2 Timɔtée 1:10 - MAWUXÓWÉMA

¹⁰ Amɔ̌ din ɔ́, é wá ɖe xlɛ́ mǐ gbɔn Mɛhwlɛ́ngántɔ́ mǐtɔn Klísu Jezu sín wǐwá jí. É wɛ nyí mɛ e hu acɛ nú kú, bó sɔ́ Wɛn Ɖagbe dó ɖe jɔmakúgbɛ xlɛ́ mǐ é.

2 Timɔtée 1:10 Iomraidhean Croise

Ezayíi 43:3

Đó nyɛ Mawu Mavɔmavɔ wɛ nyí Mawu towe; nyɛ Mɛ Mímɛ́ Izlayɛ́li tɔn ɔ́, nyɛ wɛ nyí Mɛhwlɛ́ngántɔ́ towe. Un ná Ejípu dó xɔ gbɛ nú we, un sɔ́ Etiopíi kpó Seva kpó jó ɖó tɛn towe mɛ.

Ezayíi 45:15

Mawu Izlayɛ́li tɔn, hwi mɛ e nɔ hwlɛ́n mɛ gán ɔ́, Mawu wɛ a nyǐ bó ɖo hwlǎhwlá nǔgbó.

Ezayíi 45:21

Mi wá ɖɔ nǔ e lin wɛ mi ɖe lɛ́ɛ, bó ɖe xlɛ́ ɖɔ nǔgbó wɛ; É jló mi hǔn, mi nɔ kpɔ́ bó kplɔ́n nǔ miɖée. Nǔ e ɖo jijɛ wɛ égbé din ɔ́, mɛ̌ ká ɖɔ ɖ'ayǐ sín do? Mɛ̌ kó ɖɔ ɖ'ayǐ ɖɔ yě ná jɛ? É má nyí nyɛ Mawu Mavɔmavɔ ɔ́ wɛ a? Nyɛ mɛvo ɔ́, Mawu ɖě sɔ́ ɖe ǎ. Nyɛ wɛ nyí Mawu, nyi wɛ nɔ wa nǔ ɖó sɛ́nxwi jí, nyi wɛ nɔ hwlɛ́n mɛ gán, mɛ ɖě sɔ́ ɖe zɛ nyɛ wú ǎ.

Ozée 13:14

Bɔ nyɛ Mawu Mavɔmavɔ ɔ́, un ɖó ná yí mɛ énɛ́ lɛ́ɛ sín kú fɛn mɛ wɛ a? Un ná ɖe yě sín kútomɛ wɛ a? Kú e, fítɛ́ ahwanfunnú towe lɛ́ɛ ɖe? Kú e, ɖe acɛ towe e a nɔ dó hu mɛ ná ɔ́ xlɛ́. Un ɖo nǔbláwǔ ná kú nú mɛɖé wɛ ǎ.

Luki 11:36

Ényí agbaza towe bǐ ɖo wěziza mɛ, bónú akpá ɖěbǔ xwé ma ɖo ablu mɛ ǎ ɔ́, é ná za wě bǐ sésé lě e zogbɛ́n sín wěziza nɔ́ hɔ́n dó jǐ towe gbɔn é.”

Luki 13:7

Énɛ́ ɔ́, é ɖɔ nú vǐwunzɔ́watɔ́ ɔ́ ɖɔ: ‘Kpɔ́n, sín xwe atɔn ɖíe ɖokpóó wɛ un nɔ tɔ́n fígi gbɛ gbé ɖo atín élɔ́ jí, bó nɔ́ wá ba kpo. Gbo sín i! Aniwú é ka ná ɖo tɛn hán mɛ wɛ yǎyá kpowun ɖo fí?’

Luki 2:11

È ji Mɛhwlɛ́ngántɔ́ ɖokpó nú mi égbé ɖo axɔ́sú Davídi tomɛ; é wɛ nyí Klísu Aklúnɔ.

Jǎan 1:9

Wěziza énɛ́ ɔ́ wɛ nyí wěziza nǔgbó e wá gbɛ ɔ́ mɛ, bó hɔ́n dó gbɛtɔ́ lɛ́ɛ bǐ jí é.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jǎan 20:31

Amɔ̌, è wlǎn élɔ́ lɛ́ɛ, bónú mi ná ɖi nǔ ɖɔ Jezu wɛ nyí Klísu Mawu ví ɔ́, bónú mi ɖi nǔ ɔ́, mi ná mɔ gbɛ gbɔn jǐ tɔn.

Jǎan 4:42

Yě ɖɔ nú nyɔ̌nu ɔ́ ɖɔ: “É sɔ́ nyí xó e a ɖɔ nú mǐ ɔ́ wú wɛ mǐ ɖi nǔ ǎ, lo ɔ́, é ɖɔ xó bɔ mǐ ɖésúnɔ se, bó tunwun ɖɔ é wɛ nyí Mɛhwlɛ́ngántɔ́ gbɛ ɔ́ tɔn nǔgbó.”

Jǎan 5:40

Có mi ka jló ná wá gɔ̌n ce, bó ná mɔ gbɛ jɔ gbɛ ɔ́ ǎ.

Mɛsɛ́dó 13:23

Vǐ tɔn lɛ́ɛ mɛ wɛ Jezu e Mawu sɔ́ Mɛhwlɛ́ngántɔ́ nú togun Izlayɛ́li tɔn ɔ́ tɔ́n sín, lě e é dó akpá tɔn nú yě gbɔn é.

Mɛsɛ́dó 5:31

Mawu sɔ́ ɛ ɖó ɖisí tɔn xwé, bó sɔ́ ɛ su, lobo sɔ́ ɛ axɔ́sú Mɛhwlɛ́ngántɔ́, nú é ná xlɛ́ ali Izlayɛ́li togun ɔ́, bónú Izlayɛ́li togun ɔ́ ná lɛ́ kɔ sín hwɛ tɔn lɛ́ɛ gúdo, bɔ Mawu ná sɔ́ hwɛ e é hu lɛ́ɛ kɛ ɛ.

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

Hlɔ̌manu 3:31

Ée mǐ ɖɔ Mawu nɔ sɔ́ mɛ e ɖi nǔ nú Klísu lɛ́ɛ dó húzú hwɛjijɔnɔ na ɔ́ wɛ zɔ́n bɔ è nǎ ɖɔ sɛ́n lɛ́ɛ nyí nǔ yǎyá a? Gbeɖé kpɔ́n! É nyɔ́ wa ɔ́, nǔ e sɛ́n lɛ́ɛ nyí tawun ɔ́ ɖe xlɛ́ wɛ mǐ ɖe.

Hlɔ̌manu 6:6

Mǐ tunwun ganjí ɖɔ gbɛtɔ́ e mǐ ko nyí ɖ'ayǐ ɔ́, ká wɛ è ko ká gbɛtɔ́ énɛ́ kpódó Klísu kpó nyi aklúzu jí, bó ná sú kún dó nú hwɛhuhu sín ninɔmɛ e mǐ ɖó ɖ'ayǐ é, bónú mǐ ma sɔ́ nyí kannumɔ nú hwɛhuhu ɖě ó.

1 Kɔlɛ́ntinu 15:26

Kɛntɔ́ gúdo tɔn e sín kún è nǎ sú dó ɔ́ wɛ nyí kú.

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

2 Kɔlɛ́ntinu 5:4

Nǔgbó wɛ! Káká jɛ hwenu e mǐ ná ɖo ayǐkúngban jí sín goxɔ énɛ́ ɔ́ mɛ dó ɔ́, mǐ ná ɖo azɔn wɛn wɛ, agban kpinkpɛn ɖé glɔ́ wɛ mǐ ɖe ɖɔhun. É nyí biba wɛ mǐ ɖe ɖɔ mǐ ní gosín agbaza mǐtɔn ayǐkúngban jí tɔn ɔ́ mɛ ǎ; lo ɔ́, nǔ e ba wɛ mǐ ɖe ɔ́ wɛ nyí ɖɔ mǐ ní sɔ́ agbaza sɛ́xwé tɔn ɔ́ dó, bónú nǔ e ɖo gbɛ ɔ́ ná sɔ́ nǔ e ɖo te nú kú ɔ́ mi.

Galatinu 5:4

Mi mɛ e nɔ ba ná nyi sɛ́n ɔ́, bó ná dó nyí hwɛjijɔnɔ ɖo Mawu nukɔn lɛ́ɛ ɔ́, mi tunwun ɖɔ émí kpó Klísu kpó klán, bɔ émí ba fɛ́nú Mawu tɔn kpo.

Efɛ́zinu 1:18

Un nɔ byɔ́ ɛ ɖɔ ní bló bónú wěziza ní byɔ́ ayi mitɔn mɛ, bónú mi ná tunwun nǔ e nukúnɖíɖó e wútu é ylɔ́ mi ɔ́ nyí é, bó ná tunwun lě e dɔkun e ɖo nǔ ɖagbe ɖagbe e é sɔ́ ɖ'ayǐ nú mɛ e nyí étɔn lɛ́ɛ mɛ ɔ́ sɔ́ é.

Efɛ́zinu 1:9

Mawu ɖe nǔbúdo e é ko to, bó ɖɔ kpó jlǒ tɔn kpó ɖɔ émí ná bló gbɔn Klísu jí ɔ́ xlɛ́ mǐ.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 4:1

Un ɖo zǐnzɔ́n we wɛ syɛ́nsyɛ́n ɖo Mawu nukɔn, bó ɖo zǐnzɔ́n we wɛ ɖo Klísu Jezu e ná ɖɔ hwɛ xá mɛ e ɖo gbɛ lɛ́ɛ kpódó mɛ e ɖo kú lɛ́ɛ kpán ɔ́ nukɔn, bó ɖo byɔ̌byɔ́ we wɛ ɖo Jezu Klísu sín wǐwá kpódó axɔ́súɖuɖu tɔn kpán sín nyǐkɔ mɛ ɖɔ:

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Titu 2:11

Đó Mawu ɖe fɛ́nú tɔn e jí hwlɛngán gbɛtɔ́ lɛ́ɛ bǐ tɔn jínjɔ́n ɔ́ xlɛ́.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Titu 3:4

Lo ɔ́, hwenu e Mawu Mɛhwlɛ́ngántɔ́ mǐtɔn ɖe xomɛnyínyɔ́ tɔn kpó wǎn yíyí tɔn kpó xlɛ́ gbɛtɔ́ lɛ́ɛ ɔ́,

Eblée 10:32

Mi ní flín nǔ e ko gbo mi ɖ'ayǐ hwenu e mi mɔ wěziza Mawu tɔn é; mi ji ya hwenɛ́nu ɖésú, có bó ka syɛ́nlǐn ɖo ahwan nukɔn.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

2 Piyɛ́ɛ 1:11

Lě e Mawu ná ná acɛ ɖaxó mi, bɔ mi ná dó byɔ́ Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ sín axɔ́súɖuɖu mavɔ mavɔ ɔ́ mɛ gbɔn é nɛ́.

2 Piyɛ́ɛ 1:3

Hlɔ̌nhlɔ́n Mawu tɔn e Aklúnɔ ɖó ɔ́ ná nǔ e ɖo tají bɔ mǐ ná dó ɖó sísí nú Mawu ɖo gbɛzán mǐtɔn mɛ ɔ́ bǐ mǐ; é wɛ nyí ɖɔ: é bló bɔ mǐ tunwun Mawu e ylɔ́ mǐ bónú mǐ ná ɖó mǐmá ɖo susu é ɖésúnɔ tɔn kpó xomɛnyínyɔ́ tɔn kpó mɛ é.

2 Piyɛ́ɛ 2:20

Nǔgbó ɔ́, ényí yě mɛ e tunwun Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn, bó ma ka ko hɔn sín nǔblíblíwiwa gbɛmɛ fí tɔn lɛ́ɛ mɛ zinzin ǎ lɛ́ɛ lɛ́ jó yěɖée dó nú nǔblíblíwiwa énɛ́ lɛ́ɛ, bɔ yě ɖu ɖo yě jí ɔ́, ninɔmɛ e yě nɔ wá ɖó ɖo vivɔnu ɔ́ nɔ lɛ́ nylá hú ée yě ko ɖó ɖo bǐbɛ́mɛ é.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

2 Piyɛ́ɛ 3:2

Un jló ɖɔ mi ná nɔ flín xó e gbeyíɖɔ mímɛ́ Mawu tɔn lɛ́ɛ ɖɔ ɖ'ayǐ xóxó lɛ́ɛ kpódó nǔ e Aklúnɔ Mɛhwlɛ́ngántɔ́ zɔ́n ɖɔ mi ní wa, bɔ mɛsɛ́dó mitɔn lɛ́ɛ kplɔ́n mi ɔ́ kpán.

1 Jǎan 1:2

Hwenu e gbɛ énɛ́ wá ɔ́, mǐ mɔ ɛ. Énɛ́ ɔ́ wútu wɛ mǐ ɖo xó tɔn ɖɔ nú mi wɛ, bó ɖo gbɛ mavɔ mavɔ e ko ɖo Tɔ́ ɔ́ gɔ́n, bɔ è ɖe xlɛ́ mǐ ɔ́ sín kúnnu ɖe nú mi wɛ, bó ɖo xó tɔn ɖɔ nú mi wɛ.

1 Jǎan 4:14

Mǐdɛɛ lɛ́ɛ ɔ́, mǐ mɔ bó ɖe kúnnu ná ɖɔ Tɔ́ ɔ́ sɛ́ Vǐ tɔn dó, bɔ é nyí Mɛhwlɛ́ngántɔ́ gbɛ ɔ́ tɔn.

Nǔɖexlɛ́mɛ 18:1

Énɛ́ ɔ́ gúdo ɔ́, un mɔ wɛnsagun ɖěvo ɖo te jɛ sín jǐxwé wɛ. É ɖó acɛ ɖaxó ɖé; susu tɔn hɔ́n dó ayǐkúngban ɔ́ bǐ jǐ.

Nǔɖexlɛ́mɛ 2:7

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ gbe, bɔ é ná ɖu atín e nɔ ná gbɛ jɔ gbɛ mɛ, bó ɖo Mawu sín jikpá mɛ ɔ́ sín sínsɛ́n.”

Nǔɖexlɛ́mɛ 20:14

È bɛ̌ kú kpó kútomɛ kpó nyi myɔ togotogo ɔ́ mɛ; kú wegɔ́ ɔ́ nɛ́.

Nǔɖexlɛ́mɛ 22:14

Nǔ nyɔ́ nú mɛ e nɔ nya awu gaga yětɔn lɛ́ɛ, bó ná dó ba acɛ e ná ɖu atín e nɔ ná gbɛ mɛ ɔ́ sín sínsɛ́n é; bó ná dó ba acɛ e ná gbɔn toxo ɔ́ sín hɔntogbó lɛ́ɛ nu byɔ́ toxo ɔ́ mɛ é.

Nǔɖexlɛ́mɛ 22:17

Yɛ ɔ́ kpó yawó yɔ̌yɔ́ ɔ́ kpó ɖo ɖiɖɔ wɛ ɖɔ: “Wǎ!” Mɛ e ɖo mɔ̌ se wɛ ɔ́ lɔ ní ɖɔ: “Wǎ!” Mɛ e sinnugblá sin ɔ́ ní wá; mɛ e ɖo sin e nɔ ná gbɛ mɛ ɔ́ ba wɛ ɔ́ ní yí vɔ̌nu.