2 Kɔlɛ́ntinu 3:3 - MAWUXÓWÉMA

³ Nǔgbó wɛ! É ɖo wɛn ɖɔ wěma ɖé wɛ mi nyí, bɔ Klísu wlán, bɔ mǐdɛɛ lɛ́ɛ nɔ sɔ́ jó. É nyí kwélesin wɛ è dǒ wlán wěma ɔ́ ná ǎ; lo ɔ́, Yɛ Mawu gbɛɖe ɔ́ tɔn wɛ è dǒ wlán ná; é nyí awǐnnyatɛ jí wɛ è wlǎn ɖó ǎ; lo ɔ́, gbɛtɔ́ lɛ́ɛ sín ayi mɛ wɛ è wlǎn dó .

2 Kɔlɛ́ntinu 3:3 Iomraidhean Croise

Ɖɛhan 40:8

Énɛ́ ɔ́ wú wɛ un ɖɔ: “Nyi ɖíe ja e; un hɛn wěma e ɖɔ xó dó wǔ ce ɔ́ bó ja.”

Ɖɛhan 42:2

Mawu ce, lě e zungbɔ́ nɔ́ dlɔ́n dó tɔhwín gbɔn ɔ́, mɔ̌ ɖokpó ɔ́ wɛ nyɛ lɔ ɖo dlɔ̌ndlɔ́n dó we wɛ.

Ɖɛhan 84:2

Mawu Mavɔmavɔ Nǔbǐwúkpétɔ́, un yí wǎn nú nɔtɛn towe lɛ́ɛ mɛ nya!

Tíntɔ́n 24:12

Mawu Mavɔmavɔ ɖɔ nú Mɔyízi ɖɔ: “Sɛ wá akpá ce ɖo só ɔ́ jí, bó nɔ fínɛ́, bónú má zé awǐnnyatɛ e jí un wlán sɛ́n lɛ́ɛ dó ɔ́ nú we, nú a nǎ kplɔ́n Izlayɛ́li ví lɛ́ɛ.”

Tíntɔ́n 31:18

Ée Mawu ɖɔ xó xá Mɔyízi fó ɖo Sinayíi só ɔ́ jí ɔ́, é bɛ́ awǐnnyatɛ we e jí é ɖésúnɔ sɔ́ alɔví tɔn dó wlán sɛ́n lɛ́ɛ dó ɔ́ n'i.

Tíntɔ́n 32:15

Énɛ́ ɔ́ gúdo ɔ́, Mɔyízi jɛ te sín só ɔ́ jí. Awǐnnyatɛ we lɛ́ɛ ɖo alɔ tɔn mɛ. Awǐnnyatɛ we énɛ́ lɛ́ɛ jí wɛ Mawu wlǎn sɛ́n tɔn lɛ́ɛ dó gǔdo nukɔn.

Tíntɔ́n 34:1

Mawu Mavɔmavɔ ɖɔ nú Mɔyízi ɖɔ: “Kpa awǐnnyatɛ we nú yě ní cí nukɔntɔn lɛ́ɛ ɖɔhun. Un ná wlán sɛ́n e ɖo nukɔntɔn e a hɛn gba lɛ́ɛ jí ɔ́ dó yě jí.

Nǔnywɛ́xó 3:3

Ma gɔn xomɛ nyɔ́ gbeɖé ó, ma gɔn gbejí nɔ gbeɖé ó; sin yě dó kɔ kɔjɛ́ ɖɔhun, wlǎn yě dó ayi towe mɛ.

Nǔnywɛ́xó 7:3

Yě ní nyí alɔkɛ́, bó nɔ alɔ nú we; wlǎn yě dó ayi towe mɛ.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Jelemíi 17:1

Mawu ɖɔ: “Hwɛ e Judáa togun ɔ́ hu ɔ́ cí nǔwlánwlán e è zě ganswe abǐ diamáaswe dó kun dó nǔ mɛ ɔ́ ɖɔhun. È wlǎn dó ayi yětɔn mɛ; è wlán dó vɔ̌sákpe yětɔn lɛ́ɛ sín zwe lɛ́ɛ mɛ.

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Ezekiyɛ́li 11:19

Un ná ná ayixa yɔ̌yɔ́ mi, un ná ná linlin yɔ̌yɔ́ mi. Un ná ɖe ayixa mitɔn e syɛ́n awǐnnya ɖɔhun ɔ́ síin, bó ná zé ayixa e nɔ se tónú é ɖó tɛn tɔn mɛ.

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Matíe 16:16

Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

1 Kɔlɛ́ntinu 3:5

Nǔ e un ná kanbyɔ́ mi ɔ́, mɛ̌ ka nyí Apolosu? Mɛ̌ ka nyí Pɔ́lu? Azɔ̌watɔ́ Mawu tɔn e jí Mawu ylɔ́ mi gbɔn, bɔ mi ɖi nǔ ɔ́ wɛ mǐ nyí kpowun. Azɔ̌ e Aklúnɔ zɔ́n ɖokpó ɖokpó mǐtɔn ɔ́ wa wɛ mǐ ɖe.

2 Kɔlɛ́ntinu 3:6

Đó é wɛ húzú mǐ, bɔ mǐ kpé wú, bó nyí akɔjijɛ yɔ̌yɔ́ ɔ́ sín azɔ̌watɔ́. Akɔjijɛ yɔ̌yɔ́ énɛ́ jínjɔ́n sɛ́n e è wlán lɛ́ɛ jí ǎ; lo ɔ́, Yɛsinsɛn sín nǔwiwa wɛ. Sɛ́n e è wlán ɔ́, mɛ wɛ é nɔ hu; lo ɔ́ Yɛsinsɛn ɔ́, gbɛ wɛ é nɔ ná mɛ.

2 Kɔlɛ́ntinu 3:7

Sɛ́n ɔ́, awǐnnya sín atɛ lɛ́ɛ jí wɛ è wlǎn ɖó, wěkwín ɖě jɛ ɖě gúdo, bɔ susu Mawu tɔn tɔ́n hwe énɛ́ nu. Mɔyízi sín nukún mɛ nɔ kɔ́n, bó nɔ ná wěziza ɖaxó ɖé, bɔ Izlayɛ́li ví lɛ́ɛ nɔ sixú kpɔ́n ɛ ǎ, có wěziza énɛ́ ɔ́ ka ɖó ná bú. Nú sɛ́n e azɔ̌ tɔn ɔ́ ko nyí ɖɔ mɛ wɛ é nɔ dɔn yi kú ɔ́, ka wá kpó susu ɖaxó mɔ̌hunkɔtɔn kpó ɔ́,

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

1 Tɛsalonikinu 1:9

Mɛ lɛ́ɛ bǐ wɛ nɔ́ ɖɔ lě e mi yí mǐ gbɔn hwenu e mǐ wá mi gɔ́n é; mɛ lɛ́ɛ bǐ wɛ nɔ́ ɖɔ lě e mi jó nǔmɛsɛn lɛ́ɛ dó gbɔn, bó húzú jɛ Mawu gbɛɖe, Mawu nǔgbó ɔ́ li jí, bó ná wa azɔ̌ n'i,

Eblée 10:16

“Aklúnɔ ɖɔ: ‘Akɔ e ná jɛ xá yě wɛ un ɖe ɖo azǎn énɛ́ lɛ́ɛ gúdo ɔ́ ɖíe: un ná sɔ́ sɛ́n ce lɛ́ɛ dó ayi mɛ nú yě; un ná wlán yě dó ta yětɔn mɛ.’ ”

Eblée 8:10

Azǎn énɛ́ lɛ́ɛ gúdo ɔ́, nǔ e sín akɔ un ná jɛ xá Izlayɛ́li ví lɛ́ɛ é ɖíe: Un ná bló bɔ sɛ́n ce lɛ́ɛ ná nɔ ta yětɔn mɛ; un ná wlán yě dó ayi yětɔn mɛ; un ná nyí Mawu yětɔn, bɔ yě ná nyí togun ce.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Jozuwée 3:10

Ée yě sɛ wá ɔ́, é ɖɔ nú yě ɖɔ: “Nǔ e Mavɔmavɔ ná jlɛ́ ɔ́ ná zɔ́n bɔ mi ná tunwun ɖɔ Mawu gbɛɖe ɔ́ ɖo tɛ́ntin mitɔn, bó ná nya Kanáanu lɛ́ɛ, Hitíti lɛ́ɛ, Hivíti lɛ́ɛ, Pɛliziti lɛ́ɛ, Giigacíti lɛ́ɛ, Amɔliti lɛ́ɛ kpódó Jebuzinu lɛ́ɛ kpán sín nukɔn mitɔn.

Nǔɖexlɛ́mɛ 2:1

Wlǎn wěma sɛ́ dó agun Klísu tɔn e ɖo Efɛ́zi ɔ́ sín wɛnsagun, bó ɖɔ n'i ɖɔ: “Mɛ e hɛn sunví tɛ́nwe lɛ́ɛ dó alɔ tɔn ɖisí ɔ́ mɛ, bó ɖo zɔnlin ɖi wɛ ɖo sikázogbɛ́nhɛnnú tɛ́nwe lɛ́ɛ tɛ́ntin ɔ́, xó e ɖɔ wɛ é ɖe ɔ́ ɖíe:

Nǔɖexlɛ́mɛ 2:12

Wlǎn wěma sɛ́ dó agun Klísu tɔn e ɖo Pɛɛgamu ɔ́ sín wɛnsagun, bó ɖɔ n'i ɖɔ: “Mɛ e ɖó hwǐ ɖíɖá nu we nɔ ɔ́, xó e é ɖɔ ɔ́ ɖíe:

Nǔɖexlɛ́mɛ 2:18

Wlǎn wěma sɛ́ dó agun Klísu tɔn e ɖo Tiatíi ɔ́ sín wɛnsagun, bó ɖɔ n'i ɖɔ: “Mawu ví e nukún tɔn lɛ́ɛ nɔ kán zo myɔ ɖɔhun, bɔ afɔ tɔn lɛ́ɛ nɔ kɔ́n ganvɔ e è ɖiɖi wǔ ná ɔ́ ɖɔhun ɔ́, xó e é ɖɔ ɔ́ ɖíe:

Nǔɖexlɛ́mɛ 2:8

Wlǎn wěma sɛ́ dó agun Klísu tɔn e ɖo Simíini ɔ́ sín wɛnsagun, bó ɖɔ n'i ɖɔ: “Mɛ e nyí mɛ e jɛ nukɔn, bó nyí mɛ e gbɔn gǔdo ɔ́, mɛ e ko kú, bó lɛ́ fɔ́n ɔ́, xó e é ɖɔ ɔ́ ɖíe:

Nǔɖexlɛ́mɛ 3:1

Wlǎn wěma sɛ́ dó agun Klísu tɔn e ɖo Saadu ɔ́ sín wɛnsagun, bó ɖɔ n'i ɖɔ: “Mɛ e sí yɛ Mawu tɔn tɛ́nwe lɛ́ɛ kpódó sunví tɛ́nwe lɛ́ɛ kpán ɖe ɔ́, xó e é ɖɔ ɔ́ ɖíe: Un tunwun nǔ e wa wɛ a ɖe ɔ́ bǐ; un tunwun ɖɔ è nɔ mɔ we dó mɔ mɛ gbɛɖe; lo ɔ́, a ko kú.

Nǔɖexlɛ́mɛ 3:14

“Wlǎn wěma sɛ́ dó agun Klísu tɔn e ɖo Lawodisée ɔ́ sín wɛnsagun, bó ɖɔ n'i ɖɔ: “Mɛ e nɔ nyí Amǐ , bó nyí Kúnnuɖetɔ́ gbejínɔtɔ́ titewungbe, bó nyí mɛ e jí Mawu blǒ nǔ bǐ sésé gbɔn ɔ́, xó e é ɖɔ ɔ́ ɖíe:

Nǔɖexlɛ́mɛ 3:22

“Mɛ e ɖó tó bó ná dó se nǔ ɔ́ ní se nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ ganjí.”

Nǔɖexlɛ́mɛ 3:7

“Wlǎn wěma sɛ́ dó agun Klísu tɔn e ɖo Filadɛlufíi ɔ́ sín wɛnsagun, bó ɖɔ n'i ɖɔ: “Mɛ e nyí mɛ mímɛ́, bó nyí mɛ titewungbe ɔ́, mɛ e sí axɔ́sú Davídi sín cávi ɔ́ ɖe ɔ́, mɛ e nɔ hun hɔn bɔ mɛ ɖěbǔ ma nɔ sixú sú ǎ é, mɛ e nɔ sú hɔn bɔ mɛ ɖěbǔ ma nɔ sixú hun ǎ é ɔ́, xó e é ɖɔ ɔ́ ɖíe:

1 Samuwɛ́li 17:26

Davídi kanbyɔ́ sɔ́ja e ɖo akpá tɔn lɛ́ɛ ɖɔ: “Étɛ́ è ka ná ná mɛ e ná hu Filisitɛ́ɛn énɛ́, bó ná ɖe winnyá nú Izlayɛ́li to ɔ́ é? Bɔ mɛ̌ ká nyí Filisitɛ́ɛn énɛ́ ɔ́, mɛ e ma nɔ sɛn Mawu ǎ nɛ́ ɔ́, bó glá káká bó zun Mawu gbɛɖe ɔ́ sín ahwangɔnu?”