2 Timɔtée 1:1 - MAWUXÓWÉMA

¹ Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:1 Iomraidhean Croise

Jǎan 10:28

Un nɔ ná gbɛ mavɔ mavɔ yě; yě ná kú gbeɖé ǎ; mɛ ɖěbǔ ka ná yí yě sín alɔ ce mɛ ǎ.

Jǎan 17:3

Gbɛ mavɔ mavɔ ɔ́ wɛ nyí ɖɔ yě ní tunwun we, bó tunwun ɖɔ hwi wɛ nyí Mawu nǔgbó ɖokpó e tíin é, bó lɛ́ tunwun Jezu Klísu e a sɛ́ dó gbɛ ɔ́ mɛ é.

Jǎan 5:24

“Má ɖɔ nǔgbó nú mi: mɛ e ɖótó xó ce, bó ɖi nǔ nú mɛ e sɛ́ mì dó ɔ́ kó mɔ gbɛ mavɔ mavɔ, bɔ è sɔ́ ná ɖó hwɛ n'i ǎ, ɖó é kó xo kú zlɛ́ wá gbɛ.

Jǎan 6:40

Nǔ e Tɔ́ ce jló ɔ́ wɛ nyí ɖɔ mɛ e mɔ Vǐ ɔ́, bó ɖi nǔ n'i lɛ́ɛ ní mɔ gbɛ mavɔ mavɔ, bónú má fɔ́n yě sín kú azǎn gǔdo gúdo tɔn ɔ́ gbe.”

Jǎan 6:54

Mɛ e ɖu agbaza ce, bó nu hun ce ɔ́, mɛ énɛ́ mɔ gbɛ mavɔ mavɔ, bɔ un ná fɔ́n ɛ sín kú azǎn gǔdo gúdo tɔn gbe.

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Hlɔ̌manu 6:23

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.

1 Kɔlɛ́ntinu 1:1

Nyɛ Pɔ́lu e Mawu ylɔ́ ɖo jlǒ tɔn mɛ, bónú ma nyí mɛsɛ́dó Klísu Jezu tɔn ɔ́ kpódó nɔví mǐtɔn ɖo Klísu mɛ Sositɛ́nu kpán

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

2 Kɔlɛ́ntinu 1:20

Nǔgbó ɔ́, é wɛ nyí “ɛɛn” e yí gbe ɖɔ akpá e Mawu dó lɛ́ɛ bǐ nyí nǔgbó é. Hǔn Klísu Jezu jí wɛ mǐ nɔ́ ɖɔ “amǐ” mǐtɔn gbɔn, bó ná dó kpa susu nú Mawu.

Galatinu 3:26

ɖó mi bǐ nyí Mawu ví, ɖo Klísu Jezu mɛ, gbɔn nǔɖiɖi gbla mɛ.

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 1:10

Amɔ̌ din ɔ́, é wá ɖe xlɛ́ mǐ gbɔn Mɛhwlɛ́ngántɔ́ mǐtɔn Klísu Jezu sín wǐwá jí. É wɛ nyí mɛ e hu acɛ nú kú, bó sɔ́ Wɛn Ɖagbe dó ɖe jɔmakúgbɛ xlɛ́ mǐ é.

2 Timɔtée 1:13

Đó nǔɖiɖi kpódó wǎn yíyí e mǐ ɖó ɖo bǔ e mǐ ɖe xá Klísu Jezu ɔ́ kpán mɛ é wú ɔ́, hɛn xó jɔ xó e a se ɖo nu ce lɛ́ɛ é, bónú yě ní nyí kpɔ́ndéwú nú we.

2 Timɔtée 1:9

É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:3

Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

2 Timɔtée 3:15

Sín hwenu e a ɖo vǔ ɔ́ wɛ a ko tunwun nǔwlánwlán mímɛ́ lɛ́ɛ; yě hɛn ɔ́, yě nǎ ná nǔnywɛ́ e nɔ kplá mɛ, bɔ è nɔ mɔ hwlɛngán gbɔn nǔ ɖi nú Klísu Jezu gbla mɛ ɔ́ we.

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Titu 1:4

Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

1 Jǎan 2:25

Nǔ e sín akpá Klísu ka dó nú mǐ ɔ́ wɛ nyí gbɛ mavɔ mavɔ.