2 Kɔlɛ́ntinu 4:3 - MAWUXÓWÉMA

³ Nú Wɛn Ɖagbe e jlá wɛ mǐ ɖe ɔ́ dó zǐnflú ɔ́, mɛ e ɖo dindɔn wɛ lɛ́ɛ jɛ́n é dó zǐnflú ná.

2 Kɔlɛ́ntinu 4:3 Iomraidhean Croise

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

Hlɔ̌manu 2:16

Nǔ e ná jɛ gbe e gbe Mawu ná gbɔn Jezu Klísu jí, bó ɖɔ hwɛ dó nǔ e gbɛtɔ́ lɛ́ɛ nɔ wa ɖo nǔglɔ́ lɛ́ɛ é nɛ́, lě e Wɛn Ɖagbe e jlá wɛ un ɖe ɔ́ ɖɔ gbɔn é.

1 Kɔlɛ́ntinu 1:18

Nǔgbó ɔ́, kú e Klísu kú ɖo aklúzu jí é sín xó ɔ́, xlonɔxó wɛ yě mɛ e ɖo bǔbú wɛ lɛ́ɛ nɔ dó mɔ ná; lo ɔ́, hlɔ̌nhlɔ́n Mawu tɔn wɛ é nyí nú mǐ mɛ e ɖo hwlɛngán sín ali jí lɛ́ɛ.

1 Kɔlɛ́ntinu 2:6

É ɖo mɔ̌ có, un ɖo nǔnywɛ́ ɖé kplɔ́n klísusɛntɔ́ e ko zin ɖo nǔɖiɖi mɛ lɛ́ɛ wɛ; amɔ̌ nǔnywɛ́ énɛ́ nyí nǔnywɛ́ gbɛmɛ fí tɔn ǎ; é ka nyí hlɔ̌nhlɔ́n e ɖo acɛ kpa wɛ ɖo gbɛ élɔ́ mɛ, bɔ è ka ná wá hu acɛ ná lɛ́ɛ ǎ .

2 Kɔlɛ́ntinu 2:12

Hwenu e un wá Tlowasi, bó ná jlá Wɛn Ɖagbe e ɖɔ xó dó Klísu wú é ɔ́, un mɔ ɖɔ Aklúnɔ bló bɔ azɔ̌ ɔ́ sín ali ɖagbe ɖé hun nú mì ɖo fínɛ́.

2 Kɔlɛ́ntinu 3:14

Lo ɔ́, è cyɔ́n nǔ ayixa yětɔn jí, bɔ ayixa yětɔn sɔ́ sixú nɔ mɔ nǔ ǎ; bɔ káká jɛ din ɔ́, nú yě ɖo nǔ xa wɛ ɖo akɔjijɛ xóxó ɔ́ wéma mɛ ɔ́, avɔ ɖokpó ɔ́ wɛ nɔ cyɔ́n ayixa yětɔn jí. Mɛ e ɖo bǔ xá Klísu ɔ́ sín ayixa jí jɛ́n wɛ è nɔ ɖe avɔ énɛ́ sín.

2 Kɔlɛ́ntinu 4:4

Yě ɖi nǔ ǎ; ɖó gǎn nyanya gbɛ élɔ́ tɔn ɔ́ va nukún ayixa yětɔn. Mawu gbɛ élɔ́ tɔn énɛ́ nɔ lɔn nú yě ná mɔ wěziza e Wɛn Ɖagbe e ɖɔ xó dó susu Klísu tɔn wú ɔ́ nɔ ná mɛ é ǎ. Klísu ɔ́ wɛ nyí akpajlɛ́ Mawu tɔn titewungbe ɔ́.

1 Tɛsalonikinu 1:5

Đó mǐ jlá Wɛn Ɖagbe ɔ́ mi; mǐ ka jlá mi ɖó nu wú kpowun ǎ; lo ɔ́, mǐ jlá mi kpódó hlɔ̌nhlɔ́n kpó, kpó alɔgɔ́númɛ Yɛsinsɛn tɔn kpó, kpódó gǎnjɛwú titewungbe e ɖo Wɛn Ɖagbe énɛ́ mɛ ɔ́ kpó. Mi tunwun lě e mǐ zán gbɛ mǐtɔn gbɔn ɖo tɛ́ntin mitɔn, ɖó ɖagbe mitɔn wú é.

1 Timɔtée 1:11

Wɛn Ɖagbe e è sɔ́ dó así nú mǐ, bɔ é ɖɔ xó dó Mawu nyɔ̌nábǐnɔ ɔ́ sín susu wú ɔ́ mɛ wɛ è nɔ mɔ nǔkplɔ́nmɛ énɛ́ ɖe.