2 Axɔ́sú 1:2 - MAWUXÓWÉMA

² É wá su gbe ɖokpó, bɔ axɔ́sú Akaziasi jɛ ayǐ gbɔn flɛtɛ́li nu. Síngbó tɔn e ɖo Samalíi ɔ́ jí wɛ é jɛ ayǐ sín, bó gblé wǔ ɖésú. Énɛ́ ɔ́, é sɛ́ mɛ dó Eklɔ́ni toxo ɔ́ mɛ, bónú è nǎ yi kan nǔ byɔ́ vodún Eklɔ́ni tɔn Baalu-Zebúbi ɖɔ émí ná gán ɖo wǔ e émí gblé ɔ́ mɛ ají.

2 Axɔ́sú 1:2 Iomraidhean Croise

2 Axɔ́sú 1:16

bó ɖɔ n'i ɖɔ Mawu Mavɔmavɔ ɖɔ: “Mawu ɖo Izlayɛ́li ǎ wú wɛ a sɛ́ mɛ dó nǔ kan gbé ɖo Eklɔ́ni vodún Baalu-Zebúbi gɔ́n a? Énɛ́ ɔ́ wú wɛ wǔ e a gblě bó jɛ xɔ ɔ́, a ɖo nǎ gán ɖ'é mɛ wɛ ǎ; a nǎ kú dandan.”

Maki 3:22

Sɛ́nkplɔ́nmɛtɔ́ e gosín Jeluzalɛ́mu wá lɛ́ɛ nɔ́ ɖo ɖiɖɔ wɛ ɖɔ: “Bɛluzebúlu (yɛ nyanya lɛ́ɛ xɔ́sú) wɛ ɖo jǐ tɔn; yɛ nyanya lɛ́ɛ xɔ́sú énɛ́ ɔ́ sín hlɔ̌nhlɔ́n wɛ é nɔ́ dó nya yɛ nyanya lɛ́ɛ ná.”

Matíe 10:25

ényí nǔkplɔ́ntɔ́ sixú tunwun nǔ káká wá mɛ̌si tɔn há jí ɔ́, é ko kpé. Mɔ̌ ɖokpó ɔ́, mɛsɛntɔ́ ɖó ná cí gǎn tɔn ɖɔhun; ɖó, nú è ylɔ́ hɛ̌nnugán ɔ́ ɖɔ Bɛluzebúlu yɛ nyanya xɔ́sú ɔ́, nyǐkɔ e è nǎ ná xwéví lɛ́ɛ ná lɛ́ nylá hú mɔ̌.

Ezayíi 37:19

bó bɛ́ nǔmɛsɛn yětɔn lɛ́ɛ dó myɔ mɛ nǔgbó. Amɔ̌, nǔmɛsɛn yětɔn énɛ́ lɛ́ɛ cí hwi ɖɔhun ǎ. Nǔdówá gbɛtɔ́ lɛ́ɛ tɔn wɛ, atín kpó awǐnnya kpó wɛ, bɔ yě vívá kún ná.

Luki 11:15

Lo ɔ́, mɛ ɖé lɛ́ɛ ɖo mɛ lɛ́ɛ mɛ bó ɖɔ: “Bɛluzebúlu yɛ nyanya lɛ́ɛ xɔ́sú sín hlɔ̌nhlɔ́n wɛ é nɔ́ dó nya yɛ nyanya lɛ́ɛ ná.”

Ezayíi 37:12

Hwenu e tɔ́gbó ce lɛ́ɛ gba Gozáni, Haláani, Hlɛsɛ́fu kpó Telasáa tota Edɛ́ninu lɛ́ɛ tɔn kpó ɔ́, fí ɖé wɛ nǔmɛsɛn yětɔn lɛ́ɛ yi a?

2 Axɔ́sú 1:6

Yě yí gbe n'i ɖɔ: “Nya ɖé wá kpé mǐ, bó ɖɔ nú mǐ ɖɔ Mawu Mavɔmavɔ ɖɔ Mawu ɖo Izlayɛ́li ǎ wú wɛ hwi sɛ́ mɛ dó nǔ kan gbé ɖo Eklɔ́ni vodún Baalu-Zebúbi gɔ́n a jí? Énɛ́ ɔ́ wú wɛ wǔ e hwi gblé ɔ́, hwi kún ɖo nǎ gán ɖ'é mɛ wɛ ó, hwi ná kú dandan.”

2 Axɔ́sú 1:3

Wɛnsagun Mawu Mavɔmavɔ tɔn ɖokpó ka ɖɔ nú Elíi Ticibéenu ɔ́ ɖɔ: “Sɔ́ nǔ, bó yi kpé mɛ e axɔ́sú Samalíi tɔn sɛ́ dó lɛ́ɛ, bó kanbyɔ́ yě ɖɔ: ‘Mawu ɖo Izlayɛ́li ǎ wú wɛ mi xwe nǔ kan gbé ɖo Eklɔ́ni vodún Baalu-Zebúbi gɔ́n a?’

1 Axɔ́sú 11:33

Un ná bló mɔ̌, ɖó Salomɔ́ɔ kpó Izlayɛ́li ví lɛ́ɛ kpó jó mì dó, bó nɔ sɛn Sidɔ́ɔnnu lɛ́ɛ sín vodún Asitaatée; yě nɔ́ sɛn Mɔwabunu lɛ́ɛ sín vodún Kemɔci, yě nɔ́ sɛn Amumɔ́ɔ ví lɛ́ɛ sín vodún Milukɔ́mu. Yě ká lɛ́ xwedó ali ce, bó ná nɔ wa nǔ e sɔgbe ɖo nukún ce mɛ ɔ́ ǎ, yě nɔ́ nyi sɛ́n ce lɛ́ɛ ǎ, yě nɔ́ wa nǔ e un zɔ́n lɛ́ɛ ǎ, yě nɔ́ wa nǔ Davídi Salomɔ́ɔ sín tɔ́ ɔ́ ɖɔhun ǎ.

Mɛsɛ́dó 20:9

Nyaví dɔ̌nkpɛvú ɖé ɖo ayǐjínjɔ́n ɖo flɛtɛ́li nu; è nɔ ylɔ́ ɛ ɖɔ Etíki. Nyaví énɛ́ wá jɛ amlɔgɔ́ sa jí, hwenu e xó e ɖɔ wɛ Pɔ́lu ɖe ɔ́ ɖo ga ɖi wɛ é. Amlɔ wá nyí i bǐ, bɔ é jɛ ayǐ sín síngbó atɔngɔ́ ɔ́ jí, bɔ kúkú tɔn jɛ́n yě wá zé.

Hanvíví 2:9

A mɔ wǎnyínámɔ ce ɔ́, a nǎ ɖɔ tɛ́ wɛ; é cí zungbɔ́ví ɖɔhun. Éyɛ́ nɛ́ kó wá nɛ́! É nɛ́ ɖo dǒ mǐtɔn gúdo nɛ́! É ɖo nǔ kpɔ́n sɛ́ dó wɛ gbɔn flɛtɛ́li nu, nukún tɔn lɛ́ɛ ɖo ganjali lɛ́ɛ nu.

Jɔ̌bu 31:3

Nǔgbó ɔ́, mɛdídá lɛ́ɛ ɔ́, adǎn wɛ nɔ gbo yě, nǔnyanyawatɔ́ lɛ́ɛ ɔ́, nǔ wɛ nɔ́ xá yě.

1 Axɔ́sú 22:34

Énɛ́ ɔ́, sɔ́ja Silíinu ɖé ká da gǎ tɔn kpowun, bɔ gǎ ɔ́ gbɔn fí e gǎnwu e Izlayɛ́li xɔ́sú ɔ́ dó ɔ́ kpé ɖe ɔ́, bó sɔ́ ɛ, bɔ é ɖɔ nú mɛ e ɖo kunkun i wɛ ɔ́ ɖɔ: “Lɛ̌ kɔ bo kplá mì sín ahwangbénu ɖó un xo akpa.”

1 Axɔ́sú 14:3

Hɛn wɔ̌xúxú wǒ, bo hɛn acɔnmɔ, bó hɛn wǐin go ɖokpó, bó yi xwé tɔn gbe. A ko yi ɔ́, é ná ɖɔ nǔ e ná jɛ dó vǐ ɔ́ jí ɔ́ nú we.”

1 Samuwɛ́li 5:10

bɔ yě gbɔ bó sɔ́ akɔjijɛgbá Mawu tɔn sɛ́ dó Eklɔ́ni. Ée akɔjijɛgbá Mawu tɔn ɔ́ byɔ́ Eklɔ́ni lě ɔ́, Eklɔ́ninu lɛ́ɛ sú xó bó ɖɔ: “È sɔ́ Mawu Izlayɛ́li tɔn sín akɔjijɛgbá wá gɔ̌n mǐtɔn, bó ná dó hu mǐ, mǐ kpó togun mǐtɔn kpó.”

Hwɛɖɔtɔ́ 11:24

Ayǐkúngban e vodún towe Kemɔci ná we ɔ́, ɖo así towe ǎ cé? Hǔn mǐ lɔmɔ̌ ɔ́, ayǐkúngban e Mawu Mavɔmavɔ wa nǔ bɔ mǐ kpé wú bó yí ɔ́, mǐ ɖó acɛ d'é nu.

Hwɛɖɔtɔ́ 5:28

Hwenɛ́nu ɔ́, nɔ tɔn ka ɖo ali kpɔ́n n'i wɛ gbɔn flɛtɛ́li nu, é ɖo ali kpɔ́n n'i wɛ gbɔn ganja lɛ́ɛ nu, bó sú xó ɖɔ: ‘Nɛ̌ ka gbɔn bɔ ahwankɛkɛ́ví tɔn sín wǐwá ɖo lǐnlín wɛ? Nɛ̌ ka gbɔn bɔ ahwankɛkɛ́ví tɔn lɛ́ɛ ɖo dɛ̌dɛ̌ zɔn wɛ mɔ̌?’

Ezayíi 2:6

Mawu Mavɔmavɔ, a jǒ togun towe Jakɔ́bu ví lɛ́ɛ dó, ɖó nǔkantɔ́ zǎnzǎnhwe jí tɔn lɛ́ɛ ɖo yě mɛ kpɔ́ gégé; yě nɔ́ bló majíki Filisitɛ́ɛn lɛ́ɛ ɖɔhun, bó nɔ́ dó toɖévomɛnu lɛ́ɛ sín gbɛ̌.

Jozuwée 15:11

É dlɛ́n d'é nu ɖidó, bó fán Eklɔ́ni só ɔ́ yi ɖó fí ɖé, ɖo taligbé, bó xá lɛ́dó Cikikalɔ́ni, bó gbɔn Baala só ɔ́ kɔn ɖidó Yavunɛyɛ́li, bo yi fó dó Mɛditɛlanɛ́ɛ xutó.

1 Axɔ́sú 22:40

Ée axɔ́sú Akábu zán wá kú ɔ́, vǐ tɔn Akaziasi wá ɖu axɔ́sú ɖó tɛn tɔn mɛ.

2 Axɔ́sú 17:16

Yě dó vɛ̌ nú sɛ́n e Mawu Mavɔmavɔ, Mawu yětɔn dó nú yě lɛ́ɛ bǐ, yě sínsín gan dó bló nyibúví sín bǒcyɔ we ná. Yě bló vodún Acela. Yě jɛ kpo bó ɖe kɔ́ nú nǔɖíɖó jǐxwé tɔn lɛ́ɛ, yě sɛn vodún Baalu.

Ezayíi 19:3

Ejípunu lɛ́ɛ sín hǔn ná gbadó, bɔ un ná hɛn tito yětɔn bǐ dó agudu. Un bló mɔ̌ lo ɔ́, yě ná yi mɔ vodún yětɔn lɛ́ɛ, bokantɔ́ lɛ́ɛ kpódó bokɔ́nɔ lɛ́ɛ kpó, bó ná kan nǔ ɖo yě gɔ́n.