2 Timɔtée 1:12 - MAWUXÓWÉMA

¹² Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 1:12 Iomraidhean Croise

Ɖɛhan 25:2

Mawu ce, hwi wú wɛ un ɖeji dó; ma nú un ɖu winnyá ó! Ma nú kɛntɔ́ kpé wǔ ce ó.

Ɖɛhan 31:5

Ma lɔn nú ma jɛ mɔ e è ɖǒ nú mì ɔ́ mɛ ó, ɖó hwi wɛ nɔ nya xɛ ɖo jǐ ce.

Ɖɛhan 56:9

Hwi ɖésú tunwun ganjí ɖɔ hɔn wɛ un gbɔ bo hɔn; ɖasin e gosín nukún ce jí ɔ́, a yǐ bǐ dó nǔ mɛ. A ma ka ko wlán bǐ dó wěma towe mɛ a?

Ɖɛhan 9:10

Mawu Mavɔmavɔ wɛ nyí bibɛtɛn nú mɛ e táfú wɛ è ɖe é, é wɛ nyí ahohó adǎngbomɛ hwenu.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 50:7

Aklúnɔ Mavɔmavɔ nɔ wá gɔ́ alɔ nú mì; énɛ́ wú wɛ un ma nɔ mɔ ɖɔ è kó ɖu ɖo jǐ ce ǎ. Un bló nyiɖée ɖó bó syɛ́n awǐnnya ɖɔhun; un tunwun ɖɔ un kún ná ɖu winnyá gbeɖé ó.

Ezayíi 54:4

Ma ɖi xɛsi ó, a sɔ́ ná ɖu winnyá ɖě ǎ; ayi towe ní má gbadó ó, wi towe sɔ́ ná kɔ́n ɖě ǎ. Winnyá e a ɖu ɖo wǐnnyáwínnyá mɛ ɔ́, a nǎ wɔn; hɛ̌n e a ɖu hwenu e a ɖo asúkúkúxɔmɛ ɔ́, a sɔ́ ná flín ɖě ǎ.

Naxúmu 1:7

Mawu Mavɔmavɔ nyɔ́, bibɛtɛn wɛ é nyí ɖo adǎngbomɛ hwenu. É tunwun mɛ e nɔ sɔ́ yěɖée dó así n'i lɛ́ɛ.

Matíe 12:21

Bɔ akɔta lɛ́ɛ bǐ na ɖó nukún i.”

Matíe 24:36

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

Matíe 7:22

Ɖó gbe e gbe Mawu ná ɖɔ hwɛ xá gbɛtɔ́ lɛ́ɛ bǐ ɔ́, mɛ gěgé ná ɖɔ nú mì ɖɔ: ‘Aklúnɔ, Aklúnɔ, é ma ka nyí nyǐkɔ towe mɛ wɛ mǐ ɖɔ Mawuxó nú gbɛtɔ́ lɛ́ɛ dó a? É ma nyí nyǐkɔ towe mɛ wɛ mǐ nya yɛ nyanya lɛ́ɛ dó a? Nǔ tɛnmɛ tɛnmɛ e mǐ jlɛ́ lɛ́ɛ ɔ́, nyǐkɔ towe mɛ wɛ mǐ jlɛ́ dó ǎ cé?’

Luki 10:12

Ma ɖɔ nú mi: hwenu e Mawu ná ɖɔ hwɛ xá gbɛtɔ́ lɛ́ɛ ɔ́, tó e è nǎ dɔn nú Sodɔ́munu lɛ́ɛ ɔ́ ná bɔwǔ hú ée è nǎ dɔn nú to énɛ́ mɛ nu lɛ́ɛ é.”

Luki 23:46

Jezu ka sú xó kpó hlɔ̌nhlɔ́n kpó, bó ɖɔ: “Daá, un sɔ́ lǐndɔ̌n ce dó alɔ mɛ nú we.” Énɛ́ ɔ́ gúdo ɔ́, é bɔnu.

Jǎan 17:15

Un byɔ́ we ɖɔ hwi ní ɖe yě sín gbɛ ɔ́ mɛ ǎ; lo ɔ́, hwlɛ̌n yě ɖo awǒvi sí.

Jǎan 6:44

Ényí Tɔ́ e sɛ́ mì dó ɔ́ ma dɔn mɛɖé wá nú mì ǎ ɔ́, é sixú wá gɔ̌n ce ǎ; mɛ e ka ná wá gɔ̌n ce ɔ́, un ná fɔ́n ɛ sín kú azǎn gǔdo gúdo tɔn ɔ́ gbe.

Mɛsɛ́dó 13:46

Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.

Mɛsɛ́dó 13:50

Lo ɔ́, Jwifu lɛ́ɛ kplɔ́n nǔ nyɔ̌nu nukúnɖéjí e nɔ ɖó sísí nú Mawu lɛ́ɛ kpódó mɛjɔmɛ to ɔ́ tɔn lɛ́ɛ kpó, bɔ yě fɔ́n gǔ dó Pɔ́lu kpódó Baanabási kpó jí, bó nya yě sín to yětɔn mɛ.

Mɛsɛ́dó 21:13

É ka yí gbe nú mǐ ɖɔ: “Nɛ̌ ka gbɔn bɔ mi ɖo avǐ ya wɛ bó ɖo ayi gba dó nú mì wɛ mɔ̌? Ényí è nǎ blá mì kɛ́ɖɛ́ wɛ un ɖo gbesisɔ mɛ ná ǎ; lo ɔ́, un lɛ́ ɖo gbesisɔ mɛ bo ná kú ɖo Jeluzalɛ́mu, ɖó Aklúnɔ Jezu wútu.”

Mɛsɛ́dó 7:59

Hwenu e yě ɖo awǐnnyaglo nyi dó Etyɛ́ni wɛ ɔ́, Etyɛ́ni xo ɖɛ, bó ɖɔ: “Aklúnɔ Jezu, yǐ lǐndɔ̌n ce.”

Mɛsɛ́dó 9:16

Un ka ná ɖe ya e é ná ji ɖó nyǐkɔ ce wú lɛ́ɛ bǐ xlɛ́ ɛ.”

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

Hlɔ̌manu 9:33

Awǐnnya énɛ́ xó wɛ Mawuxówéma ɔ́ ɖɔ bó ɖɔ: “Éɖíe! Un dó awǐnnya e wú è nɔ klɛ́n afɔ dó, bó nɔ fún sa é ɖokpó do nyi Sinyɔ́ɔ; awǐnnya ɖé wɛ bó nɔ́ zin mɛ dɛ́; amɔ̌ mɛ e ɖi nǔ n'i ɔ́ ná ɖu winnyá ǎ.”

1 Kɔlɛ́ntinu 1:8

Aklúnɔ mǐtɔn Jezu Klísu ɔ́ wɛ ná hɛn mi, bɔ mi na syɛ́nlǐn káká yi vivɔnu, bónú mɛɖé ní ma mɔ nǔɖé ɖɔ dó mi wú ɖo azǎn tɔn gbe ó.

1 Kɔlɛ́ntinu 3:13

Amɔ̌, Aklúnɔ sín azǎn ɔ́ wɛ ná ɖe lě e azɔ̌ mɛ ɖokpó ɖokpó tɔn ɖe gbɔn é xlɛ́, bɔ é ná jɛ wěxo. Nǔgbó ɔ́, azǎn énɛ́ ɔ́ ná wá kpó myɔ kpó, bɔ myɔ ná gbéjé azɔ̌ e mɛ ɖokpó ɖokpó wa ɔ́ kpɔ́n, bó ná ɖe azɔ̌ alɔkpa e é nyí ɔ́ xlɛ́.

Filípunu 1:20

Nǔgbó ɔ́, un ɖo te, bó ɖo nukún ɖó wɛ syɛ́nsyɛ́n ɖɔ nǔ ɖěbǔ ní ma zɔ́n, bónú winnyá hu mì ó. É nyɔ́ wa ɔ́, din kpódó hwe lɛ́ɛ bǐ nu kpó ɔ́, un ɖó gǎnjɛwú syɛ́nsyɛ́n ɖɔ un ɖo gbɛ oo, un ɖo kú oo, un ná sɔ́ nyɛɖée bǐ dó ɖe susu tɔn xlɛ́.

Filípunu 3:10

Nǔ e ba wɛ un ɖe kpowun ɔ́ wɛ nyí ɖɔ ma tunwun mɛ e Klísu nyí é, bó tunwun hlɔ̌nhlɔ́n e fínfɔ́n sín kú tɔn ɖó é; un jló ɖɔ ma ji ya é ɖɔhun, bó kú kú e é kú é,

Filípunu 3:21

Ényí é ko wá ɔ́, é ná zán hlɔ̌nhlɔ́n tɔn e é nɔ dó sɔ́ nǔ lɛ́ɛ bǐ dó acɛ tɔn mɛ ná ɔ́, dó húzú agbaza mǐtɔn ayǐkúngban jí fí tɔn maɖógǎnɖé ɔ́ ná, bɔ agbaza mǐtɔn ná xɔ susu étɔn ɔ́ ɖɔhun.

Filípunu 3:8

É nyí nǔ énɛ́ lɛ́ɛ kɛ́ɖɛ́ wɛ un mɔ dó mɔ nǔ lá mɛ ná ǎ; lo ɔ́, nǔ lɛ́ɛ bǐ wɛ un mɔ dó mɔ nǔ lá mɛ ná, ɖó vǐví ɖaxó e un mɔ hwenu e un wá tunwun ɖɔ Klísu Jezu ɔ́, Aklúnɔ ce wɛ é nyí ɔ́ wútu; éyɛ́ wútu wɛ un gbɛ́ nǔ bǐ, bó nɔ́ mɔ nǔ bǐ dó mɔ babá, bó ná sixú nyí étɔn,

1 Tɛsalonikinu 2:16

Yě nɔ dó gǎn, bó ná glɔ́n ali nú mǐ, bónú mǐ má kpé wú, bó jlá Wɛn Ɖagbe e ná zɔ́n, bɔ mɛ e ma nyí Jwifu ǎ lɛ́ɛ ná mɔ hwlɛngán é ó. Nǔ énɛ́ e yě wa ɔ́, hwɛ wɛ yě hu dó sú ta nú hwɛ e hu wɛ yě ko ɖe ɖ'ayǐ lɛ́ɛ. Xomɛsin Mawu tɔn ka wá kɔn nyi yě jǐ lo.

1 Tɛsalonikinu 5:4

Amɔ̌, nɔví lɛ́ɛ mi, midɛɛ lɛ́ɛ ɔ́, mi ɖo ablu mɛ, bónú azǎn énɛ́ ɔ́ ná wá fyán mi ajotɔ́ ɖɔhun ǎ.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 1:14

Yɛsinsɛn e ɖo mǐ mɛ ɔ́ ní d'alɔ we, bónú a nǐ hɛn nǔkplɔ́nmɛ titewungbe e è sɔ́ dó así nú we lɛ́ɛ.

2 Timɔtée 1:16

Aklúnɔ ní ɖe nǔbláwǔkúnúmɛ tɔn xlɛ́ hɛ̌nnu Onɛzifɔ́ɔ tɔn, ɖó é nɔ dó wǔsyɛ́n lanmɛ nú mì hwɛhwɛ; winnyá hu i ɖó nyɛ mɛ e ɖo gankpá mɛ ɔ́ wú ǎ.

2 Timɔtée 1:18

Aklúnɔ ní bló bónú é ní mɔ nǔbláwǔkúnúmɛ Aklúnɔ tɔn yí ɖo azǎn énɛ́ gbe. Alɔ tobutóbú e é gɔ́ nú mì ɖo Efɛ́zi ɔ́, a tunwun ganjí.

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 2:9

Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 2:18

Bɔ din ɔ́, é hɛn ɔ́, é ná dó alɔ mɛ e è tɛ́nkpɔ́n lɛ́ɛ, ɖó è ko tɛ́n é ɖésúnɔ kpɔ́n, bɔ é ko ji ya.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

1 Piyɛ́ɛ 1:5

nú mi mɛ e hlɔ̌nhlɔ́n tɔn ɖo hinhɛn wɛ gbɔn nǔɖiɖi jí káká jɛ hwenu e hwlɛngán e ko sɔgbe, bɔ è nǎ ɖe xlɛ́ ɖo hwenu gǔdo gúdo tɔn lɛ́ɛ mɛ ɔ́ ná wá dó é.

1 Piyɛ́ɛ 4:16

Amɔ̌, nú mɛɖé ɖo ya ji wɛ ɖó klísusɛntɔ́ e é nyí ɔ́ wú hǔn, ní ma hu winnyá n'i ó; é nyɔ́ wa ɔ́, ní dó kú nú Mawu ɖó Klísu sín nyǐkɔ e ɖo wú tɔn é wú.

1 Piyɛ́ɛ 4:19

Ényí mɔ̌ hǔn, mɛ e ɖo ya ji wɛ lě e Mawu jló gbɔn lɛ́ɛ ɖó ná ɖó kan dó ɖagbewiwa wú, bó ná sɔ́ yěɖée bǐ sésé dó alɔ mɛ nú Gbɛɖótɔ́ e ɖo gbejí é.

Judi 1:24

Mawu ɖokpó géé e nyí Mɛhwlɛ́ngántɔ́ mǐtɔn gbɔn Aklúnɔ mǐtɔn Jezu Klísu jí ɔ́, é mɛ e kpé wú bó ná cyɔ́n alɔ mi jí, bɔ mi ma ná jɛ ayǐ ǎ ɔ́, é mɛ e kpé wú bó ná ɖe mi xlɛ́ blɔ̌máɖowǔ, bɔ awǎjijɛ ná kpé mi ɖo kpɔ́nɔxámɛ tɔn sín susu mɛ ɔ́, susu, yɛ̌yi, hlɔ̌nhlɔ́n kpódó acɛkpikpa kpó nyí étɔn sín do, bó nyí din, bó lɛ́ nyí káká sɔ́yi. Amǐ.