2 Timɔtée 1:7 - MAWUXÓWÉMA

⁷ Ényí xɛsiɖiɖi sín yɛ wɛ Mawu ná mǐ ǎ; lo ɔ́, hlɔ̌nhlɔ́n kpódó wǎn yíyí kpó, kpódó mɛ ɖésúnɔ jí ɖu ɖe kpó sín yɛ wɛ é ná mǐ.

2 Timɔtée 1:7 Iomraidhean Croise

Ɖɛhan 119:80

Má nɔ gbejí nú tito towe lɛ́ɛ, bó má wá ɖu winnyá ó.

Nǔnywɛ́xó 2:7

É nɔ́ dó alɔ hwɛjijɔnɔ lɛ́ɛ, é nɔ́ gló nǔ nú mɛ e wú è ma nɔ mɔ nǔɖé bó nɔ́ ɖɔ dó ǎ lɛ́ɛ gǎglónú ɖɔhun;

Nǔnywɛ́xó 8:14

Azɔ̌ e nyí ce ɔ́ wɛ nyí nǔ kplɔ́n mɛ bónú è lɛ̌n nǔ dó nukɔn mɛ. Nyɛ wɛ nyí nukúnnú mɔ jɛ nǔ mɛ; nyɛ wɛ nɔ ná hlɔ̌nhlɔ́n mɛ.

Ezayíi 11:2

Yɛ Mawu Mavɔmavɔ tɔn ná nɔ jǐ tɔn; yɛ e nɔ ná nǔnywɛ́ mɛ, bó nɔ́ ná nukúnnú mɔ jɛ nǔ mɛ mɛ é wɛ; yɛ e nɔ ɖe wě xá mɛ, bó nɔ́ ná hlɔ̌nhlɔ́n e è nǎ dó bló ná ɔ́ mɛ é wɛ; yɛ e nɔ zɔ́n bɔ è nɔ tunwun Mawu Mavɔmavɔ, bó nɔ́ ɖó sísí n'i é wɛ.

Micée 3:8

Amɔ̌, nyɛ ɔ́, Mawu Mavɔmavɔ ná hlɔ̌nhlɔ́n tɔn mì; é ná Yɛ tɔn mì; é ná mì nǔjlɔ́jlɔ́wiwa, bó ná mì, bɔ un ná dó sixú ɖe gbejímánɔ kpódó gǔfínfɔ́n Izlayɛ́li ví lɛ́ɛ tɔn kpó gba.

Luki 10:19

Un ná acɛ mi, bɔ mi ná ɖi zɔnlin gbɔn dan jí, bó ná ɖi zɔnlin gbɔn hɔnkéklě jí, bó ná ɖu ɖo awǒvi sín hlɔ̌nhlɔ́n lɛ́ɛ bǐ jí, lobɔ nǔ ɖěbǔ ná kpé mi wú ǎ.

Luki 15:17

É wá dó ayi do, bó ɖɔ dó xomɛ ɖɔ: ‘Azɔ̌watɔ́ gěgé wɛ ɖo daá ce xwé, bɔ nǔɖuɖu kpé yě kpo, bɔ nyɛ ka wá ɖo adɔ ná kú wɛ ɖo fí.

Luki 24:49

Nyɛ ɖésúnɔ ka ná sɛ́ nǔ e sín akpá tɔ́ ce dó ɔ́ dó mi. Mi bó nɔ to ɔ́ mɛ káká yi jɛ hwenu e hlɔ̌nhlɔ́n Mawu tɔn ná jɛ te dó mi jí é.”

Luki 8:35

Bɔ mɛ lɛ́ɛ tɔ́n, bó wá kpɔ́n nǔ e jɛ é. Ée yě wá Jezu gɔ́n é ɔ́, yě mɔ nya e jí Jezu nya yɛ nyanya lɛ́ɛ sín é ɖo ayǐjínjɔ́n ɖo Jezu kpá, bɔ ayi tɔn wá gbɛ, bɔ é dó awu. Ée yě mɔ ɛ ɔ́, xɛsi jɛ yě jí.

Jǎan 14:27

“Fífá wɛ un jó dó nú mi; fífá ce wɛ un ná mi. Un ná mi lě e gbɛ ɔ́ nɔ ná mɛ gbɔn ɔ́ ǎ; ado ma hu mi ó; xɛsi ma ɖi mi ó.

Mɛsɛ́dó 1:8

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Mɛsɛ́dó 21:13

É ka yí gbe nú mǐ ɖɔ: “Nɛ̌ ka gbɔn bɔ mi ɖo avǐ ya wɛ bó ɖo ayi gba dó nú mì wɛ mɔ̌? Ényí è nǎ blá mì kɛ́ɖɛ́ wɛ un ɖo gbesisɔ mɛ ná ǎ; lo ɔ́, un lɛ́ ɖo gbesisɔ mɛ bo ná kú ɖo Jeluzalɛ́mu, ɖó Aklúnɔ Jezu wútu.”

Mɛsɛ́dó 26:11

Hwɛhwɛ wɛ un nɔ dɔn tó nú yě gbɔn kplɔ́ngbasá Jwifu lɛ́ɛ tɔn bǐ; un nɔ zín yě jí ɖɔ yě ní nylá nu dó Mawu wú; xomɛ yětɔn nɔ sin mì ɖaxó, bɔ un nɔ hun káká yi to ɖěvo lɛ́ɛ mɛ, bó nɔ yi dó ya nú yě.

Mɛsɛ́dó 26:25

Pɔ́lu ka yí gbe n'i ɖɔ: “Mɛsísí ce Fɛsitúsi, un hun taɖu ǎ; xó e ɖɔ wɛ un ɖe ɔ́ sɔgbe, bó xwe ali ganjí.

Mɛsɛ́dó 6:8

Mawu tún acɛ dó Etyɛ́ni jí, bó ná ɛ hlɔ̌nhlɔ́n, bɔ é nɔ́ ɖo nǔdábaɖa ɖe tɔ́n wɛ, bó nɔ́ ɖo nǔ ɖaxó ɖaxó lɛ́ɛ jlɛ́ wɛ ɖo togun ɔ́ tɛ́ntin.

Mɛsɛ́dó 9:22

Hlɔ̌nhlɔ́n e Sólu dó ɖo Wɛn Ɖagbe ɔ́ jlá ná wɛ ɔ́ nɔ́ ɖo jijɛ jí wɛ, bɔ Jwifu e ɖo Damási lɛ́ɛ sɔ́ mɔ nu ɖé ná kɛ dó xó tɔn wú ǎ; ɖó é ɖe xlɛ́ titewungbe ɖɔ Jezu wɛ nyí Klísu.

Hlɔ̌manu 5:5

Nukúnɖíɖó énɛ́ ka nɔ flú mɛ ǎ, ɖó Mawu kɔn wǎn yíyí tɔn dó ayi mǐtɔn mɛ gbɔn Yɛsinsɛn e é ná mǐ ɔ́ jí.

Hlɔ̌manu 8:15

Đó Yɛ e Mawu na mi ɔ́ nyí, yɛ e na sɔ́ mi dó ɖó kannumɔ, bó ná bló bɔ mi na húzú xɛsinɔ é ǎ. Lo ɔ́, Yɛsinsɛn e sɔ́ mi dó húzú Mawu ví, bó lɛ́ ná acɛ mǐ, bɔ mi nɔ sú xó ylɔ́ Mawu ɖɔ: “Daá ce! Tɔ́ ce vívɛ́ná” ɔ́ wɛ.

1 Kɔlɛ́ntinu 2:4

É nyí nǔnywɛ́ gbɛtɔ́ tɔn sín xó víví lɛ́ɛ wɛ un sɔ́ dó kplɔ́n nǔ mɛ ǎ, é ka nyí é wɛ un dó ɖɔ Mawuxó ɔ́ ná ǎ; lo ɔ́, Yɛ Mawu tɔn sín hlɔ̌nhlɔ́n sín nǔwiwa wɛ.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Kolósinu 1:8

Wǎn yíyí e Yɛsinsɛn ná mi ɔ́, é ɖɔ xó tɔn nú mǐ.

Eblée 2:15

énɛ́ ɔ́, é hwlɛ́n mɛ e cí kannumɔ ɖɔhun ɖo gbɛzán yětɔn bǐ mɛ, ɖó xɛsi e ɖi nú kú wɛ yě ɖe ɔ́ wútu lɛ́ɛ gán.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Jǎan 4:18

Xɛsi ɖo wǎn yíyí mɛ ǎ; wǎn yíyí e sɔgbe bɔ nǔ bǐ vɔ ɖ'é wú ɔ́ nɔ nya xɛsi tɔ́n. Tódɔnnúmɛ wɛ nɔ dɔn xɛsi wá; ɖó mɛ e ɖo xɛsi ɖi wɛ ɔ́, mɛ énɛ́ ɔ́ ɖó wǎn yíyí bɔ nǔ bǐ vɔ ɖ'é wú ǎ.