2 Timɔtée 1:14 - MAWUXÓWÉMA

¹⁴ Yɛsinsɛn e ɖo mǐ mɛ ɔ́ ní d'alɔ we, bónú a nǐ hɛn nǔkplɔ́nmɛ titewungbe e è sɔ́ dó así nú we lɛ́ɛ.

2 Timɔtée 1:14 Iomraidhean Croise

Luki 16:11

Ényí mi ma nɔ gbejí ɖo dɔkun gbɛmɛ fí tɔn lɛ́ɛ kɔn ǎ ɔ́, mɛ̌ ka ná sɔ́ dɔkun jɔ dɔkun dó alɔ mɛ nú mi?

Jǎan 14:17

Éyɛ́ wɛ nyí Yɛ nǔgbónɔ, bɔ mɛ e nyí gbɛ ɔ́ tɔn lɛ́ɛ sixú yí i ǎ; ɖó yě sixú mɔ ɛ ǎ; yě ká lɛ́ sixú tunwun i ǎ. Midɛɛ lɛ́ɛ ɔ́, mi ka ko tunwun i, ɖó é ɖo kpɔ́ xá mi, bó ɖo mi mɛ.

Hlɔ̌manu 3:2

Le ɔ́ d'agba ɖo ali bǐ nu; ɖó le nukɔntɔn e Jwifu lɛ́ɛ ɖó ɔ́ wɛ nyí ɖɔ Mawu sɔ́ xó tɔn lɛ́ɛ dó así nú yě.

Hlɔ̌manu 8:11

Ényí Mawu e fɔ́n Jezu sín kú ɔ́ sín Yɛ ɖo mi mɛ ɔ́, mɛ e fɔ́n Klísu Jezu sín kú ɔ́ ná ná gbɛ agbaza mitɔn e ɖo te nú kú ɔ́ lɔmɔ̌ gbɔn Yɛ tɔn e ɖo mi mɛ é jí.

Hlɔ̌manu 8:13

Đó ényí mi nɔ zán gbɛ mitɔn lě e hwɛhuhu sín ninɔmɛ e mi ɖo ɔ́ nɔ jló gbɔn ɔ́, mi ná kú. Lo ɔ́, ényí mi gbɔn Yɛsinsɛn jí bó hu walɔ agbaza tɔn lɛ́ɛ ɔ́, mi ná nɔ gbɛ.

Hlɔ̌manu 8:9

Amɔ̌, midɛɛ lɛ́ɛ ɔ́, mi sɔ́ nɔ zán gbɛ mitɔn lě e hwɛhuhu sín ninɔmɛ e mi ɖó ɔ́ zɔ́n gbɔn é ǎ; lě e Yɛsinsɛn jló gbɔn ɔ́ wɛ mi nɔ zán gbɛ mitɔn gbɔn; ényí Yɛ Mawu tɔn ɖo mi mɛ nǔgbó ɔ́ nɛ́. Mɛ ɖé ma ɖó Yɛ Klísu tɔn ǎ ɔ́, mɛ ɔ́ nyí Klísu tɔn ǎ.

1 Kɔlɛ́ntinu 3:16

Mi tunwun ɖɔ sinsɛnxɔ Mawu tɔn wɛ émí nyí, bɔ Yɛ Mawu tɔn ɖo émí mɛ.

1 Kɔlɛ́ntinu 6:19

Mi tunwun ɖɔ agbaza mitɔn ɔ́, Yɛsinsɛn e Mawu ná mi, bɔ é ɖo mi mɛ ɔ́ sín sinsɛnxɔ wɛ é nyí ǎ cé? Mi nyí mi ɖésúnɔ tɔn ǎ:

1 Kɔlɛ́ntinu 9:17

Ényí nyɛ ɖésú wɛ zé azɔ̌ énɛ́ ɔ́, bó ɖo wiwa wɛ ɔ́, un sixú ɖó nukún ɖɔ un ná mɔ le tɔn. Lo ɔ́, ɖěe é nyí ɖɔ azɔ̌ wɛ é nyí, bɔ è ɖɔ un ɖó ná wa ɔ́, azɔ̌ e è zɔ́n mì ɔ́ wa wɛ un ɖe kpowun.

2 Kɔlɛ́ntinu 5:16

Énɛ́ ɔ́, bɛ́ sín din ɔ́, mǐ sɔ́ nɔ sɔ́ gbɛtɔ́ sín ayixa dó kpɔ́n mɛ ɖěbǔ ná ǎ; ényí mǐ ko sɔ́ gbɛtɔ́ sín ayixa dó kpɔ́n Klísu ná ɖ'ayǐ ɔ́, mǐ sɔ́ nɔ́ zé ayixa énɛ́ ɔ́ dó kpɔ́n ɛ ná din ǎ.

Galatinu 2:7

É nyɔ́ wa ɔ́, yě mɔ ɖɔ Mawu sɔ́ Wɛn Ɖagbe jlájlá mɛ e ma nyí Jwifu ǎ lɛ́ɛ sín azɔ̌ dó así nú mì, lě e é sɔ́ Wɛn Ɖagbe jlájlá mɛ e nyí Jwifu lɛ́ɛ sín azɔ̌ dó así nú Sefási gbɔn é.

Efɛ́zinu 2:22

Đo bǔ e mi ɖe xá Klísu Jezu ɔ́ mɛ ɔ́, mi lɔmɔ̌ nyí blǐki ɖo blǐki e è dǒ mɛ xɔ ɔ́ ná lɛ́ɛ mɛ; bɔ mi kpódó mɛ ɖě lɛ́ɛ bǐ kpó ná kplé bó ná nyí xɔ e mɛ Yɛ Mawu tɔn nɔ́ nɔ é.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

Kolósinu 4:11

Jezu e è nɔ ylɔ́ ɖɔ Jusitúsi ɔ́ lɔmɔ̌ dó gbe sɛ́ dó mi. Yě mɛ atɔn énɛ́ lɛ́ɛ jɛ́n nyí Jwifu e húzú jɛ Klísu sín ali jí lɛ́ɛ é; yě ɖo azɔ̌ wa xá mì wɛ nú axɔ́súɖuɖu Mawu tɔn. Yě dó wǔsyɛ́n lanmɛ nú mì ɖésú.

1 Tɛsalonikinu 5:19

Mi ma glɔ́n ali nú Yɛsinsɛn sín azɔ̌ ó.

1 Timɔtée 1:11

Wɛn Ɖagbe e è sɔ́ dó así nú mǐ, bɔ é ɖɔ xó dó Mawu nyɔ̌nábǐnɔ ɔ́ sín susu wú ɔ́ mɛ wɛ è nɔ mɔ nǔkplɔ́nmɛ énɛ́ ɖe.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 2:2

Nǔ e un ɖɔ, bɔ a se ɖo kúnnuɖetɔ́ gěgé nukɔn ɔ́, sɔ́ dó así nú mɛ e wú è ɖeji dó, bɔ yě lɔ ná sixú kplɔ́n mɛɖěvo lɛ́ɛ é.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.