2 Timɔtée 1:13 - MAWUXÓWÉMA

¹³ Đó nǔɖiɖi kpódó wǎn yíyí e mǐ ɖó ɖo bǔ e mǐ ɖe xá Klísu Jezu ɔ́ kpán mɛ é wú ɔ́, hɛn xó jɔ xó e a se ɖo nu ce lɛ́ɛ é, bónú yě ní nyí kpɔ́ndéwú nú we.

2 Timɔtée 1:13 Iomraidhean Croise

Nǔnywɛ́xó 23:23

Nɔ ba ná tunwun nǔ e nyí nǔgbó ɔ́, nǔ e nɔ́ ná nǔnywɛ́ mɛ ɔ́, nǔ e nɔ́ ná kplɔ́n mɛ ɔ́, nǔ e nɔ́ ná nukúnnú-mɔjɛnǔmɛ mɛ é; a ɖǒ nǔ ɖagbe énɛ́ lɛ́ɛ hǔn, ma sɔ́ yě sa nú mɛɖé ó.

Nǔnywɛ́xó 3:18

Nǔnywɛ́ ɔ́, atín e nɔ́ ná gbɛ mɛ é wɛ é nyí nú mɛ e ɖó lɛ́ɛ; nǔ nɔ́ nyɔ́ nú mɛ e nɔ hɛn nǔnywɛ́ majómájó lɛ́ɛ.

Nǔnywɛ́xó 3:21

Vǐ ce, ma nú ayi ɖo te kpó tamɛ lin cóbó wa nǔ kpó nɔ zɔ nú we ó; hɛn yě.

Nǔnywɛ́xó 4:13

Hɛn nǔ e a kplɔ́n é, ma jó dó ó; hɛn dó wǔ syɛ́nsyɛ́n, ɖó é wɛ nyí gbɛ towe.

Nǔnywɛ́xó 8:14

Azɔ̌ e nyí ce ɔ́ wɛ nyí nǔ kplɔ́n mɛ bónú è lɛ̌n nǔ dó nukɔn mɛ. Nyɛ wɛ nyí nukúnnú mɔ jɛ nǔ mɛ; nyɛ wɛ nɔ ná hlɔ̌nhlɔ́n mɛ.

Hlɔ̌manu 2:20

A mɔ ɖɔ émí nɔ́ kplɔ́n nǔ xlonɔ lɛ́ɛ, kpó mɛ e ma tunwun nǔɖé ǎ lɛ́ɛ kpó, ɖó a ɖeji ɖɔ émí nɔ́ mɔ nǔnywɛ́ titewungbe kpó nǔgbó titewungbe kpó ɖo sɛ́n ɔ́ mɛ.

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

Filípunu 1:27

Nǔ e mi ná wa kpowun ɔ́ wɛ nyí ɖɔ mi ní zán gbɛ mitɔn lě e Wɛn Ɖagbe Klísu tɔn ɔ́ zɔ́n gbɔn é. Énɛ́ wú ɔ́, nú un wá mi gɔ́n oo, abǐ un gɔn mi gɔ́n oo, má se ɖɔ mi syɛ́nlǐn, bó ɖó linlin ɖokpó ɔ́, lobo zé ayixa ɖokpó ɔ́ dó ɖo ahwan fun ɖó kpɔ́ wɛ, nú nǔɖiɖi e Wɛn Ɖagbe ɔ́ nɔ na mɛ é.

Filípunu 4:9

Nǔ e un kplɔ́n mi lɛ́ɛ, nǔ e mi yí ɖo gɔ̌n ce lɛ́ɛ, nǔ e mi se ɖo nu ce lɛ́ɛ, kpódó nǔ e un wa, bɔ mi mɔ lɛ́ɛ kpó ɔ́, mi zé dó wa azɔ̌ ná; énɛ́ ɔ́, Mawu e nɔ ná fífá mǐ ɔ́ ná nɔ kpɔ́ xá mi.

Kolósinu 1:4

Đó, mǐ se nǔɖiɖi e mi ɖó nú Klísu Jezu ɔ́, kpódó wǎn yíyí e mi ɖó nú mɛɖeɖóvo Mawu tɔn lɛ́ɛ kpán.

1 Tɛsalonikinu 5:21

Lo ɔ́, mi ba do nú nǔ bǐ céɖécéɖé, bó nɔ hɛn ée nyɔ́ lɛ́ɛ dó ayi mɛ.

1 Timɔtée 1:10

Nǔblíblíwatɔ́ lɛ́ɛ, súnnu e nɔ ɖó xó xá súnnu gbɛ̌ yětɔn lɛ́ɛ é, nyɔ̌nu e nɔ ɖó xó xá nyɔ̌nu gbɛ̌ yětɔn lɛ́ɛ é, kannumɔjɔ́watɔ́ lɛ́ɛ, adingbannɔ lɛ́ɛ, mɛ e nɔ xwlé nǔ dó nǔvú jí lɛ́ɛ, kpódó mɛ e nɔ wa nǔ e ma sɔgbe xá nǔkplɔ́nmɛ titewungbe ɔ́ ǎ lɛ́ɛ bǐ kpó.

1 Timɔtée 1:14

Aklúnɔ mǐtɔn ka kɔn fɛ́nú tɔn dó jǐ ce, bɔ é túnflá; é ná nǔɖiɖi kpódó wǎn yíyí e mǐ ɖǒ ɖo Klísu Jezu mɛ ɔ́ kpó mì.

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:14

Yɛsinsɛn e ɖo mǐ mɛ ɔ́ ní d'alɔ we, bónú a nǐ hɛn nǔkplɔ́nmɛ titewungbe e è sɔ́ dó así nú we lɛ́ɛ.

2 Timɔtée 2:2

Nǔ e un ɖɔ, bɔ a se ɖo kúnnuɖetɔ́ gěgé nukɔn ɔ́, sɔ́ dó así nú mɛ e wú è ɖeji dó, bɔ yě lɔ ná sixú kplɔ́n mɛɖěvo lɛ́ɛ é.

2 Timɔtée 3:14

Hwɛ ɔ́, syɛ́nlǐn ɖo nǔ e a kplɔ́n, bó mɔ ɖɔ nǔgbó wɛ é nyí ɔ́ mɛ; ɖó a tunwun mɛ e kplɔ́n nǔ énɛ́ we lɛ́ɛ.

2 Timɔtée 4:3

Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.

Titu 2:1

Amɔ̌ hwɛ ɔ́, nǔ e sɔgbe xá nǔkplɔ́nmɛ ɖagbe ɔ́ wɛ a nǎ kplɔ́n mɛ lɛ́ɛ;

Titu 2:8

A nǎ nɔ zán xógbe e sɔgbe bɔ mɛɖé ma ná sixú mɔ xó ɖé ɖɔ d'é wú ǎ lɛ́ɛ, bónú kɛntɔ́ towe lɛ́ɛ ná ɖu winnyá, ɖó yě ná mɔ xó nyanya ɖé ɖɔ dó mǐ wú ǎ.

Eblée 10:23

Mi nú mǐ ná hɛn nukúnɖíɖó e sín xó jlá wɛ mǐ ɖe ɔ́ syɛ́nsyɛ́n, ɖó Mawu e dó akpá nú mǐ ɔ́ ɖo gbejí.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.

Nǔɖexlɛ́mɛ 2:25

Lo ɔ́, mi hɛn nǔ e mi ɖó ɔ́ wú syɛ́nsyɛ́n káká bónú ma wá.

Nǔɖexlɛ́mɛ 3:11

Un ná wá ɖo malín málín mɛ din. Hɛn nǔ e ɖo así towe ɔ́ syɛ́nsyɛ́n, bónú mɛɖé ma yí ɖuɖéjí towe sín ajɔ ɔ́ sín así towe ó.

Nǔɖexlɛ́mɛ 3:3

Hǔn, bó flín kplɔ́n e a yǐ ɔ́, bó flín lě e a se gbɔn é; se tónú nú kplɔ́n énɛ́ ɔ́, bó lɛ́ kɔ sín hwɛ towe lɛ́ɛ gúdo. Ényí a ma fɔ́n ǎ ɔ́, un ná wá fyán we ajotɔ́ ɖɔhun, a nǎ tunwun gan e mɛ un ná wá dó é ǎ.