1 Samuwɛ́li 7:10 - MAWUXÓWÉMA

¹⁰ Hwenu e Samuwɛ́li ɖo vɔ̌ ɔ́ dó zo wɛ ɔ́, Filisitɛ́ɛn lɛ́ɛ lɔ ko ɖo sisɛkpɔ́ Izlayɛ́li ví lɛ́ɛ wɛ, bó ná wá tɔ́n ahwan yě. Mawu Mavɔmavɔ ká ɖe gbe bɔ jǐ dó gbe dó Filisitɛ́ɛn lɛ́ɛ jí, bó dó xɛsi yě bɔ yě bǐ gba dó, bɔ Izlayɛ́li ví lɛ́ɛ ɖu ɖo yě jí.

1 Samuwɛ́li 7:10 Iomraidhean Croise

Ɖɛhan 18:15

É da gǎ bó gba kɛntɔ́ ce lɛ́ɛ dó. É kɛ nu bo nyí awǎn, bɔ kɛntɔ́ lɛ́ɛ hɔn.

Ɖɛhan 29:3

Mawu Mavɔmavɔ nɔ dó gbe ɖo sin jí. Mawu susunɔ ɔ́ nɔ́ dó gbe. Mawu Mavɔmavɔ ɖo sin ɖaxó jí.

Ɖɛhan 29:4

Mawu Mavɔmavɔ dó gbe kpó hlɔ̌nhlɔ́n kpó, Mawu Mavɔmavɔ dó gbe kpó acɛkpikpa kpó.

Ɖɛhan 78:66

Alɔ tɔn jɛ kɛntɔ́ tɔn e ɖo hinhɔn wɛ lɛ́ɛ wú, é dó hɛ̌n mavɔ mavɔ ɖé yě.

Sɛ́nflínmɛ 28:7

Ényí kɛntɔ́ wá tɔ́n ahwan mi ɔ́, Mawu Mavɔmavɔ ná bló bɔ mi ná ɖu ɖo kɛntɔ́ jí. Ényí ali ɖokpó wɛ yě gbɔn bó wá tɔ́n ahwan mi ɔ́, ali tɛ́nwe wɛ yě ná hɔn gbɔn bó yi.

Jozuwée 10:10

Mawu Mavɔmavɔ gba Amɔliti ví lɛ́ɛ dó ɖo Izlayɛ́li ví lɛ́ɛ nukɔn. Izlayɛ́li ví lɛ́ɛ wa nǔ xá yě ɖésú ɖo Gabawɔ́ɔn kpá. Yě jɛ gǔdo yětɔn bo gbɔn Bɛti-Holɔ́ni kpó ɔ́ jí, bó ɖo yě hu wɛ káká wá Azeka kpódó Makeda kpó.

Hwɛɖɔtɔ́ 4:15

É tɔ́n ahwan Sisela bɔ Mawu Mavɔmavɔ bló bɔ Sisela hɔn ɖo nukɔn tɔn, é kpó ahwankɛkɛ́ví tɔn lɛ́ɛ bǐ kpó, kpódó ahwanfuntɔ́ tɔn lɛ́ɛ bǐ kpó. Sisela jó ahwankɛkɛ́ví tɔn dó, bó zɔn afɔ bó hɔn.

Hwɛɖɔtɔ́ 5:20

Sunví lɛ́ɛ lɔmɔ̌ fun ahwan ɔ́ sín jǐxwé; yě nɔ fí e yě nɔ́ gbɔn lɛ́ɛ bó fun ahwan xá Sisela.

Hwɛɖɔtɔ́ 5:8

Togun ɔ́ ɖɔ émí ná sɛn vodún lɛ́ɛ, tlóló kpowun ɔ́, ahwan tɔ́n. Lo ɔ́, afɔ wɛ nɔ nyɔ́ bɔ è nɔ mɔ gǎglónú ɖokpó ɖo Izlayɛ́li afɔ wɛ nɔ nyɔ́ bɔ è nɔ mɔ hwǎn ɖokpó nú gbɛtɔ́ adɔ̌kpo we (40.000) ɖo Izlayɛ́li.

1 Samuwɛ́li 12:17

Hwenu e mǐ ɖe din ɔ́, é nyí jǐ hwenu ǎ, ɖó nǔkún-yiya hwenu wɛ mǐ ɖe. Un ka ná xomlá Mawu Mavɔmavɔ, bɔ jǐ ná dó gbe, bó ná ja. Ényí nǔ cí mɔ̌ hǔn, mi tunwun ɖɔ axɔ́sú e émí byɔ́ Mawu Mavɔmavɔ é ɔ́, nǔ ɖaxó ɖokpó wɛ é nyí bɔ émí wa nyi do.”

1 Samuwɛ́li 14:15

Nǔ énɛ́ e jɛ ɔ́ gba kpé gbě énɛ́ ɔ́ bǐ jǐ, bó gba kpé togun ɔ́ bǐ mɛ. Ahwanfuntɔ́ e ɖo ahwankpá ɔ́ mɛ lɛ́ɛ kpó mɛ e ko tɔ́n bó ná vɔ Izlayɛ́li ví lɛ́ɛ kpó bǐ bɛ́ xɛsi. Ayǐkúngban dán wǔ, bɔ é nyí nǔdóxɛsi ɖaxó ɖé, bɔ Mawu sɛ́ dó.

1 Samuwɛ́li 2:10

Mawu Mavɔmavɔ nɔ jǐxwé dɔ̌n, bó bló bɔ jǐ dó gbe bó ná vívá kɛntɔ́ tɔn lɛ́ɛ, ɖó é wɛ nyí hwɛɖɔtɔ́ ɖaxó e ná ɖɔ hwɛ xá mɛ e ɖo ayǐkúngban ɔ́ jí lɛ́ɛ bǐ. É nɔ́ ná hlɔ̌nhlɔ́n axɔ́sú e é sɔ́ ɖó togun tɔn nu é. É nɔ́ dó acɛ acɛ jí nú axɔ́sú e é sɔ́ é.

1 Samuwɛ́li 7:11

Énɛ́ ɔ́, Izlayɛ́li ví lɛ́ɛ tɔ́n sín Misipa, bó nya Filisitɛ́ɛn lɛ́ɛ káká yi ɖó Bɛti-Káa, bó hu yě mɛ gěgé.