1 Samuwɛ́li 7:9 - MAWUXÓWÉMA

⁹ Samuwɛ́li sɔ́ lɛ̌ngbɔ́ví e kpo ɖo anɔ̌nu é ɖokpó, bó dó gbɔ̌ví ɔ́ blěbǔ tɔn zo nú Mawu Mavɔmavɔ. Samuwɛ́li sú xó ylɔ́ Mawu Mavɔmavɔ ɖó Izlayɛ́li ví lɛ́ɛ tamɛ, bɔ Mawu Mavɔmavɔ yí gbe nú ɖɛ tɔn.

1 Samuwɛ́li 7:9 Iomraidhean Croise

Ɖɛhan 50:15

Adǎn gbo we hweɖěbǔnu hǔn, ylɔ̌ mì. Un ná hwlɛ́n we gán, bɔ a nǎ kpa susu nú mì.”

Ɖɛhan 99:6

Mɔyízi kpó Aalɔ́ɔn kpó ɖo vɔ̌sánú-xwlémawutɔ́ tɔn lɛ́ɛ mɛ. Samuwɛ́li ɖo mɛ e nɔ xomlá nyǐkɔ tɔn lɛ́ɛ mɛ; mɛ énɛ́ lɛ́ɛ nɔ́ ylɔ́ Mawu Mavɔmavɔ bɔ é nɔ́ sɔ nú yě.

Jelemíi 15:1

Mawu Mavɔmavɔ ɖɔ nú mì ɖɔ: “Mɔyízi kpó Samuwɛ́li kpó ná bó wá sa vo nú mì dó togun élɔ́ tamɛ ɔ́, un ná húzú nǔ e un lin ná wá xá togun élɔ́ ɔ́ ǎ. Jelemíi, nya yě sín nukɔn ce, yě ní yi.

Levíi ví 22:27

“Nú è ji nyibúví, abǐ gbɔ̌ví ɖé ɔ́, è nǎ jó e dó nyi nɔ tɔn gɔ́n nú azǎn tɛ́nwe. Bɛ́ sín azǎn tántɔngɔ́ ɔ́ gbe ɔ́, è sixú zé dó sá vɔ̌ e è nɔ dó zo ɔ́ nú mì.

Sɛ́nflínmɛ 9:26

Un sa vo n'i bó ɖɔ: ‘Aklúnɔ Mavɔmavɔ, ma sú togun towe sín kún dó ó; togun towe wɛ, bɔ a zě acɛkpikpa towe e hú gǎn nǔ bǐ ɔ́, kpó hlɔ̌nhlɔ́n towe e nukɔn nǔɖé má nɔ́ nɔ te ɖe ǎ é kpó, dó hwlɛ́n yě bó ɖe yě tɔ́n sín Ejípu.

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.

Hwɛɖɔtɔ́ 6:26

Énɛ́ ɔ́ gúdo ɔ́, a nǎ bló vɔ̌sákpe ɖagbe ɖagbe ɖokpó ɖó só kpɛví élɔ́ jí nú Mawu Mavɔmavɔ, Mawu towe. A nǎ zé nyibúsú ɔ́ dó sá vɔ̌ e è nɔ dó zo ɔ́ ná; bǒcyɔ e a sɛ́n ɔ́ wɛ a nǎ dó flɔ́ myɔ ɔ́ ná.”

Hwɛɖɔtɔ́ 6:28

Ée mɛ e ɖo toxo ɔ́ mɛ lɛ́ɛ fɔ́n zǎnzǎn ɔ́, yě mɔ ɖɔ è gba vɔ̌sákpe Baalu tɔn ɔ́, bó sɛ́n vodún Acela bócyɔ e ɖo akpá tɔn ɔ́ síin, lobo zé nyibúsú ɖokpó dó sá vɔ̌ e è nɔ dó zo ɔ́ ná ɖo vɔ̌sákpe yɔ̌yɔ́ ɔ́ jí.

1 Samuwɛ́li 10:8

Énɛ́ ɔ́ gúdo ɔ́, a nǎ zɔn mǐ yi Gilugalu, bɔ un ná wá mɔ we ɖo fínɛ́, bó ná sá vɔ̌ e è nɔ dó zo é, kpódó kɔnɖókpɔ́ sín vɔ̌ kpó. A na nɔ te káká nú azǎn tɛ́nwe, bɔ un ná wá bó ná ɖɔ nǔ e a na wa ɔ́ nú we.”

1 Samuwɛ́li 12:17

Hwenu e mǐ ɖe din ɔ́, é nyí jǐ hwenu ǎ, ɖó nǔkún-yiya hwenu wɛ mǐ ɖe. Un ka ná xomlá Mawu Mavɔmavɔ, bɔ jǐ ná dó gbe, bó ná ja. Ényí nǔ cí mɔ̌ hǔn, mi tunwun ɖɔ axɔ́sú e émí byɔ́ Mawu Mavɔmavɔ é ɔ́, nǔ ɖaxó ɖokpó wɛ é nyí bɔ émí wa nyi do.”

1 Samuwɛ́li 16:2

Samuwɛ́li kanbyɔ́ Mawu Mavɔmavɔ ɖɔ: “Nɛ̌ un ka ná yi gbɔn? Sawúlu táá wá se bó ná hu mì.” Bɔ Mawu Mavɔmavɔ ɖɔ nú Samuwɛ́li ɖɔ: “A xweyǐgbe ɔ́, a nǎ hɛn nyibúví asi ɖokpó, bó ná ɖɔ vɔ̌ sá nú Mawu Mavɔmavɔ gbé wɛ émí xwe.

1 Samuwɛ́li 2:35

Un ka ná sɔ́ vɔ̌sánú-xwlémawutɔ́ ɖěvo, bɔ é ná nɔ gbejí, bó ná nɔ́ wa nǔ lě e un jló gbɔn é. Un ná bló bɔ xwédo tɔn ná lí dǒ, bɔ é ná nɔ́ wa vɔ̌sánú-xwlémawutɔ́zɔ́ tɛgbɛ ɖo axɔ́sú e un ná sɔ́ ɔ́ kpá.

1 Samuwɛ́li 7:17

É ɖɔ hwɛ gbo nú yě ɔ́, é nɔ lɛ́ lɛ́ kɔ wá Hlama, xwé tɔn gbe, bó nɔ ɖɔ hwɛ gbo nú Izlayɛ́li ví lɛ́ɛ ɖo fínɛ́; é bló vɔ̌sákpe ɖokpó nú Mawu Mavɔmavɔ ɖo fínɛ́.

1 Samuwɛ́li 9:12

Yě yí gbe nú yě ɖɔ: “Ɛɛn, é ɖo nukɔn mitɔn. Amɔ̌, mi yá wǔ; é wá toxo mǐtɔn mɛ, ɖó égbé wɛ togun ɔ́ jló ná yi sá vɔ̌ ɖo só jí.