2 Timɔtée 1:4 - MAWUXÓWÉMA

⁴ Un nɔ flín avǐ e a ya é, bó nɔ ɖó jlǒ ɖaxó ɖɔ ma lɛ́ wá mɔ we, bónú xomɛ ná hun mì titewungbe.

2 Timɔtée 1:4 Iomraidhean Croise

Ɖɛhan 126:5

Mɛ e dó nǔkún kpó avǐ kpó ɔ́, awǎjijɛ mɛ wɛ é nɔ́ ya ɖe.

Ezayíi 61:3

Sinyɔ́ɔ wú wɛ yě ɖo aluwɛ mɛ; lo ɔ́, azɔ̌ e Mawu Mavɔmavɔ zɔ́n mì ɔ́ wɛ nyí ɖɔ má zé aluwɛ e mɛ yě ɖe ɔ́ dó húzú xomɛhunhun nú yě: un nǎ zé afín e yě lɛ dó ta ɔ́ dó húzú tablá ɖagbe ɖagbe ɖé. Un ná kɔn ami wǎnɖagbenɔ ɖé dó ta nú yě, bɔ é ná nyí awǎjijɛ sín wuntun, é sɔ́ ná nyí aluwɛ sín wuntun ǎ. Acɔ́wu wɛ un ná dó nú yě, ɖó awakanmɛ e kú yě ɔ́ tɛnmɛ. Énɛ́ ɔ́, è nǎ nɔ́ ylɔ́ yě ɖɔ hwɛjijɔtín ɖaxó ɖaxó e Mawu tun, bɔ yě nɔ́ ɖe susu tɔn xlɛ́ lɛ́ɛ; è nǎ nɔ́ zé yě jlɛ́ dó jikpá e nɔ ɖe susu Mawu Mavɔmavɔ tɔn xlɛ́ é wú.

Jelemíi 31:13

“Énɛ́ ɔ́, xomɛ ná hun ɖyɔ̌vǐ lɛ́ɛ bɔ yě ná ɖú we; xomɛ ná hun dɔ̌nkpɛvú lɛ́ɛ kpó mɛxó lɛ́ɛ lɔmɔ̌ kpó. Un ná sɔ́ aluwɛ yětɔn dó húzú awǎjijɛ; un ná súnsún ɖasin nú yě ɖo wǔvɛ́ yětɔn lɛ́ɛ mɛ, yě ká mɔ wǔvɛ́ fó ɔ́, un ná ná awǎjijɛ ɖaxó yě.

Jǎan 16:22

Mɔ̌ ɖokpó ɔ́, mi lɔmɔ̌ ɖo aluwɛ mɛ din; lo ɔ́, un ná lɛ́ wá mɔ mi, bɔ mi ná mɔ awǎjijɛ, bɔ mɛ ɖěbǔ sɔ́ ná sixú ɖe awǎjijɛ énɛ́ sín ayi mitɔn mɛ ǎ.

Jǎan 16:24

Amɔ̌, káká wá jɛ din ɔ́, mi ko byɔ́ nǔ ɖěbǔ ɖo nyǐkɔ ce mɛ ǎ; mi byɔ́, bó ná mɔ yí, bónú awǎjijɛ mitɔn ɔ́, nǔ bǐ na vɔ ɖ'é wú.”

Mɛsɛ́dó 20:19

Un nɔ sɛn Aklúnɔ ɖo mɛɖée sɔ́ hwe mɛ; un nɔ sɛn ɛ kpó avǐ kpó, bó nɔ́ sɛn ɛ ɖo wǔvɛ́ e mɔɖónúmɛ Jwifu lɛ́ɛ tɔn nɔ dɔn wá nú mì lɛ́ɛ é tɛ́ntin.

Mɛsɛ́dó 20:31

Hǔn, mi bo nɔ acéjí, bó ka flín ɖɔ zǎn kpódó kéze kpo ɔ́, un kún gɔn nǔ kplɔ́n ɖokpó ɖokpó mitɔn lɛ́ɛ kpódó avǐ kpán káká nú xwe atɔn ó.

Hlɔ̌manu 1:11

Đó é jló mì ɖésú ɖɔ ma wá mɔ mi, bó hɛn nǔníná Yɛsinsɛn tɔn ɖé wá nú mi, bónú mi ná lí dǒ ɖo nǔ e mi ɖi nú Klísu ɔ́ mɛ.

Filípunu 1:8

Ée un ɖɔ un yí wǎn nú mi ɔ́, Mawu tunwun ɖɔ nǔgbó ɖɔ wɛ un ɖe. Wǎn e un yí nú mi ɔ́, Klísu Jezu gɔn wɛ é gosín.

Filípunu 2:26

É ɖó jlǒ ɖaxó ɖɔ émí ní mɔ mi bǐ, bɔ é ɖo hǔn mɛ n'i ɖésú, ɖó mi se ɖɔ é jɛ azɔn.

1 Tɛsalonikinu 2:17

Nɔví lɛ́ɛ mi, nǔ e kan mǐdɛɛ lɛ́ɛ ɔ́ wɛ nyí ɖɔ: sín hwenu e mǐ ko gosín mi gɔn nú hwenu yɔywɛ ɖé ɔ́, é jló mǐ ɖésú ɖɔ mǐ ní lɛ́ mɔ mi; énɛ́ wú wɛ mǐ lɛ́ vɔ́ gǎn dó d'é jí, bó ná sixú kpé wú; mǐ sɔ́ ɖo kpɔ́ xá mi ɖo agbaza mɛ ǎ; lo ɔ́, ayi mǐtɔn ɖo mi wú.

2 Timɔtée 4:21

Dǒ gǎn bó wá cóbónú avivɔ hwenu su. Ebúlu kpódó Pudɛ́nsi kpó, kpódó Linu kpó, kpódó Klódiya kpó, kpódó nɔví ɖě lɛ́ɛ bǐ kpán dó gbe sɛ́ dó we.

2 Timɔtée 4:9

Dǒ gǎn bó wá mɔ mì ɖo malín málín mɛ.

1 Jǎan 1:4

Mǐ ɖo nǔ énɛ́ lɛ́ɛ wlán sɛ́ dó mi wɛ, bónú awǎjijɛ mǐtɔn ná nyí awǎjijɛ kpíkpé.

Nǔɖexlɛ́mɛ 21:4

È nǎ súnsún ɖasin bǐ sín nukún yětɔn mɛ; kú sɔ́ ná tíin ǎ, aluwɛ sɔ́ ná tíin ǎ, alěníná sɔ́ ná tíin ǎ, wǔvɛ́ mimɔ sɔ́ ná tíin ǎ; nǔ xóxó lɛ́ɛ ko bú.”

Nǔɖexlɛ́mɛ 7:17

Đó Lɛ̌ngbɔ́ví e ɖo axɔ́súzinkpo ɔ́ tɛ́ntin ɔ́ ná nyí Lɛ̌ngbɔ́nyitɔ́ yětɔn, bó ná kplá yě yi fí e sin ɖagbe e nɔ ná gbɛ mɛ ɔ́ nɔ tɔ́n sín lɛ́ɛ. Bɔ Mawu ná súnsún ɖasin bǐ sín nukún mɛ nú yě.”