1 Samuwɛ́li 7:4 - MAWUXÓWÉMA

⁴ Nǔgbó ɔ́, Izlayɛ́li ví lɛ́ɛ bɛ́ vodún Baalu lɛ́ɛ, kpó vodún Asitaatée kpó sín xwé yětɔn lɛ́ɛ gbe, bó nɔ sɛn Mawu Mavɔmavɔ kɛ́ɖɛ́.

1 Samuwɛ́li 7:4 Iomraidhean Croise

1 Axɔ́sú 11:33

Un ná bló mɔ̌, ɖó Salomɔ́ɔ kpó Izlayɛ́li ví lɛ́ɛ kpó jó mì dó, bó nɔ sɛn Sidɔ́ɔnnu lɛ́ɛ sín vodún Asitaatée; yě nɔ́ sɛn Mɔwabunu lɛ́ɛ sín vodún Kemɔci, yě nɔ́ sɛn Amumɔ́ɔ ví lɛ́ɛ sín vodún Milukɔ́mu. Yě ká lɛ́ xwedó ali ce, bó ná nɔ wa nǔ e sɔgbe ɖo nukún ce mɛ ɔ́ ǎ, yě nɔ́ nyi sɛ́n ce lɛ́ɛ ǎ, yě nɔ́ wa nǔ e un zɔ́n lɛ́ɛ ǎ, yě nɔ́ wa nǔ Davídi Salomɔ́ɔ sín tɔ́ ɔ́ ɖɔhun ǎ.

1 Axɔ́sú 11:5

Salomɔ́ɔ nɔ sɛn Sidɔ́ɔnnu lɛ́ɛ sín vodún Asitaatée ɔ́, bó nɔ sɛn Amumɔ́ɔ ví lɛ́ɛ sín vodún Milukɔ́mu, nǔvɛ́mɔ Mawu tɔn ɔ́.

1 Axɔ́sú 8:48

nú yě lɛ́ kɔ wá gɔ̌n towe kpódó ayixa yětɔn bǐ kpó, kpódó lǐndɔ̌n yětɔn kpó ɔ́, nú yě nɔ to e mɛ kɛntɔ́ wlí kannumɔ yětɔn hɛn yi ɔ́ mɛ, lobo kpan nukɔn to e a nǎ tɔ́gbó yětɔn lɛ́ɛ ɔ́ mɛ, toxo e a sɔ́ é, xwé e un sá nú we égbé, bó xo ɖɛ sɛ́ dó we hǔn,

2 Axɔ́sú 23:15

Joziyási gba vodún xwé e ɖo Betɛ́li bɔ Jelobowámu Nɛvati ví ɔ́ gbá bó dɔn Izlayɛ́linu lɛ́ɛ dó hwɛ mɛ é. É dó vodún xwé e ɖo só jí ɔ́ zo, bó gba vɔ̌sákpe ɔ́, bó dó vodún Acela zo, bɔ bǐ ji bo kɔn afín.

Ozée 14:3

Mi lɛ́ kɔ wá Mawu Mavɔmavɔ gɔ́n, bó ɖɔ n'i ɖɔ: “Sɔ́ hwɛ mǐtɔn lɛ́ɛ bǐ kɛ mǐ, bó yí mǐ ganjí. É sɔ́ ná nyí nyibúsú wɛ mǐ ná nɔ́ dó sá vɔ̌ nú we ǎ, nu mǐtɔn wɛ mǐ ná nɔ́ dó kpa susu nú we.

Ozée 14:8

Mɛ ce lɛ́ɛ ná lɛ́ kɔ wá nɔ awa ce glɔ́. Yě ná lɛ jinukún gle, yě ná gba kún vǐwuntín ɖɔhun. Vɛ̌ɛn yětɔn ná nyɔ́ Libáan sín vɛ̌ɛn ɖɔhun.

Hwɛɖɔtɔ́ 2:11

Izlayɛ́li togun ɔ́ jɛ nǔ e má nyɔ́ Mawu Mavɔmavɔ nukún mɛ ǎ lɛ́ɛ wa jí; yě jɛ vodún Baalu lɛ́ɛ sɛn jí.

Hwɛɖɔtɔ́ 2:13

Yě jǒ Mawu Mavɔmavɔ dó, bó nɔ sɛn vodún Baalu lɛ́ɛ kpó vodún Asitaatée lɛ́ɛ kpó.

1 Samuwɛ́li 7:3

Samuwɛ́li ka ɖɔ nú Izlayɛ́li to ɔ́ bǐ kplékplé ɖɔ: “Ényí mi ɖésú jɛ́n kpɔ́n ayi mitɔn mɛ, bó lɛ́ kɔ wá Mawu Mavɔmavɔ gɔ́n hǔn, mi bo ɖe vodún Asitaatée kpó nǔmɛsɛn togun ɖě lɛ́ɛ tɔn lɛ́ɛ bǐ kpó sín xwé mitɔn lɛ́ɛ gbe. Mi sɔ́ ayi mitɔn ɖó Mawu Mavɔmavɔ ɖokpó jí, bó sɛn é ɖokpónɔ géé. Énɛ́ ɔ́, é ná hwlɛ́n mi ɖo Filisitɛ́ɛn lɛ́ɛ sí.”

1 Samuwɛ́li 7:5

Samuwɛ́li ɖɔ: “Mi kplé to ɔ́ bǐ ɖó Misipa, bónú ma xo ɖɛ nú mi.”