2 Kɔlɛ́ntinu 1:2 - MAWUXÓWÉMA

² Mawu Tɔ́ mǐtɔn kpó Aklúnɔ Jezu Klísu kpó ní ná fɛ́nú kpódó fífá kpán mi.

2 Kɔlɛ́ntinu 1:2 Iomraidhean Croise

2 Samuwɛ́li 15:20

A wǎ gɔ̌n ce din ɔ́, é lín ǎ, bɔ égbé din ɔ́, un ná kplá we bɔ a nǎ jɛ flúflú xá mǐ jí yi ɖisí amyɔ. Nyi lɔ ɖíe ma ko tunwun fí e un xwe é ǎ e. Kplá nɔví towe lɛ́ɛ, bónú hwi kpó yě kpó lɛ́ kɔ. Mawu Mavɔmavɔ ní nyɔ́ xomɛ dó wǔ we, bó nɔ gbejí nú we.”

1 Tan 12:18

Davídi yi kpé yě, bó ɖɔ nú yě ɖɔ: “Ényí ayixa ɖagbe wɛ jɛ xo mitɔn mɛ, bɔ mi wá gɔ̌n ce bó ná dó alɔ mì ɔ́, un ná yí mi kpó xomɛ kpó. Amɔ̌, ényí un ɖo xomɛ vɔ́ lě, bɔ mi wá bó ná dó yɛ mì, lobo ná jó mì nú kɛntɔ́ ce lɛ́ɛ wɛ ɔ́, Mawu tɔ́gbó mǐtɔn lɛ́ɛ tɔn ní gbo hwɛ.”

Daniyɛ́li 4:1

“Nyɛ axɔ́sú Nabukodonɔzɔ́ɔ ɔ́, xwíí wɛ un ɖe ɖo xwé ce gbe, bó ɖo gbɛ ce ɖu wɛ ɖo hɔn ce mɛ.

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

1 Kɔlɛ́ntinu 1:3

Mawu Tɔ́ mǐtɔn ɔ́ kpódó Aklúnɔ Jezu Klísu kpán ní ná fɛ́nú kpódó fífá kpó mi.

2 Kɔlɛ́ntinu 1:3

Mi nú mǐ ná kpa Mawu Aklúnɔ mǐtɔn Jezu Klísu sín Tɔ́; Tɔ́ nǔbláwǔkúnúmɛtɔ́ wɛ é nyí, bó nyí Mawu e nɔ dó gbɔ nú mɛ ɖo ali bǐ nu é.

Galatinu 6:16

Fífá kpódó xomɛnyínyɔ́ Mawu tɔn kpó ní nɔ kpɔ́ xá mɛ e nɔ xwedó tito énɛ́ lɛ́ɛ ɖo gbɛzán yětɔn mɛ lɛ́ɛ, bó nɔ kpɔ́ xá mɛɖeɖóvo Mawu tɔn lɛ́ɛ bǐ.

Efɛ́zinu 6:23

Mawu Tɔ́ ɔ́ kpódó Aklúnɔ Jezu Klísu kpó ní ná fífá kpódó wǎn yíyí kpó, kpódó nǔɖiɖi kpó nɔví ɖo Klísu mɛ lɛ́ɛ bǐ.

Filípunu 1:2

Mawu Tɔ́ mǐtɔn kpódó Aklúnɔ Jezu Klísu kpán ní ná fɛ́nú kpódó fífá kpó mi.

Kolósinu 1:2

Mǐ wɛ sɛ́ dó nɔví mǐtɔn gbejínɔtɔ́ ɖo Klísu mɛ e nyí mɛɖeɖóvo Mawu tɔn bó ɖo Kolósi lɛ́ɛ. Mawu Tɔ́ mǐtɔn ní ná fɛ́nú kpó fífá kpó mi.

1 Tɛsalonikinu 1:1

Nyɛ Pɔ́lu kpó Silási kpó, kpódó Timɔtée kpán wɛ wlán wěma élɔ́ sɛ́ dó mi agunví e ɖo Tɛsaloniki bó ɖo bǔ ɖo Mawu Tɔ́ ɔ́ kpódó Aklúnɔ Jezu Klísu kpán mɛ é. Mawu ní ná fɛ́nú kpódó fífá kpó mi.

2 Tɛsalonikinu 1:2

Mawu Tɔ́ ɔ́ kpódó Aklúnɔ Jezu Klísu kpó ní ná fɛ́nú kpó fífá kpó mi.

Filemɔ́ɔ 1:3

Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.