2 Timɔtée 1:18 - MAWUXÓWÉMA

¹⁸ Aklúnɔ ní bló bónú é ní mɔ nǔbláwǔkúnúmɛ Aklúnɔ tɔn yí ɖo azǎn énɛ́ gbe. Alɔ tobutóbú e é gɔ́ nú mì ɖo Efɛ́zi ɔ́, a tunwun ganjí.

2 Timɔtée 1:18 Iomraidhean Croise

1 Axɔ́sú 17:20

Énɛ́ ɔ́ gúdo ɔ́, é ylɔ́ Mawu Mavɔmavɔ bó ɖɔ: “Mawu Mavɔmavɔ, Mawu ce, nyɔ̌nu asúkúsi élɔ́ yí mì ɖó xwé tɔn gbe. A hu vǐ tɔn bó ná dó wa nǔ xá ɛ nǔgbó wɛ a?”

Luki 1:72

É ná ɖe nǔbláwǔkúnúmɛ tɔn xlɛ́ tɔ́gbó mǐtɔn lɛ́ɛ, bó ná flín akɔjijɛ tɔn ma ɖó blɔ̌ ɖo wǔ ɔ́.

Luki 1:78

Đó Mawu mǐtɔn ɔ́, nǔbláwǔkúnúmɛtɔ́ wɛ, bó ká lɛ́ fá xomɛ; é ná bló bɔ hwlɛngán sín wěziza ɔ́ ná hɔ́n dó mǐ jí sín jǐxwé hwesivɔ́ ɖɔhun;

Luki 8:3

Jani e nyí Cúza nǔjíkpɔ́ntɔ́ Elódu tɔn sín asi é, Suzánu, kpódó nyɔ̌nu gěgé ɖěvo ɖé lɛ́ɛ kpán, bɔ yě nɔ́ sɔ́ nǔ e yě ɖó lɛ́ɛ dó dó alɔ Jezu kpódó ahwanvú tɔn wěwe lɛ́ɛ kpán.

Mɛsɛ́dó 18:19

Ée yě wá yi jɛ Efɛ́zi ɔ́, Pɔ́lu jó Plisílu kpódó Akilási kpán dó; é yi kplɔ́ngbasá, bó dɔn nǔ xá Jwifu lɛ́ɛ.

Mɛsɛ́dó 18:21

Hwenu e é ja yě gɔ̌n gosín gbé ɔ́, é ɖɔ nú yě ɖɔ: “Ényí Mawu jló ɔ́, un ná lɛ́ wá mi gɔ́n hwe ɖěvo nu.” Ée é ɖɔ mɔ̌ ɔ́, é yi byɔ́ tɔjíhún mɛ ɖo Efɛ́zi, bó ɖidó.

Mɛsɛ́dó 19:1

Hwenu e Apolosu ɖo Kɔlɛ́nti ɔ́, Pɔ́lu gbɔn tokpɔn e ɖo só jí lɛ́ɛ mɛ, bó wá Efɛ́zi. É mɔ ahwanvú ɖé lɛ́ɛ ɖo fínɛ́,

1 Kɔlɛ́ntinu 1:8

Aklúnɔ mǐtɔn Jezu Klísu ɔ́ wɛ ná hɛn mi, bɔ mi na syɛ́nlǐn káká yi vivɔnu, bónú mɛɖé ní ma mɔ nǔɖé ɖɔ dó mi wú ɖo azǎn tɔn gbe ó.

1 Kɔlɛ́ntinu 16:8

É ka ɖo mɔ̌ có, un tunwun ɖɔ un ná nɔ Efɛ́zi káká yi jɛ Pantekótu gbe.

1 Kɔlɛ́ntinu 3:13

Amɔ̌, Aklúnɔ sín azǎn ɔ́ wɛ ná ɖe lě e azɔ̌ mɛ ɖokpó ɖokpó tɔn ɖe gbɔn é xlɛ́, bɔ é ná jɛ wěxo. Nǔgbó ɔ́, azǎn énɛ́ ɔ́ ná wá kpó myɔ kpó, bɔ myɔ ná gbéjé azɔ̌ e mɛ ɖokpó ɖokpó wa ɔ́ kpɔ́n, bó ná ɖe azɔ̌ alɔkpa e é nyí ɔ́ xlɛ́.

2 Kɔlɛ́ntinu 9:1

Nǔ e è sɛ́ dó mɛɖeɖóvo Mawu tɔn e ɖo Judée lɛ́ɛ, bó dó dó alɔ yě ɔ́, é byɔ́ dandan ɖɔ ma wlán wěma sɛ́ dó mi d'é wú ǎ.

Efɛ́zinu 2:4

Lo ɔ́, xomɛnyínyɔ́ Mawu tɔn d'agba, bɔ lě e é ɖó wǎn yíyí nú mǐ sɔ́ é zɔ́n,

1 Tɛsalonikinu 2:19

Nǔgbó ɔ́, nukún mǐtɔn sɔ́ ɖo mɛɖé jí zɛ midɛɛ lɛ́ɛ kɛ́ɖɛ́ wú ǎ; mi jí wɛ nukún mǐtɔn ɖe; mi wɛ nyí xomɛhunhun mǐtɔn, bó nyí ɖuɖéjí mǐtɔn sín xlɛ́ e wú mǐ ná sixú tɛ afɔ ayǐ ɖo Aklúnɔ mǐtɔn Jezu nukɔn, ɖo hwenu e é ná lɛ́ kɔ wá é.

1 Timɔtée 1:3

Nɔ Efɛ́zi lě e un ko ɖɔ gbɔn nú we hwenu e un ɖidó Masedwani é; mɛɖé lɛ́ɛ ɖo fínɛ́, bó nɔ ɖo nǔ e ma sɔgbe xá nǔɖiɖi mǐtɔn ǎ lɛ́ɛ kplɔ́n mɛ lɛ́ɛ wɛ; a ɖǒ ná gbɛ́ nǔ nú yě.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 1:16

Aklúnɔ ní ɖe nǔbláwǔkúnúmɛ tɔn xlɛ́ hɛ̌nnu Onɛzifɔ́ɔ tɔn, ɖó é nɔ dó wǔsyɛ́n lanmɛ nú mì hwɛhwɛ; winnyá hu i ɖó nyɛ mɛ e ɖo gankpá mɛ ɔ́ wú ǎ.

2 Timɔtée 1:17

É nyɔ́ wa ɔ́, hwenu e é wá Hlɔ̌ma ɔ́, é ba mì kpódó vǐvɛ́ dó nú nǔ kpó káká bó mɔ mì.

2 Timɔtée 4:12

Un sɛ́ Ticíku dó Efɛ́zi.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

1 Piyɛ́ɛ 1:10

Gbeyíɖɔ Mawu tɔn e ɖɔ xó dó fɛ́nú e Mawu ko sɔ́ ɖ'ayǐ nú mi ɔ́ wú lɛ́ɛ ba do nú hwlɛngán ɔ́, bó gbéjé kpɔ́n.

Nǔɖexlɛ́mɛ 2:1

Wlǎn wěma sɛ́ dó agun Klísu tɔn e ɖo Efɛ́zi ɔ́ sín wɛnsagun, bó ɖɔ n'i ɖɔ: “Mɛ e hɛn sunví tɛ́nwe lɛ́ɛ dó alɔ tɔn ɖisí ɔ́ mɛ, bó ɖo zɔnlin ɖi wɛ ɖo sikázogbɛ́nhɛnnú tɛ́nwe lɛ́ɛ tɛ́ntin ɔ́, xó e ɖɔ wɛ é ɖe ɔ́ ɖíe: