2 Timɔtée 1:3 - MAWUXÓWÉMA

³ Un nɔ dó kú nú Mawu e tɔ́gbó ce lɛ́ɛ sɛn, bɔ nyɛ ɖésú ɖo sinsɛn wɛ kpódó ayixa mímɛ́ kpó é. Un dó kú n'i ɖó é bló bɔ zǎn kpó kéze kpó ɔ́, un nɔ flín we hwebǐnu, ɖo ɖɛ ce lɛ́ɛ mɛ.

2 Timɔtée 1:3 Iomraidhean Croise

Luki 2:37

É ka sɔ́ da asú ɖě ǎ, káká bó ɖó xwe kanwe-nukún-ɛnɛ (84); é nɔ́ cí sinsɛnxɔ mɛ, bɔ zǎn kpódó kéze kpó ɔ́, é nɔ́ ɖo Mawu sɛn wɛ, ɖo nubláblá kpó ɖɛxixo kpó mɛ.

Mɛsɛ́dó 22:3

“Jwifu wɛ nú mì; Táasi wɛ è ji mì ɖe, ɖo Silisíi gbé jí, Jeluzalɛ́mu fí wɛ un nɔ bo su; Gamaliyɛ́li wɛ nyí mɛ̌si ce; é kplɔ́n lě e è ɖǒ ná nyi tɔ́gbó mǐtɔn lɛ́ɛ sín sɛ́n gbɔn é mì céɖécéɖé. Un nɔ jɛ hun dó Mawu jǐ, lě e mi lɔ ɖo hun jɛ dó jǐ tɔn gbɔn wɛ éhɔ́nmɛ din é.

Mɛsɛ́dó 23:1

Pɔ́lu bɔ nukún nyi toxóɖɔtɔ́ lɛ́ɛ wú, bó ɖɔ: “Nɔví ce lɛ́ɛ mi, ayi ce xo hun xá mì ɖo nǔ ɖěbǔ mɛ ɖo Mawu nukɔn káká jɛ égbé ǎ.”

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Mɛsɛ́dó 24:16

Énɛ́ ɔ́ wú wɛ un nɔ dó gǎn, bónú ayi ce ma xo hun xá mì ɖo nǔ ɖěbǔ mɛ, ɖo Mawu kpódó gbɛtɔ́ lɛ́ɛ kpán nukɔn ó.

Mɛsɛ́dó 26:4

“Lě e un zán gbɛ ce gbɔn sín wǐnnyáwínnyá mɛ ce, lě e un nɔ togun ce tɛ́ntin gbɔn sín hwenu e è ji mì ɔ́, lě e un nɔ Jeluzalɛ́mu gbɔn é ɖésú ɔ́, Jwifu lɛ́ɛ bǐ wɛ tunwun.

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

Hlɔ̌manu 9:1

Nǔgbó ɖɔ wɛ un ɖe, ɖo bǔ e un ɖe xá Klísu ɔ́ mɛ; un nɔ ɖó adingban ǎ. Ayixa ce ɖe kúnnu nú mì gbɔn Yɛsinsɛn jí ɖɔ nǔgbó ɖɔ wɛ un ɖe.

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

Galatinu 1:14

Mi tunwun lě e un nɔ xwedó Jwifu lɛ́ɛ sín sinsɛn hú hǎtɔ́ ce gěgé gbɔn é; mi tunwun lě e un nɔ jɛ hun dó hwɛndo tɔ́ mǐtɔn lɛ́ɛ tɔn jí gbɔn hú gbɛ̌ ce lɛ́ɛ bǐ é.

Efɛ́zinu 1:16

un nɔ gɔn kú dó nú Mawu dó ta mitɔn mɛ ǎ. Un ɖo ɖɛ xo wɛ hweɖěbǔnu ɔ́, un nɔ flín mi.

1 Tɛsalonikinu 3:10

Zǎn kpó kéze kpó ɔ́, mǐ nɔ́ byɔ́ ɛ syɛ́nsyɛ́n ɖɔ ní bló bónú mǐ ɖésúnɔ ná lɛ́ mɔ mi, bónú nǔ e lɛ́ hwedó mi ɖo nǔɖiɖi mitɔn mɛ ɔ́, mǐ ná gɔ́ ná nú mi.

1 Timɔtée 1:19

kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

1 Timɔtée 5:5

Asúkúsi nǔgbó nǔgbó e ma ɖó mɛɖé bɔ é ná kpé nukún dó wútu tɔn ǎ ɔ́ nɔ sɔ́ nukúnɖíɖó tɔn bǐ ɖó Mawu jí. É nɔ gɔn ɖɛ xo ǎ, é nɔ gɔn vo sa nú Mawu ǎ.

2 Timɔtée 1:5

Nǔɖiɖi titewungbe e a ɖǒ ɔ́ ɖo ayi ce mɛ, bɔ un ɖo flínflín wɛ. Nǔɖiɖi énɛ́ ɔ́ wɛ nɔ towe sín nɔ Lɔyisi kpódó nɔ towe Enisi kpó ko ɖó jɛ nukɔn nú we. Un ka ɖeji ɖɔ hwi lɔ ɖó nǔɖiɖi énɛ́.

2 Timɔtée 3:15

Sín hwenu e a ɖo vǔ ɔ́ wɛ a ko tunwun nǔwlánwlán mímɛ́ lɛ́ɛ; yě hɛn ɔ́, yě nǎ ná nǔnywɛ́ e nɔ kplá mɛ, bɔ è nɔ mɔ hwlɛngán gbɔn nǔ ɖi nú Klísu Jezu gbla mɛ ɔ́ we.

Eblée 13:8

Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

1 Samuwɛ́li 12:23

Mawu Mavɔmavɔ ma lɔn nú un gɔn ɖɛ xo nú mi, bó hu hwɛ dó e ó. Un ná xlɛ́ ali e nyí ali ɖagbe ɔ́ mi, ali e nyí ali jlɔ́jlɔ́ é.