1 Samuwɛ́li 8:7 - MAWUXÓWÉMA

⁷ Énɛ́ ɔ́, Mawu Mavɔmavɔ ɖɔ nú Samuwɛ́li ɖɔ: “Đǒtó Izlayɛ́li ví lɛ́ɛ; blǒ nǔ e ba wɛ yě ɖe ɔ́ nú yě. Đó hwi wɛ yě gbɛ̌ ǎ, nyɛ wɛ yě gbɛ̌ ɖɔ nyi kún sɔ́ ná ɖu axɔ́sú ɖo émí nu ó.

1 Samuwɛ́li 8:7 Iomraidhean Croise

Tíntɔ́n 16:8

Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

Ezayíi 66:4

Ée é cí mɔ̌ din é ɔ́, nyi lɔmɔ̌ ɔ́, un ná jó yě dó, bɔ nǔ e ɖo tónúmase yětɔn mɛ ɔ́, yě ná mɔ. Nǔ e ná dó adohu nú yě ɔ́ wɛ un ná dɔn wá nú yě, ɖó un ylɔ́ yě, bɔ yě ɖě ká sɔ ǎ; un ɖɔ xó, yě ɖě ká ɖótó mì ǎ; nǔ e má nɔ́ nyɔ́ nukún ce mɛ ǎ lɛ́ɛ wɛ yě wa, bó sɔ́ ali e ma jló mì ǎ é.”

Jelemíi 34:14

Un ɖɔ nú yě ɖɔ: ényí nɔví mitɔn Eblée ɖé sɔ́ éɖée sa nu mi, bó húzú kannumɔ mitɔn, bó wa azɔ̌ nú mi xɔ xwe ayizɛ́n ɔ́, xwe tɛ́nwegɔ́ ɔ́ mɛ ɔ́, mi ná jó e dó bɔ é ná jɛ éɖée sí. Lo ɔ́ tɔ́gbó mitɔn lɛ́ɛ ɖótó mì ǎ; nǔ e un ɖɔ ɔ́ nyí nǔɖé nú yě ǎ.

Ezekiyɛ́li 2:3

Énɛ́ ɔ́, mɛ ɔ́ ɖɔ nú mì ɖɔ: “Hwi gbɛtɔ́, un sɛ́ we dó Izlayɛ́li ví lɛ́ɛ gɔ́n; yě fɔ́n gǔ dó jǐ ce, yě se tónú ǎ; yě kpó tɔ́gbó yětɔn lɛ́ɛ kpó fɔ́n gǔ dó jǐ ce, bó kpo ɖo mɔ̌ káká jɛ égbé.

Ezekiyɛ́li 3:7

Izlayɛ́li ví lɛ́ɛ ká ná ba ná ɖótó we ǎ, ɖó yě jló ná se xó ce ǎ; yě bǐ wɛ gbɛ́ hɛn, ali yi tó yětɔn mɛ ǎ.

Kɛ́nsísɔ́ 22:20

Mawu wǎ Baláamu gɔ́n zǎn mɛ, bó ɖɔ n'i ɖɔ: “Ée é nyí ɖɔ mɛ élɔ́ lɛ́ɛ ɔ́, ylɔ̌ wɛ yě wǎ ylɔ́ we ɔ́, sɔ́ nǔ bó xwedó yě. Amɔ̌, nǔ e un ná ɖɔ nú we ɔ́ wɛ a nǎ bló.”

Matíe 10:40

“Mɛ e yí mi ɔ́, nyɛ wɛ é yí; mɛ e ka yí nyɛ ɔ́, mɛ e sɛ́ mì dó ɔ́ wɛ é yí.

Luki 10:16

É lɛ́ ɖɔ nú ahwanvú tɔn lɛ́ɛ ɖɔ: “Mɛ e ɖótó mi ɔ́, nyɛ wɛ é ɖótó; mɛ e ka gbɛ́ mi ɔ́, nyɛ wɛ é gbɛ́. Mɛ e ka gbɛ́ mì ɔ́, é gbɛ́ mɛ e sɛ́ mì dó ɔ́.”

Luki 19:14

To tɔn mɛ nu lɛ́ɛ ka gbɛ́ wǎn n'i, bɔ yě ɖe mɛ, bɔ wɛn jɛ gǔdo tɔn nú yě ní yi ɖɔ nú mɛ e jló ná sɔ́ ɛ axɔ́sú ɔ́ ɖɔ: ‘Mǐ ba nú mɛ énɛ́ ní ɖu axɔ́sú ɖo mǐ nu ǎ!’

Luki 19:27

Kɛntɔ́ ce e ka ɖɔ nyɛ kún ná ɖu axɔ́sú ɖo émí nu ó lɛ́ɛ ɔ́, mi dɔn yě bǐ wá fí, bó hu yě ɖo nukún ce mɛ.’ ”

Jǎan 13:16

Má ɖɔ nǔgbó nú mi: mɛsɛntɔ́ nɔ hú gǎn gǎn tɔn ǎ; mɔ̌ ɖokpó ɔ́, wɛnsagun nɔ hú gǎn mɛ e sɛ́ ɛ dó ɔ́ ǎ.

Hwɛɖɔtɔ́ 8:23

Jedenyɔ́ɔ ka ɖɔ nú yě ɖɔ: “Éeǒ! Un ná nyí gǎn mitɔn ǎ, vǐ ce lɔmɔ̌ ɖo gǎn mitɔn ná nyí wɛ ǎ. Mawu Mavɔmavɔ wɛ ná nyí gǎn mitɔn.”

1 Samuwɛ́li 10:19

Égbé din ɔ́, mi ka gbɛ́ nyɛ Mawu mitɔn. Nyɛ mɛ e hwlɛ́n mi gán ɖo ya e mi ji é kpó nǔ e gbo mi lɛ́ɛ kpó bǐ mɛ é. Bɔ mi nɔ ɖɔ nú mì ɖɔ: ‘Sɔ́ axɔ́sú ɖokpó ɖó mǐ nu.’ Din ɔ́, mi zɔn akɔta mitɔn mitɔn mɛ, hɛ̌nnu mitɔn mitɔn mɛ, bó wá Mawu Mavɔmavɔ nukɔn.”

1 Samuwɛ́li 12:1

Samuwɛ́li ɖɔ nú Izlayɛ́li to ɔ́ bǐ ɖɔ: “Éɖíe, un bló nǔ e mi ɖɔ nú mì lɛ́ɛ bǐ, bó sɔ́ axɔ́sú ɖokpó nú mi.

1 Samuwɛ́li 12:12

Bɔ ée mi wá mɔ ɖɔ Naxáci Amumɔ́ɔ ví lɛ́ɛ xɔ́sú ɔ́ ja mi gba gbé ɔ́, mi ɖɔ nú mì ɖɔ: ‘Gbeɖé, axɔ́sú ɖokpó ná nɔ mǐ nu dandan.’ Mawu Mavɔmavɔ, Mawu mitɔn ká ko nyí axɔ́sú mitɔn.

1 Samuwɛ́li 8:22

Bɔ Mawu Mavɔmavɔ ɖɔ nú Samuwɛ́li ɖɔ: “Se xó e ɖɔ nú we wɛ yě ɖe é, bó sɔ́ axɔ́sú ɖokpó ɖó yě nu.” Énɛ́ ɔ́, Samuwɛ́li ɖɔ nú Izlayɛ́li ví lɛ́ɛ ɖɔ mɛ ɖokpó ɖokpó ní lɛ́ kɔ yi xwé.

1 Samuwɛ́li 8:8

Nǔ e yě nɔ́ wa sín hwenu e un ɖe yě tɔ́n sín Ejípu ɔ́ bló xá we wɛ yě ɖe; ɖó yě jó mì dó, bó nɔ sɛn nǔ ɖěvo lɛ́ɛ.