ è nɔ ɖo mǐ hu wɛ ayǐhɔ́ngbe ayǐhɔ́ngbe; è kplá mǐ lɛ̌ngbɔ́ e è kplá xwe lanhutɛn é ɖɔhun.”

Hlɔ̌manu 9:33

Awǐnnya énɛ́ xó wɛ Mawuxówéma ɔ́ ɖɔ bó ɖɔ: “Éɖíe! Un dó awǐnnya e wú è nɔ klɛ́n afɔ dó, bó nɔ fún sa é ɖokpó do nyi Sinyɔ́ɔ; awǐnnya ɖé wɛ bó nɔ́ zin mɛ dɛ́; amɔ̌ mɛ e ɖi nǔ n'i ɔ́ ná ɖu winnyá ǎ.”

1 Kɔlɛ́ntinu 1:6

Kúnnu e è ɖe nú Klísu ɔ́ lí dǒ ɖo tɛ́ntin mitɔn titewungbe,

2 Kɔlɛ́ntinu 6:7

Gbɔn nǔgbó e jlá wɛ mǐ ɖe ɔ́, kpódó hlɔ̌nhlɔ́n Mawu tɔn kpán gbla mɛ. Nǔ jlɔ́jlɔ́ wiwa wɛ nyí ahwanfunnú e mǐ nɔ́ zán dó fun ahwan ná é; é wɛ mǐ nɔ́ lɛ́ zán dó hwlɛ́n mǐɖée ná ɖo ahwan nukɔn.

Efɛ́zinu 3:1

Énɛ́ ɔ́ wútu ɔ́, nyɛ Pɔ́lu e ɖo gan sɛn wɛ ɖó Klísu Jezu e sɛn wɛ un ɖe ɔ́ wú, dó mi mɛ e ma nyí Jwifu ǎ lɛ́ɛ sín tamɛ ɔ́,

Efɛ́zinu 3:13

Énɛ́ ɔ́ wútu ɔ́, un ɖo byɔ̌byɔ́ mi wɛ ɖɔ awakanmɛ ní ma kú mi dó wǔvɛ́ e mɔ wɛ un ɖe dó ta mitɔn mɛ é wú ó; ɖagbe mitɔn wú wɛ un ɖo wǔvɛ́ énɛ́ lɛ́ɛ mɔ wɛ.

Efɛ́zinu 4:1

Đó nǔ énɛ́ lɛ́ɛ bǐ wú ɔ́, nyɛ mɛ e ɖo ganxó ɖó un ɖo Aklúnɔ sɛn wɛ wútu ɔ́, un ɖo byɔ̌byɔ́ mi wɛ ɖɔ mi ní zán gbɛ mitɔn ní sɔgbe xá lě e Mawu jló gbɔn hwenu e é ylɔ́ mi é.

Efɛ́zinu 4:17

Xó e ɖɔ nú mi wɛ un ɖe ɖo Aklúnɔ sín nyǐkɔ mɛ é ɖíe: mi ma sɔ́ nɔ zán gbɛ mitɔn nǔmaɖitɔ́ lɛ́ɛ ɖɔhun ó; yědɛɛ lɛ́ɛ ɔ́, linlin yětɔn ma ɖó ta ɖé lɛ́ɛ wɛ yě nɔ́ xwedó.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

Filípunu 3:10

Nǔ e ba wɛ un ɖe kpowun ɔ́ wɛ nyí ɖɔ ma tunwun mɛ e Klísu nyí é, bó tunwun hlɔ̌nhlɔ́n e fínfɔ́n sín kú tɔn ɖó é; un jló ɖɔ ma ji ya é ɖɔhun, bó kú kú e é kú é,

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Kolósinu 1:11

Mǐ nɔ byɔ́ Mawu ɖɔ ní zé hlɔ̌nhlɔ́n tɔn susunɔ ɔ́ dó ná hlɔ̌nhlɔ́n kpíkpé mi, bónú mi ná sixú kú hǔn bó ɖó akɔ́n nǔ lɛ́ɛ bǐ nu kpó xomɛhunhun kpó.

Kolósinu 1:24

Din ɔ́, wǔvɛ́ e mɔ wɛ un ɖe ɖó mi wú ɔ́ nɔ ná xomɛhunhun mì. Đó, gbɔn wǔvɛ́ e mɔ wɛ un ɖe ɖo agbaza mɛ lɛ́ɛ gbla mɛ ɔ́, nǔ e hwe ɖo wǔvɛ́ e Klísu mɔ lɛ́ɛ mɛ ɔ́ bló kpé wɛ un ɖe nú agbaza tɔn e nyí klísusɛntɔ́ lɛ́ɛ sín agun é.

1 Tɛsalonikinu 3:4

Nǔgbó ɔ́, hwenu e mǐ kpo ɖo mi gɔ́n ɔ́, mǐ ko ɖɔ nú mi ɖ'ayǐ ɖɔ mǐ ná ji ya; nǔ énɛ́ wɛ ɖo jijɛ wɛ din; mi ɖésúnɔ ɔ́, mi tunwun ganjí.

1 Timɔtée 2:6

Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.

2 Timɔtée 1:10

Amɔ̌ din ɔ́, é wá ɖe xlɛ́ mǐ gbɔn Mɛhwlɛ́ngántɔ́ mǐtɔn Klísu Jezu sín wǐwá jí. É wɛ nyí mɛ e hu acɛ nú kú, bó sɔ́ Wɛn Ɖagbe dó ɖe jɔmakúgbɛ xlɛ́ mǐ é.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 1:16

Aklúnɔ ní ɖe nǔbláwǔkúnúmɛ tɔn xlɛ́ hɛ̌nnu Onɛzifɔ́ɔ tɔn, ɖó é nɔ dó wǔsyɛ́n lanmɛ nú mì hwɛhwɛ; winnyá hu i ɖó nyɛ mɛ e ɖo gankpá mɛ ɔ́ wú ǎ.

2 Timɔtée 2:3

Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

2 Timɔtée 2:8

Flín Klísu Jezu Davídi ví e Mawu fɔ́n sín kú, lě e Wɛn Ɖagbe e un jlá ɔ́ ɖɔ gbɔn é.

2 Timɔtée 2:9

Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

1 Piyɛ́ɛ 1:5

nú mi mɛ e hlɔ̌nhlɔ́n tɔn ɖo hinhɛn wɛ gbɔn nǔɖiɖi jí káká jɛ hwenu e hwlɛngán e ko sɔgbe, bɔ è nǎ ɖe xlɛ́ ɖo hwenu gǔdo gúdo tɔn lɛ́ɛ mɛ ɔ́ ná wá dó é.

1 Jǎan 4:14

Mǐdɛɛ lɛ́ɛ ɔ́, mǐ mɔ bó ɖe kúnnu ná ɖɔ Tɔ́ ɔ́ sɛ́ Vǐ tɔn dó, bɔ é nyí Mɛhwlɛ́ngántɔ́ gbɛ ɔ́ tɔn.

Judi 1:24

Mawu ɖokpó géé e nyí Mɛhwlɛ́ngántɔ́ mǐtɔn gbɔn Aklúnɔ mǐtɔn Jezu Klísu jí ɔ́, é mɛ e kpé wú bó ná cyɔ́n alɔ mi jí, bɔ mi ma ná jɛ ayǐ ǎ ɔ́, é mɛ e kpé wú bó ná ɖe mi xlɛ́ blɔ̌máɖowǔ, bɔ awǎjijɛ ná kpé mi ɖo kpɔ́nɔxámɛ tɔn sín susu mɛ ɔ́, susu, yɛ̌yi, hlɔ̌nhlɔ́n kpódó acɛkpikpa kpó nyí étɔn sín do, bó nyí din, bó lɛ́ nyí káká sɔ́yi. Amǐ.

Nǔɖexlɛ́mɛ 1:2

Jǎan ɖe kúnnu nú nǔ e é mɔ lɛ́ɛ bǐ. Wɛn e Mawu dó ɔ́, kpó nǔgbó e Jezu Klísu ɖe xlɛ́ ɔ́ kpó sín xó wɛ é ɖɔ ɖo fí.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

Nǔɖexlɛ́mɛ 12:11

Lɛ̌ngbɔ́ví ɔ́ sín kanjɔ kpó xó e nɔví mǐtɔn lɛ́ɛ ɖe kúnnu ná ɔ́ kpán zɔ́n bɔ yě ɖu ɖo jǐ tɔn. Yě yí gbe bó ná sɔ́ gbɛ yětɔn jó; yě yí gbe bó ná kú.

Nǔɖexlɛ́mɛ 19:10

Bɔ un jɛ kpo ɖo afɔ tɔn lɛ́ɛ kɔn, bó ná ɖe kɔ́ n'i, bɔ é ka ɖɔ nú mì ɖɔ: “Gbɔ! Ma bló mɔ̌ ó! Mɛsɛntɔ́ wɛ un nyí hwi kpó nɔví towe lɛ́ɛ kpó ɖɔhun; nɔví towe e hɛn kúnnuɖiɖe Jezu tɔn lɛ́ɛ é. Mawu wɛ a nǎ ɖe kɔ́ ná!” Kúnnuɖiɖe Jezu tɔn ɔ́ wɛ nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě.