1 Samuwɛ́li 7:17 - MAWUXÓWÉMA

¹⁷ É ɖɔ hwɛ gbo nú yě ɔ́, é nɔ lɛ́ lɛ́ kɔ wá Hlama, xwé tɔn gbe, bó nɔ ɖɔ hwɛ gbo nú Izlayɛ́li ví lɛ́ɛ ɖo fínɛ́; é bló vɔ̌sákpe ɖokpó nú Mawu Mavɔmavɔ ɖo fínɛ́.

1 Samuwɛ́li 7:17 Iomraidhean Croise

Bǐbɛ́mɛ 33:20

É mɛ vɔ̌sákpe ɖokpó nyi fínɛ́, bó sun nyǐ ɖɔ Ɛli-Elohe-Izlayɛ́li. Tínmɛ tɔn wɛ nyí Mawu, Mawu Izlayɛ́li tɔn.

Bǐbɛ́mɛ 35:7

É mɛ vɔ̌sákpe ɖokpó ɖó fínɛ́, bó sun nyǐ tɛn énɛ́ ɔ́ mɛ ɖɔ: “Ɛli-Betɛ́li”. Ɛli-Betɛ́li sín tínmɛ wɛ nyí “Mawu Betɛ́li tɔn”, ɖó fínɛ́ wɛ Mawu tɔ́n dó jǐ tɔn ɖe hwenu e é ɖo hinhɔn nú nɔví tɔn wɛ é.

Ezayíi 10:29

Sónufɛ́nu we tɛ́ntin wɛ é gbɔn dín, bó ɖɔ: “Mi wá mǐ ní ɖó gɔnu ɖó Gɛva.” Hlamanu lɛ́ɛ ɖi xɛsi bó nɔ́ sísɔ́. Mɛ e ɖo Giveya Sawúlu sín toxo ɔ́ mɛ lɛ́ɛ bǐ hɔn.

Hwɛɖɔtɔ́ 4:5

É nɔ́ jínjɔ́n hwɛɖiɖɔ yí ɖo dětín e è nɔ ylɔ́ ɖɔ Debola tɔn ɔ́ sá ɖo Hlama kpó Betɛ́li kpó tɛ́ntin, ɖo Eflayímu sókan ɔ́ mɛ; bɔ Izlayɛ́li ví lɛ́ɛ nɔ yi gɔ̌n tɔn nú é ná ɖɔ hwɛ nú yě.

Hwɛɖɔtɔ́ 6:24

Énɛ́ ɔ́, Jedenyɔ́ɔ bló vɔ̌sákpe ɖokpó ɖó fínɛ́ nú Mawu Mavɔmavɔ, bó ylɔ́ fí énɛ́ ɔ́ ɖɔ: “Mawu Mavɔmavɔ nɔ ná fífá mɛ.” Vɔ̌sákpe énɛ́ ɔ́ kpo ɖo fínɛ́ káká jɛ din ɖo Ɔfla, gletoxo hɛ̌nnu Aviɛzɛ́ɛ tɔn ɔ́ tɔn mɛ.

1 Samuwɛ́li 1:1

Dǎwe ɖé tíin, bó nɔ́ nyí Ɛlukana, bó nɔ́ nɔ Hlamatayímu-Sofímu, ɖo sókan Eflayímu tɔn mɛ, ɖo tokpɔnla Súfu ví lɛ́ɛ tɔn mɛ. Ɛlukana ɔ́, Eflayímu ví wɛ, bó nyí Yeloxámu ví; Yeloxámu ká nyí Elihu ví, bɔ Elihu ká nyí Tohu ví, bɔ Tohu nyí Súfu ví.

1 Samuwɛ́li 1:19

Ɛlukana kpó mɛ tɔn lɛ́ɛ kpó fɔ́n zǎn, bó yi ɖe kɔ́ nú Mawu Mavɔmavɔ bó lɛ́ kɔ yi xwé ɖo Hlama. Ɛlukana ɖó xó xá asi tɔn Ana ɔ́, bɔ Mawu Mavɔmavɔ ná ɛ nǔ e Ana byɔ́ é.

1 Samuwɛ́li 11:15

Togun ɔ́ bǐ yi Gilugalu bo sɔ́ Sawúlu axɔ́sú, bó sá kɔnɖókpɔ́vɔ́ nú Mawu, bɔ Sawúlu kpó togun ɔ́ bǐ kpó ɖu agɔ̌ gɛnnyii.

1 Samuwɛ́li 14:35

Lě e Sawúlu mɛ vɔ̌sákpe ɖokpó nú Mawu Mavɔmavɔ gbɔn ɔ́ nɛ́. Vɔ̌sákpe nukɔntɔn e Sawúlu mɛ nú Mawu Mavɔmavɔ é nɛ́.

1 Samuwɛ́li 15:34

Énɛ́ ɔ́ gúdo ɔ́, Samuwɛ́li lɛ́ kɔ yi Hlama, bɔ Sawúlu lɔ yi xwé tɔn gbe ɖo Giveya.

1 Samuwɛ́li 2:11

Énɛ́ ɔ́ gúdo ɔ́, Ɛlukana lɛ́ kɔ yi xwé tɔn gbe ɖo Hlama; Samuwɛ́li ká ɖo Mawu Mavɔmavɔ sín azɔ̌ wa wɛ ɖo Silóo, ɖo vɔ̌sánú-xwlémawutɔ́ Eli glɔ́.

1 Samuwɛ́li 28:3

Ée Samuwɛ́li kú ɔ́, Izlayɛ́li to ɔ́ bǐ yi ɖi i ɖó toxo tɔn mɛ ɖo Hlama, bó wa nǔ tɔn. Đ'ayǐ ɔ́, Sawúlu ka ko hu mɛ e nɔ kan amɔɛ lɛ́ɛ kpó mɛ e nɔ kan bo lɛ́ɛ kpó sín axɔ́súɖuto tɔn mɛ.

1 Samuwɛ́li 8:4

Izlayɛ́li tomɛxó lɛ́ɛ bǐ kplé, bó wá Samuwɛ́li gɔ́n ɖo Hlama.

1 Samuwɛ́li 9:12

Yě yí gbe nú yě ɖɔ: “Ɛɛn, é ɖo nukɔn mitɔn. Amɔ̌, mi yá wǔ; é wá toxo mǐtɔn mɛ, ɖó égbé wɛ togun ɔ́ jló ná yi sá vɔ̌ ɖo só jí.