1 Samuwɛ́li 8:5 - MAWUXÓWÉMA

⁵ Yě ɖɔ n'i ɖɔ: “Din ɔ́, a ko kpo, bɔ vǐ towe lɛ́ɛ ka nɔ wa nǔ hwi ɖɔhun ǎ. Gbɔ bo sɔ́ axɔ́sú ɖokpó nú é ná nɔ mǐ nu, lě e togun ɖě lɛ́ɛ ɖó axɔ́sú é ɖɔhun.”

1 Samuwɛ́li 8:5 Iomraidhean Croise

Kɛ́nsísɔ́ 23:9

Un ɖo awǐnnya jí aga bo ɖo togun ɔ́ mɔ sɛ́ dó wɛ. Un ɖo só jí aga bo ɖo togun ɔ́ kpɔ́n sɛ́ dó wɛ. Togun ɖé wɛ bó ɖo vo. É ɖo akɔta ɖě lɛ́ɛ mɛ ǎ.

Mɛsɛ́dó 13:21

Yě ɖésúnɔ ka wá byɔ́ axɔ́sú ɖokpó, bɔ Mawu sɔ́ Sawúlu Kícu sín vǐ ɔ́, ɖo Bɛnjamɛ́ɛ ví lɛ́ɛ mɛ, bɔ é ɖu axɔ́sú ɖo yě nu xɔ xwe kanɖé (40).

Hwɛɖɔtɔ́ 8:22

Énɛ́ ɔ́ gúdo ɔ́, Izlayɛ́li ví lɛ́ɛ ɖɔ nú Jedenyɔ́ɔ ɖɔ: “Nyǐ gǎn nú mǐ, bɔ vǐ towe kpó vǐvú towe kpó ná jɛ tɛn towe mɛ; ɖó a hwlɛ̌n mǐ sín Madiáani ví lɛ́ɛ sí.”

1 Samuwɛ́li 10:19

Égbé din ɔ́, mi ka gbɛ́ nyɛ Mawu mitɔn. Nyɛ mɛ e hwlɛ́n mi gán ɖo ya e mi ji é kpó nǔ e gbo mi lɛ́ɛ kpó bǐ mɛ é. Bɔ mi nɔ ɖɔ nú mì ɖɔ: ‘Sɔ́ axɔ́sú ɖokpó ɖó mǐ nu.’ Din ɔ́, mi zɔn akɔta mitɔn mitɔn mɛ, hɛ̌nnu mitɔn mitɔn mɛ, bó wá Mawu Mavɔmavɔ nukɔn.”

1 Samuwɛ́li 12:13

Axɔ́sú e mi byɔ́ bó sɔ́ é ɖíe. Mi byɔ́ bɔ Mawu Mavɔmavɔ ná mi.

1 Samuwɛ́li 12:17

Hwenu e mǐ ɖe din ɔ́, é nyí jǐ hwenu ǎ, ɖó nǔkún-yiya hwenu wɛ mǐ ɖe. Un ka ná xomlá Mawu Mavɔmavɔ, bɔ jǐ ná dó gbe, bó ná ja. Ényí nǔ cí mɔ̌ hǔn, mi tunwun ɖɔ axɔ́sú e émí byɔ́ Mawu Mavɔmavɔ é ɔ́, nǔ ɖaxó ɖokpó wɛ é nyí bɔ émí wa nyi do.”

1 Samuwɛ́li 12:2

Bɛ́ sín din ɔ́, é wɛ ná ɖu gǎn ɖo mi nu. Nyɛ ɔ́, un ko kpo, bó wú hwa kpé fí bǐ; vǐ ce lɛ́ɛ ka ɖo mi mɛ. Nyɛ ɔ́, un nɔ mi nu sín vǔ ce káká wá jɛ égbé.

1 Samuwɛ́li 9:20

Ma nú ado hu we ɖó tócí towe asi e bú sín azǎn atɔn ɖíe lɛ́ɛ wú ó. È ko mɔ yě. Nǔ e a nǎ tunwun din ɔ́ wɛ nyí ɖɔ hwi kpó tɔ́ towe sín xwédo ɔ́ kpó ɖó nukún wɛ Izlayɛ́li to ɔ́ bǐ ɖe.”