2 Kɔlɛ́ntinu 10:3 - MAWUXÓWÉMA

³ Agbaza gbɛtɔ́ tɔn mɛ wɛ mǐ ɖe nǔgbó; mǐ ka zé walɔ gbɛtɔ́ tɔn dó ɖo ahwan fun ná wɛ ǎ.

2 Kɔlɛ́ntinu 10:3 Iomraidhean Croise

Hlɔ̌manu 7:5

Nǔgbó ɔ́, hwenu e mǐ ɖó hwɛhuhu sín ninɔmɛ ɖ'ayǐ ɔ́, jló nyanya e sɛ́n ɔ́ nɔ dɔn wá lɛ́ɛ nɔ wa azɔ̌ ɖo agbaza mǐtɔn bǐ mɛ, bó nɔ kplá mǐ yi kú.

Hlɔ̌manu 8:13

Đó ényí mi nɔ zán gbɛ mitɔn lě e hwɛhuhu sín ninɔmɛ e mi ɖo ɔ́ nɔ jló gbɔn ɔ́, mi ná kú. Lo ɔ́, ényí mi gbɔn Yɛsinsɛn jí bó hu walɔ agbaza tɔn lɛ́ɛ ɔ́, mi ná nɔ gbɛ.

Hlɔ̌manu 8:4

Mawu bló nǔ énɛ́ ɔ́, bónú nǔ e sɛ́n ɔ́ ɖɔ è ɖǒ na wa ɔ́, ní nyí wiwa ɖo mǐ mɛ; mǐ mɛ e ma sɔ́ nɔ zán gbɛ mǐtɔn lě e hwɛhuhu sín ninɔmɛ e mǐ ɖó ɔ́ jló gbɔn ɔ́ ǎ, bó nɔ zán lě e Yɛsinsɛn jló gbɔn é.

2 Kɔlɛ́ntinu 1:17

Ée un ɖo linlin énɛ́ ɖó wɛ ɔ́, nǔɖé kpowun wa wɛ un ɖe a? Hwenu e un ɖo tito ce lɛ́ɛ to wɛ ɔ́, linlin gbɛtɔ́ tɔn kɛ́ɖɛ́ wɛ un dó to yě ná a? Un ná ɖo gbesisɔ mɛ, bó ná ɖo “ɛɛn” kpó “éeǒ” kpó ɖɔ wɛ zɛ̌ɛ́n wɛ a?

2 Kɔlɛ́ntinu 10:4

Ahwanfunnú e dó fun ahwan ná wɛ mǐ ɖe lɛ́ɛ nyí gbɛtɔ́ gbɛmɛ fí tɔn lɛ́ɛ tɔn ǎ: ahwanfunnú hlɔ̌nhlɔ́nnɔ Mawu tɔn e è nɔ dó mu ahohó lɛ́ɛ ná ɔ́ wɛ. Mǐ nɔ́ gba linlin e ma sɔgbe ǎ lɛ́ɛ bǐ dó.

Galatinu 2:20

Gbɛ e un ka ɖe din ɔ́, nyɛ ɖésúnɔ wɛ ɖo gbɛ ǎ, Klísu wɛ ɖo gbɛ ɖo nyɛ mɛ, bɔ gbɛ e un ɖe din ɖo agbaza mɛ ɔ́, nǔɖiɖi e un ɖó nú Mawu ví e yí wǎn nú mì, bó kú dó ta ce mɛ ɔ́ wú wɛ un ɖo gbɛ.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

Eblée 12:1

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.