7 Sawúlu ka ɖɔ nú mɛsɛntɔ́ ɔ́ ɖɔ: “Ényí mǐ ká yi ɔ́, étɛ́ mǐ ká ná ná ɖɛ̌mɛnu Mawu tɔn ɔ́? Đó nǔɖuɖu ɖě sɔ́ kpo ɖo glo mǐtɔn lɛ́ɛ mɛ ǎ. Mǐ ká ɖó nǔɖé, bó ná ná ɖɛ̌mɛnu ɔ́ ǎ. Abǐ nǔɖé sɔ́ ɖo mǐ sí a?”
É wá su gbe ɖokpó, bɔ nya ɖé gosín Baalu-Calica wá. Nya ɔ́ hɛn ɔ́ji nukɔntɔn e é ya é sín wɔ̌xúxú ko wá nú gbeyíɖɔ Mawu tɔn ɔ́. É lɛ́ hɛn blěe nukɔntɔn e é ya ɔ́ dó glo tɔn mɛ wá n'i. Elizée ɖɔ nú mɛsɛntɔ́ tɔn ɖɔ: “Mǎ nú mɛ e ɖo fí lɛ́ɛ nú yě ɖu.”
Naamáni lɛ́ kɔ ɖidó gbeyíɖɔ Mawu tɔn ɔ́ gɔ́n tlóló, é kpódó mɛ e xwedó e lɛ́ɛ kpó. Ée é wá ɔ́, é nɔ te nukɔn tɔn bo ɖɔ n'i ɖɔ: “Un mɔ din ɖɔ nǔmɛsɛn ɖě kún sɔ́ ɖo fí ɖěbǔ ɖo ayǐkúngban ɔ́ jí zɛ Mawu Izlayɛ́li tɔn ɔ́ wú ó. Din ɔ́, kɛnklɛ́n bó yí nǔ e nyɛ mɛsɛntɔ́ towe hɛn wá nú we é.”
Ée é ɖɔ mɔ̌ ɔ́, axɔ́sú ɔ́ ɖɔ: “Ényí mɔ̌ wɛ hǔn, bo yi. Un ná wlán wěma ɖokpó dó así nú we, bɔ a nǎ sɔ́ nú Izlayɛ́li xɔ́sú ɔ́.” Ée Naamáni xweyǐgbe ɔ́, é hɛn kpatágan kilóo afɔɖé kanwe ko (300) mɔ̌, bó hɛn siká ɖagbe ɖagbe kilóo kanɖé ko (60) mɔ̌, bó hɛn nǔzínzán ɖagbe ɖagbe wǒ.
Ée axɔ́sú ɔ́ se mɔ̌ ɔ́, é ɖɔ nú Hazayɛ́li ɖɔ: “Hɛn nǔɖé bó yi ná gbeyíɖɔ Mawu tɔn ɔ́, bónú é ní kanbyɔ́ Mawu Mavɔmavɔ ɖɔ azɔn e jɛ wɛ un ɖe ɔ́ ká ná xwɛ a jí.”
Ée axɔ́sú ɔ́ ɖɔ mɔ̌ ɔ́, Hazayɛ́li dó nǔ ɖagbe ɖagbe e ɖo Damási ɔ́ sín agban dó lǎkúnmí kanɖé (40) jí, bó ná yi ná Elizée. Ée é yi Elizée gɔ́n ɔ́, é ɖɔ n'i ɖɔ: “Mɛsɛntɔ́ towe Bɛni-Hadadi Silíi xɔ́sú ɔ́ wɛ sɛ́ mì dó gɔ̌n towe, bó ɖɔ nyɛ ní wá kanbyɔ́ we ɖɔ azɔn e jɛ wɛ émí ɖe ɔ́ ká ná xwɛ a jí.”
Mi nɔ yí jinukún alɔgogo kpɛɖé, abǐ wɔ̌xúxú gǒ ɖokpó ɖé ɖo mɛ lɛ́ɛ sí, bó nɔ́ dó hɛn nyǐkɔ ce blí ɖo togun ce mɛ. Mi nɔ yí nǔ énɛ́ lɛ́ɛ, bó nɔ́ hu mɛ e è ma ɖó ná hu ǎ lɛ́ɛ, bó nɔ́ jó mɛ e è ɖǒ ná hu lɛ́ɛ dó nyi gbɛ. Mi nɔ ɖó adingban nú togun ce bɔ yě lɔ nɔ ɖi nǔ nú mi.