2 Kɔlɛ́ntinu 2:3 - MAWUXÓWÉMA

³ Énɛ́ ɔ́ wú wɛ un wlán wěma sɛ́ dó mi lě e un bló gbɔn é: un jló ná wá mi gɔ́n bónú yě mɛ ɖokpó e ɖó ná dó xomɛhunhun nú mì lɛ́ɛ ná dɔn mì dó aluwɛ mɛ ǎ. Nǔgbó ɔ́, un ɖó gǎnjɛwú ɖɔ hwenu e xomɛ nɔ ɖo hunhun mì wɛ ɔ́, mi lɔmɔ̌ ɔ́, mi bǐ wɛ xomɛ nɔ hun.

2 Kɔlɛ́ntinu 2:3 Iomraidhean Croise

1 Kɔlɛ́ntinu 4:21

Nɛ̌ mi ka jló gbɔn? Un ja gɔ̌n mitɔn hǔn, ma hɛn kpo a? Abǐ ma wá kpó wǎn yíyí kpó, kpódó xomɛfífá kpán a?

2 Kɔlɛ́ntinu 1:15

Un ko ɖeji dó nǔ énɛ́ wú sɔ mɔ̌, bó ko lin ɖ'ayǐ ɖɔ un ná wá mi gɔ́n, bónú Mawu ná wa ɖagbe nú mi ɖó azɔn we jí.

2 Kɔlɛ́ntinu 1:23

Mawu ná ɖe kúnnu nú mì; ényí nǔvú ɖó wɛ un ɖe hǔn, ma kú. Un jló ná gba ayi dó nú mi ǎ wútu wɛ un ma lɛ́ kɔ wá Kɔlɛ́nti ǎ.

2 Kɔlɛ́ntinu 12:11

Un ɖo xó ɖɔ wɛ taɖunɔ wɛ un húzú ɖɔhun; lo ɔ́, mi wɛ zɔ́n mɔ̌; mi wɛ ná ko jɛ ahwan jǐ ce. Đó nú un ma tlɛ nyí nǔɖé ǎ ɔ́, un hwe hú mɛ e mi nɔ mɔ dó mɔ mɛsɛ́dó ɖaxó lɛ́ɛ é ɖo nǔ ɖěbǔ mɛ ǎ.

2 Kɔlɛ́ntinu 12:21

Un ɖo xɛsi ɖi wɛ ɖɔ gɔ̌n mitɔn e un ná wá din ɔ́, Mawu ce ná sɔ́ mì hwe ɖo nukɔn mitɔn; bɔ un ná ya avǐ dó mɛ tobutóbú e hu hwɛ ɖ'ayǐ, bó ma lɛ́ kɔ sín nǔ kwíji wiwa, agalilɛ, kpódó nǔ nyanya e yě wa lɛ́ɛ kpán gúdo ǎ lɛ́ɛ tamɛ.

2 Kɔlɛ́ntinu 13:10

Nǔ e wú un ɖo zɔ bó wlán nǔ énɛ́ lɛ́ɛ bǐ sɛ́ dó mi ɔ́ ɖíe: é wɛ nyí ɖɔ, hwenu e un ná wá nɔ gɔ̌n mitɔn ɔ́, un ma kpɔ́n dó acɛ e Aklúnɔ ná mì ɔ́ wú, bó nylá hun dó mi ó; acɛ énɛ́ e Aklúnɔ ná mì ɔ́, azɔ̌ tɔn wɛ nyí ɖɔ ma dó dó alɔ mi, bónú mi ná yi nukɔn ɖo nǔɖiɖi mɛ; é nyí ɖɔ un ná dó dɔn mi dó gǔdo wɛ ǎ.

2 Kɔlɛ́ntinu 2:9

Nǔgbó ɔ́, nǔ e wú un wlán wěma sɛ́ dó mi ɔ́ ɖíe: un jló ná tɛ́n mi kpɔ́n, bó ná kpɔ́n ɖɔ mi ɖo gbesisɔ mɛ hwebǐnu, bó ná bló nǔ e un ɖɔ nú mi lɛ́ɛ ají.

2 Kɔlɛ́ntinu 7:12

Hǔn, nú un sɛ́ wěma dó mi ɔ́, é nyí mɛ e wa nǔ nyi do ɔ́ wútu wɛ ǎ; é ka lɛ́ nyí mɛ e è wa nǔ nyi do ná ɔ́ wútu wɛ ǎ. Lo ɔ́, bónú mi ɖésúnɔ ná dó mɔ nukúnnú jɛ kan e mi xo dó mǐ ɔ́ wú céɖécéɖé ɖo Mawu nukɔn wútu wɛ un sɛ́ wěma dó mi.

2 Kɔlɛ́ntinu 7:16

Xomɛhunhun gɔ́ ayi mɛ nú mì, ɖó un hɛn ɔ́, un ná ɖeji dó mi wú ɖo nǔ bǐ mɛ.

2 Kɔlɛ́ntinu 7:6

Lo ɔ́, Mawu e nɔ dó gbɔ nú mɛ e kanmɛ gbɔ́jɔ́ lɛ́ɛ ɔ́, dó gbɔ nú mǐ gbɔn Títu sín wǐwá gbla mɛ.

2 Kɔlɛ́ntinu 7:8

Nǔgbó ɔ́, nú wěma e un wlán sɛ́ dó mi ɔ́ na bo zɔ́n bɔ mi ɖo aluwɛ mɛ ɔ́, é vɛ́ nú mì ǎ. Hwenu e un mɔ ɖɔ wěma énɛ́ zɔ́n, bɔ mi nɔ aluwɛ mɛ nú hwenu kpɛɖé ɔ́ wɛ é ná vɛ́ nú mì.

2 Kɔlɛ́ntinu 8:22

Mǐ sɛ́ nɔví mǐtɔn ɖěvo kpódó yě kpán dó; mǐ tɛ́n ɛ kpɔ́n gbɔn ali gěgé xo; é ka nɔ ɖe xlɛ́ hwe lɛ́ɛ bǐ nu ɖɔ émí bí dó azɔ̌ wú; amɔ̌ din ɔ́, ɖó jiɖiɖe ɖaxó e é ɖó dó mi wú ɔ́ wútu ɔ́, bǐbí ɖó dó azɔ̌ wú tɔn lɛ́ jɛjí.

Galatinu 5:10

É ɖo mɔ̌ có un ɖó jiɖiɖe dó mi wú ɖo Aklúnɔ mɛ ɖɔ mi kún ná lin nǔ ɖěvo zɛ ée un lin é wú ó; amɔ̌ mɛ e ɖo hunnyahunnya dó mi mɛ wɛ ɔ́, é ná bo nyí nǔɖébǔnɔ ɔ́, Mawu na dɔn tó n'i.

2 Tɛsalonikinu 3:4

Aklúnɔ ná jiɖiɖe mǐ dó mi wú; é ná gǎnjɛwú mǐ ɖɔ mi nɔ bló nǔ e ɖɔ nú mi wɛ mǐ ɖe lɛ́ɛ, bó ka lɛ́ kpo ɖo blǒbló wɛ.

Filemɔ́ɔ 1:21

Hwenu e un ɖo wěma élɔ́ wlán sɛ́ dó we wɛ ɔ́, un ɖeji ɖɔ a nǎ bló nǔ e byɔ́ we wɛ un ɖe é, bó ná lɛ́ bló hú mɔ̌.