2 Kɔlɛ́ntinu 7:3 - MAWUXÓWÉMA

³ Un ná ɖó hwɛ nú mi wú wɛ un ɖo mɔ̌ ɖɔ wɛ ǎ. Nǔgbó ɔ́, lě e un ko ɖɔ gbɔn nú mi ɔ́, mi vɛ́ nú mǐ sɔ mɔ̌, bɔ mǐ ɖo kpɔ́ xá mi hwebǐnu, bó ná nɔ gbɛ xá mi, abǐ bó ná kú xá mi.

2 Kɔlɛ́ntinu 7:3 Iomraidhean Croise

2 Kɔlɛ́ntinu 11:11

Étɛ́wú un ɖɔ mɔ̌? Un yí wǎn nú mi ǎ wútu wɛ a? Mawu tunwun ganjí ɖɔ un yí wǎn nú mi.

2 Kɔlɛ́ntinu 12:15

Nyɛ ɔ́, é ná hun xomɛ nú mì ɖɔ ma zán nǔ e un ɖó ɔ́ bǐ, bó zán nyɛ ɖésúnɔ dó dó alɔ mi ná. Lě e nyɛ yí wǎn nú mi sɔ ɔ́, midɛɛ lɛ́ɛ ná yí wǎn nú mì sɔ́ mɔ̌ ǎ wɛ a?

2 Kɔlɛ́ntinu 13:10

Nǔ e wú un ɖo zɔ bó wlán nǔ énɛ́ lɛ́ɛ bǐ sɛ́ dó mi ɔ́ ɖíe: é wɛ nyí ɖɔ, hwenu e un ná wá nɔ gɔ̌n mitɔn ɔ́, un ma kpɔ́n dó acɛ e Aklúnɔ ná mì ɔ́ wú, bó nylá hun dó mi ó; acɛ énɛ́ e Aklúnɔ ná mì ɔ́, azɔ̌ tɔn wɛ nyí ɖɔ ma dó dó alɔ mi, bónú mi ná yi nukɔn ɖo nǔɖiɖi mɛ; é nyí ɖɔ un ná dó dɔn mi dó gǔdo wɛ ǎ.

2 Kɔlɛ́ntinu 3:2

Midɛɛ lɛ́ɛ ɖésúnɔ wɛ nyí wěma mǐtɔn, bɔ è wlán dó ayixa mɛ nú mǐ, bɔ mɛ bǐ hɛn ɔ́, yě nǎ tunwun, bó ná xa.

2 Kɔlɛ́ntinu 7:12

Hǔn, nú un sɛ́ wěma dó mi ɔ́, é nyí mɛ e wa nǔ nyi do ɔ́ wútu wɛ ǎ; é ka lɛ́ nyí mɛ e è wa nǔ nyi do ná ɔ́ wútu wɛ ǎ. Lo ɔ́, bónú mi ɖésúnɔ ná dó mɔ nukúnnú jɛ kan e mi xo dó mǐ ɔ́ wú céɖécéɖé ɖo Mawu nukɔn wútu wɛ un sɛ́ wěma dó mi.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

1 Tɛsalonikinu 2:8

Mǐ ɖo gbesisɔ mɛ, bó ná sɔ́ gbɛ mǐtɔn jó dó ta mitɔn mɛ, ɖó wǎn e mǐ nyí nú mi é wú; é nyí Wɛn Ɖagbe Mawu tɔn ɔ́ kɛ́ɖɛ́ wɛ mǐ ná jlá mi ǎ; ɖó mi vɛ́ nú mǐ sɔ mɔ̌.