1 Samuwɛ́li 8:6 - MAWUXÓWÉMA

⁶ Ée yě ɖɔ nú Samuwɛ́li ɖɔ é ní sɔ́ axɔ́sú ɖokpó nú émí ɔ́, é vɛ́ wǔ tɔn ɖésú. Samuwɛ́li ka xo ɖɛ.

1 Samuwɛ́li 8:6 Iomraidhean Croise

Ɖɛhan 109:4

Nyɛ ɖó wǎn yíyí nú yě, yědɛɛ lɛ́ɛ ka sɔ́ mì dó ɖó kɛntɔ́. Nǔ ka ɖo mɔ̌ có ɖɛ kɛ́ɖɛ́ jɛ́n un nɔ xo.

Tíntɔ́n 32:21

Énɛ́ ɔ́ gúdo ɔ́, Mɔyízi kanbyɔ́ Aalɔ́ɔn ɖɔ: “Ani wɛ togun ɔ́ wa nú we bɔ a jǒ e dó bɔ é hu hwɛ ɖaxó élɔ́?”

Tíntɔ́n 32:32

Din ɔ́, kɛnklɛ́n sɔ́ hwɛ yětɔn kɛ yě, é má ká nyí mɔ̌ ǎ hǔn, bo súnsún nyǐkɔ ce e a wlǎn dó gbɛwéma mɛ ɔ́ síin.”

Ozée 13:10

Fítɛ́ axɔ́sú mitɔn ɔ́ ká ɖe? É ní bó hwlɛ́n mi gán gbɔn toxo ɖaxó mitɔn lɛ́ɛ bǐ mɛ bó! Tonukún mitɔn lɛ́ɛ e mi nɔ ɖɔ ná ɖɔ yě ní sɔ́ axɔ́sú ɖokpó nǔ émí, bó lɛ́ sɔ́ gǎn nú émí lɛ́ɛ ɔ́, fítɛ́ yě ɖe?

Kɛ́nsísɔ́ 16:15

Ée Mɔyízi se mɔ̌ ɔ́, xomɛ sin i ɖésú. É ɖɔ nú Mawu Mavɔmavɔ ɖɔ: “Ma yí nǔníná yětɔn ó; un yí nǔ ɖěbǔ ɖo yě sí kpɔ́n gbeɖé ǎ; un tlɛ yí tócí vɔ́vɔ́ ɖo yě sí ǎ, un ka wa nǔ nyi do nú mɛɖé ɖo yě mɛ gbeɖé kpɔ́n ǎ.”

Kɛ́nsísɔ́ 16:22

Ée Mawu Mavɔmavɔ ɖɔ mɔ̌ ɔ́, Mɔyízi kpó Aalɔ́ɔn kpó xwe agbɔ̌nnusú do, bó sú xó ɖɔ: “Yéége Mawu! Hwi mɛ e ná gbɛ nǔɖíɖó lɛ́ɛ bǐ ɔ́, a nǎ kpɔ́n dó hwɛ e mɛ ɖokpó géé hu ɔ́ wú, bó ná sin xomɛ dó togun ɔ́ bǐ sésé wɛ a?”

Filípunu 4:6

Ado ma hu mi dó nǔ ɖěbǔ wú ó; lo ɔ́, mi ɖo ninɔmɛ ɖěbǔ mɛ hǔn, mi ní nɔ sɔ́ kúdónúmɛ sín ayixa dó xo ɖɛ, bó byɔ́ nǔ e hudó mi lɛ́ɛ Mawu.

Jaki 1:5

É ka ɖo mɔ̌ có, ényí nǔnywɛ́ hwedó mɛɖé ɖo mi mɛ hǔn, ní byɔ́ Mawu nú é ná ná ɛ; ɖó Mawu nɔ hun alɔ dó ná nǔ mɛ bǐ kpó xomɛhunhun kpó.

1 Samuwɛ́li 10:19

Égbé din ɔ́, mi ka gbɛ́ nyɛ Mawu mitɔn. Nyɛ mɛ e hwlɛ́n mi gán ɖo ya e mi ji é kpó nǔ e gbo mi lɛ́ɛ kpó bǐ mɛ é. Bɔ mi nɔ ɖɔ nú mì ɖɔ: ‘Sɔ́ axɔ́sú ɖokpó ɖó mǐ nu.’ Din ɔ́, mi zɔn akɔta mitɔn mitɔn mɛ, hɛ̌nnu mitɔn mitɔn mɛ, bó wá Mawu Mavɔmavɔ nukɔn.”

1 Samuwɛ́li 12:12

Bɔ ée mi wá mɔ ɖɔ Naxáci Amumɔ́ɔ ví lɛ́ɛ xɔ́sú ɔ́ ja mi gba gbé ɔ́, mi ɖɔ nú mì ɖɔ: ‘Gbeɖé, axɔ́sú ɖokpó ná nɔ mǐ nu dandan.’ Mawu Mavɔmavɔ, Mawu mitɔn ká ko nyí axɔ́sú mitɔn.

1 Samuwɛ́li 12:17

Hwenu e mǐ ɖe din ɔ́, é nyí jǐ hwenu ǎ, ɖó nǔkún-yiya hwenu wɛ mǐ ɖe. Un ka ná xomlá Mawu Mavɔmavɔ, bɔ jǐ ná dó gbe, bó ná ja. Ényí nǔ cí mɔ̌ hǔn, mi tunwun ɖɔ axɔ́sú e émí byɔ́ Mawu Mavɔmavɔ é ɔ́, nǔ ɖaxó ɖokpó wɛ é nyí bɔ émí wa nyi do.”

1 Samuwɛ́li 12:19

Togun ɔ́ bǐ ka ɖɔ nú Samuwɛ́li ɖɔ: “Ylɔ̌ Mawu Mavɔmavɔ, Mawu towe dó mɛsɛntɔ́ towe lɛ́ɛ tamɛ, bónú mǐ ní ma kú ó, ɖó axɔ́sú e mǐ byɔ́ ɔ́, hwɛ wɛ nyí bɔ mi hu dó hwɛ jí.”

1 Samuwɛ́li 12:23

Mawu Mavɔmavɔ ma lɔn nú un gɔn ɖɛ xo nú mi, bó hu hwɛ dó e ó. Un ná xlɛ́ ali e nyí ali ɖagbe ɔ́ mi, ali e nyí ali jlɔ́jlɔ́ é.

1 Samuwɛ́li 15:11

“Sawúlu e un sɔ́ axɔ́sú ɔ́ vɛ́ nú mì, ɖó é jó mì dó; é bló nǔ e un ɖɔ lɛ́ɛ ǎ.” Bɔ Samuwɛ́li sin xomɛ bó sa vo nú Mawu Mavɔmavɔ zǎn ɔ́ mɛ káká bɔ ayǐ hɔ́n.

1 Samuwɛ́li 7:5

Samuwɛ́li ɖɔ: “Mi kplé to ɔ́ bǐ ɖó Misipa, bónú ma xo ɖɛ nú mi.”