1 Samuwɛ́li 7:3 - MAWUXÓWÉMA

³ Samuwɛ́li ka ɖɔ nú Izlayɛ́li to ɔ́ bǐ kplékplé ɖɔ: “Ényí mi ɖésú jɛ́n kpɔ́n ayi mitɔn mɛ, bó lɛ́ kɔ wá Mawu Mavɔmavɔ gɔ́n hǔn, mi bo ɖe vodún Asitaatée kpó nǔmɛsɛn togun ɖě lɛ́ɛ tɔn lɛ́ɛ bǐ kpó sín xwé mitɔn lɛ́ɛ gbe. Mi sɔ́ ayi mitɔn ɖó Mawu Mavɔmavɔ ɖokpó jí, bó sɛn é ɖokpónɔ géé. Énɛ́ ɔ́, é ná hwlɛ́n mi ɖo Filisitɛ́ɛn lɛ́ɛ sí.”

1 Samuwɛ́li 7:3 Iomraidhean Croise

Bǐbɛ́mɛ 35:2

Bɔ Jakɔ́bu ɖɔ nú xwédo tɔn kpódó mɛ e ɖo kpɔ́ xá ɛ lɛ́ɛ bǐ kpó ɖɔ: “Mi bɛ́ vodún mitɔn lɛ́ɛ bǐ síin. Mi slá wǔ bó ɖyɔ́ awu.

1 Axɔ́sú 11:33

Un ná bló mɔ̌, ɖó Salomɔ́ɔ kpó Izlayɛ́li ví lɛ́ɛ kpó jó mì dó, bó nɔ sɛn Sidɔ́ɔnnu lɛ́ɛ sín vodún Asitaatée; yě nɔ́ sɛn Mɔwabunu lɛ́ɛ sín vodún Kemɔci, yě nɔ́ sɛn Amumɔ́ɔ ví lɛ́ɛ sín vodún Milukɔ́mu. Yě ká lɛ́ xwedó ali ce, bó ná nɔ wa nǔ e sɔgbe ɖo nukún ce mɛ ɔ́ ǎ, yě nɔ́ nyi sɛ́n ce lɛ́ɛ ǎ, yě nɔ́ wa nǔ e un zɔ́n lɛ́ɛ ǎ, yě nɔ́ wa nǔ Davídi Salomɔ́ɔ sín tɔ́ ɔ́ ɖɔhun ǎ.

1 Axɔ́sú 8:48

nú yě lɛ́ kɔ wá gɔ̌n towe kpódó ayixa yětɔn bǐ kpó, kpódó lǐndɔ̌n yětɔn kpó ɔ́, nú yě nɔ to e mɛ kɛntɔ́ wlí kannumɔ yětɔn hɛn yi ɔ́ mɛ, lobo kpan nukɔn to e a nǎ tɔ́gbó yětɔn lɛ́ɛ ɔ́ mɛ, toxo e a sɔ́ é, xwé e un sá nú we égbé, bó xo ɖɛ sɛ́ dó we hǔn,

2 Axɔ́sú 17:39

Lo ɔ́, nyɛ Mawu Mavɔmavɔ, Mawu mitɔn wɛ mi ɖó ná ɖó sísí ná. Đó nyɛ ɖokpó géé wɛ sixú hwlɛ́n mi ɖo kɛntɔ́ mitɔn lɛ́ɛ bǐ sí.”

2 Axɔ́sú 23:15

Joziyási gba vodún xwé e ɖo Betɛ́li bɔ Jelobowámu Nɛvati ví ɔ́ gbá bó dɔn Izlayɛ́linu lɛ́ɛ dó hwɛ mɛ é. É dó vodún xwé e ɖo só jí ɔ́ zo, bó gba vɔ̌sákpe ɔ́, bó dó vodún Acela zo, bɔ bǐ ji bo kɔn afín.

1 Tan 22:19

Hǔn din ɔ́, mi bo dó gǎn bó zé ayi mitɔn kpó lǐndɔ̌n mitɔn kpó dó ba Mawu Mavɔmavɔ, Mawu mitɔn. Mi jɛ azɔ̌ jí, bó ná sá xwé nú Mawu Mavɔmavɔ, bó ná zé akɔjijɛgbá tɔn ɔ́ kpó nǔ e è sɔ́ ɖó vo nú Mawu Mavɔmavɔ lɛ́ɛ kpó wá ɖó xwé e mi ná sá n'i ɔ́ gbe.”

1 Tan 28:9

Vǐ ce Salomɔ́ɔ, hwɛ ɔ́, a ɖǒ ná tunwun Mawu nyɛ tɔ́ towe tɔn, lobo sɛn é ɖokpónɔ géé, kpódó ayixa towe bǐ kpó. Đó Mawu Mavɔmavɔ nɔ́ mɔ nukúnnú jɛ ayixa lɛ́ɛ bǐ mɛ, é tunwun nǔ e lin wɛ è ɖe lɛ́ɛ bǐ. Ényí a ba ɛ ɔ́, é ná jó éɖée dó bɔ a nǎ mɔ ɛ. Lo ɔ́ ényí a jǒ e dó ɔ́, é ná jó we dó bǐ gbídígbídí.

2 Tan 19:3

Nǔ ɖo mɔ̌ có, a wa nǔ ɖagbe gěgé, ɖó a dǒ vodún Acela e ɖo to towe mɛ lɛ́ɛ bǐ zo, lobo sɛn Mawu kpódó ayi towe bǐ kpó.”

2 Tan 20:33

Nǔ ka ɖo mɔ̌ có, é gba vodún xwé lɛ́ɛ ǎ; énɛ́ ɔ́ zɔ́n bɔ togun ɔ́ sín ayi bǐ ɖo Mawu tɔ́gbó yětɔn lɛ́ɛ tɔn wú ǎ.

2 Tan 30:19

“Mawu Mavɔmavɔ, Mawu tɔ́gbó mǐtɔn lɛ́ɛ tɔn, yě mɛ e ɖo gǎn dó wɛ kpó ayi yětɔn bǐ kpó, bó ná dó tunwun jlǒ towe lɛ́ɛ bǐ ɔ́, yě ná bó ma slá wǔ bó ɖo mǐmɛ́ jí ǎ hǔn, kɛnklɛ́n bó sɔ́ hwɛ yětɔn lɛ́ɛ kɛ yě ɖo xomɛnyínyɔ́ towe mɛ.”

Nǔnywɛ́xó 16:1

Nǔ gěgé lin wɛ gbɛtɔ́ ɖe bó ná wa, amɔ̌, éé Mawu Mavɔmavɔ ɖɔ ɔ́ wɛ nɔ nyí wiwa.

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Jelemíi 24:7

Un na ná ayixa yě, bɔ yě ná tunwun ɖɔ nyi wɛ nyí Mawu Mavɔmavɔ; yě ná lɛ́ kɔ wá gɔ̌n ce kpó ayi yětɔn bǐ kpó; énɛ́ ɔ́, yě ná nyí togun ce bɔ un ná nyí Mawu yětɔn.

Jelemíi 36:3

Bóyá Judáa ví lɛ́ɛ se nǔ nyanya e un jló ná wa xá yě lɛ́ɛ ɔ́, yě sixú jó gbɛ nyanya e zán wɛ yě ɖe ɔ́ dó, bɔ un ná zé hwɛ e yě hu lɛ́ɛ kpó nǔ e yě wa nyi do lɛ́ɛ kpó kɛ yě.”

Jelemíi 4:1

Mawu Mavɔmavɔ ɖɔ: “Izlayɛ́li e, nú a lɛ̌ kɔ ɔ́, gɔ̌n ce wɛ a ɖǒ ná lɛ́ kɔ wá; nú a ɖe vodún suɖunú towe lɛ́ɛ sín nukɔn ce ɔ́, a sɔ́ ná flú ɖě ǎ.

Ezekiyɛ́li 14:6

Énɛ́ wú wɛ a nǎ ɖɔ nú Izlayɛ́li ví lɛ́ɛ ɖɔ: ‘Aklúnɔ Mavɔmavɔ ɖo byɔ̌byɔ́ mi wɛ ɖɔ mi ní húzú jijɔ, bó jó vodún mitɔn lɛ́ɛ dó, bó lɛ́ kɔ sín walɔ baɖabaɖa mitɔn lɛ́ɛ bǐ gúdo.’

Ezekiyɛ́li 18:31

Mi jó walɔ nyanya mitɔn lɛ́ɛ dó, mi húzú ayixa; mi húzú linlin. Izlayɛ́li togun e mi! Étɛ́wú mi ká ná mɔ kú ɖo te mɔ̌, bó ná yi?

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Matíe 15:8

‘Togun élɔ́ nɔ sɔ́ mì su ɖo nu; ayi tɔn ka ɖo wǔ ce ǎ.

Matíe 4:10

Jezu ka ɖɔ n'i ɖɔ: “Satáan, bǔ dó mì! Ɖó è ko wlán dó Mawuxówéma ɔ́ mɛ ɖɔ jí: ‘Aklúnɔ Mawu towe wɛ a nǎ ɖe kɔ́ ná, lobo sɛn é ɖokpónɔ géé.’ ”

Matíe 6:24

“Mɛ ɖé sixú sɛn gǎn we ǎ; ɖó é ná gbɛ́ wǎn nú mɛ ɖě, bo na yí wǎn nú mɛ ɖě; abǐ é ná se tónú nú mɛ ɖě, bo na vɛ́ tóli nú mɛ ɖě. Mi sixú sɛn Mawu bo lɛ́ sɛn dɔkun ǎ.”

Luki 4:8

Jezu ka yí gbe n'i ɖɔ: “È ko wlán dó Mawuxówéma ɔ́ mɛ ɖɔ jí: ‘Aklúnɔ Mawu towe wɛ a nǎ ɖe kɔ́ ná, lobo ná sɛn é ɖokpónɔ géé.’ ”

Jǎan 4:24

Mawu ɔ́, Yɛ wɛ é nyí; bɔ mɛ e ná sɛn ɛ lɛ́ɛ ɖó ná sɛn ɛ gbɔn hlɔ̌nhlɔ́n Yɛ ɔ́ tɔn mɛ, bó ná sɛn ɛ ɖo nǔgbó mɛ.”

Sɛ́nflínmɛ 10:20

“Mi ní ɖó sísí nú Mawu Mavɔmavɔ, Mawu mitɔn; mi nɔ sɛn ɛ; é ɖokpónɔ géé wú wɛ mi ná ɖó kan dó bó ná nɔ sɛn; é ɖokpónɔ sín nyǐkɔ wɛ mi ná nɔ́ xwlé.

Sɛ́nflínmɛ 13:4

mi ma yí gbe nú xó tɔn ó; lo ɔ́, mi ní tunwun ɖɔ Mawu Mavɔmavɔ, Mawu mitɔn wɛ ɖo mi dókpɔ́n wɛ mɔ̌, bó ná kpɔ́n ɖɔ mi ka yí wǎn nú émí kpó ayi mitɔn bǐ kpó, kpó lǐndɔ̌n mitɔn bǐ kpó a jí.

Sɛ́nflínmɛ 4:29

Hwenɛ́nu lo ɔ́, mi ná ba Mawu Mavɔmavɔ, Mawu mitɔn ɖo to énɛ́ lɛ́ɛ mɛ; ényí mi ka ba ɛ kpó ayi mitɔn bǐ kpó, kpódó linlin mitɔn bǐ kpó ɔ́, mi ná mɔ ɛ.

Sɛ́nflínmɛ 6:13

Mi ná ɖó sísí n'i, bó ná sɛn é ɖokpónɔ géé. É ɖokpónɔ sín nyǐkɔ wɛ mi ná nɔ́ xwlé.

Jozuwée 13:31

Galadi to ɔ́ sín vlɔ̌ɖówe ɖ'é mɛ. Basáni xɔ́sú Ɔgu sín toxo Acitalɔ́ti kpódó Edlɛyi kpó ɖ'é mɛ. Ayǐkúngban énɛ́ lɛ́ɛ wɛ è nǎ kúnkan Makíi, Manasée ví ɔ́ tɔn sín xwédo vlɔ̌ɖówe.

Jozuwée 24:14

Jozuwée lɛ́ ɖɔ nú yě ɖɔ: “Din ɔ́, mi ɖó sísí nú Mawu Mavɔmavɔ bó sɛn ɛ kpódó ayixa mitɔn bǐ kpó, bó nɔ gbejí n'i. Vodún e tɔ́gbó mitɔn lɛ́ɛ nɔ sɛn ɖ'ayǐ ɖo Efláti tɔ ɔ́ gúdo kpó Ejípu kpó lɛ́ɛ ɔ́, mi bɛ́ yě kɔn nyi gbě, bó sɛn Mawu Mavɔmavɔ.

Jozuwée 24:23

Ée yě ɖɔ mɔ̌ ɔ́, Jozuwée ɖɔ nú yě ɖɔ: “Hǔn mi bo bɛ́ vodún mitɔn lɛ́ɛ kɔn nyi gbě, bó sɔ́ ayi mitɔn jó nú Mawu Mavɔmavɔ, Mawu Izlayɛ́li tɔn.”

Hwɛɖɔtɔ́ 10:16

Énɛ́ ɔ́ gúdo ɔ́, yě bɛ̌ vodún lɛ́ɛ kɔn nyi gbě, bó lɛ́ jɛ Mawu Mavɔmavɔ sɛn jí. Bɔ ya e ji wɛ yě ɖe ɔ́ blá wǔ nú Mawu Mavɔmavɔ.

Hwɛɖɔtɔ́ 10:6

Izlayɛ́li ví lɛ́ɛ lɛ́ wa nǔ e ma nyɔ́ Mawu Mavɔmavɔ nukún mɛ ǎ é: Yě sɛn vodún Baalu lɛ́ɛ kpó Asitaatée lɛ́ɛ kpó; yě sɛn vodún Silíi tɔn lɛ́ɛ, Sidɔ́ɔnnu lɛ́ɛ tɔn lɛ́ɛ, Mɔwabunu lɛ́ɛ tɔn lɛ́ɛ, Amumɔ́ɔ ví lɛ́ɛ tɔn lɛ́ɛ kpó Filisitɛ́ɛn lɛ́ɛ tɔn lɛ́ɛ kpo. Yě jó Mawu Mavɔmavɔ dó bó sɔ́ nɔ sɛn ɛ ǎ.

Hwɛɖɔtɔ́ 2:11

Izlayɛ́li togun ɔ́ jɛ nǔ e má nyɔ́ Mawu Mavɔmavɔ nukún mɛ ǎ lɛ́ɛ wa jí; yě jɛ vodún Baalu lɛ́ɛ sɛn jí.

Hwɛɖɔtɔ́ 2:13

Yě jǒ Mawu Mavɔmavɔ dó, bó nɔ sɛn vodún Baalu lɛ́ɛ kpó vodún Asitaatée lɛ́ɛ kpó.

1 Samuwɛ́li 31:10

Yě bɛ́ Sawúlu sín ahwanfunnú lɛ́ɛ yi ɖó vodún yětɔn Asitaatée xwé, bó yi sɔ́ Sawúlu sín cyɔ, lobo blá ɖó Bɛti-Ceani sín ahohó ta.