1 Samuwɛ́li 8:9 - MAWUXÓWÉMA

⁹ Đǒtó Izlayɛ́li ví lɛ́ɛ; blǒ nǔ e ba wɛ yě ɖe ɔ́ nú yě; amɔ̌, a nǎ ɖɔ nǔ e sín acɛ axɔ́sú e yě ná sɔ́ ɔ́ ná ɖó ɖo yě jí lɛ́ɛ nú yě ɖo togun mɛ.”

1 Samuwɛ́li 8:9 Iomraidhean Croise

Jelemíi 11:7

Đó un kó ɖɔ bó tɛ ɖɛ̌ jí ɖésú nú tɔ́gbó mitɔn lɛ́ɛ, sín gbe e gbe un kplá yě sín Ejípu, bó fɔ́n bó lɛ́ ɖo ɖiɖɔ nú mi lɔmɔ̌ wɛ káká wá jɛ égbé ɖɔ: Mi ɖótó xó ce lɛ́ɛ.

Ezekiyɛ́li 3:18

Nú un ɖɔ nú mɛdídá ɖé ɖɔ é ná kú, bónú a ma ɖɔ nǔ e wa nyi do wɛ é ɖe lɛ́ɛ n'i ǎ ɔ́, a ma ɖɔ xó n'i bónú é húzú jijɔ bó nɔ gbɛ ǎ bó kú ɖó hwɛ tɔn lɛ́ɛ wú ɔ́, hwi wɛ un ná kan kanjɔ tɔn byɔ́.

Ezekiyɛ́li 46:18

Amɔ̌, gǎn ɔ́ ná yí toví ɖé sín nǔ sín así tɔn ǎ. Nǔ e ná nyí vǐ tɔn lɛ́ɛ tɔn ɔ́, nǔ é ɖésú tɔn lɛ́ɛ mɛ wɛ é ná kpɔ́n bó ná ná yě. Énɛ́ ɔ́, è nǎ nya mɛ ɖé sín nǔ e nyí étɔn é kɔn ɖo togun ce mɛ ǎ.”

1 Samuwɛ́li 10:25

Samuwɛ́li wá ɖɔ acɛ e axɔ́sú ɔ́ ɖó ɔ́, bó wlán bǐ dó wěma mɛ, bó sɔ́ ɖó Mawu Mavɔmavɔ nukɔn. Énɛ́ ɔ́ gúdo ɔ́, é nyi togun ɔ́, bɔ mɛ ɖokpó ɖokpó yi xwé tɔn gbe.

1 Samuwɛ́li 12:1

Samuwɛ́li ɖɔ nú Izlayɛ́li to ɔ́ bǐ ɖɔ: “Éɖíe, un bló nǔ e mi ɖɔ nú mì lɛ́ɛ bǐ, bó sɔ́ axɔ́sú ɖokpó nú mi.

1 Samuwɛ́li 14:52

Sawúlu ɔ́, ɖo gbɛ hwenu tɔn bǐ ɔ́, é fun ahwan xá Filisitɛ́ɛn lɛ́ɛ káká. É nyí Sawúlu mɔ súnnu hlɔ̌nhlɔ́nnɔ akɔ́nkpantɔ́ ɖé ɔ́, é nɔ yí dó ahwan mɛ.

1 Samuwɛ́li 2:13

Yě nyí vɔ̌sánú-xwlémawutɔ́ có, ényí mɛɖé wá sá vɔ̌, bónú è jɛ lan ɔ́ ɖa jí ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ wá bó nɔ hɛn gǎfu alɔví atɔnnɔ ɖé alɔnu.

1 Samuwɛ́li 8:8

Nǔ e yě nɔ́ wa sín hwenu e un ɖe yě tɔ́n sín Ejípu ɔ́ bló xá we wɛ yě ɖe; ɖó yě jó mì dó, bó nɔ sɛn nǔ ɖěvo lɛ́ɛ.