1 Samuwɛ́li 6:3 - MAWUXÓWÉMA

³ Bɔ yě yí gbe nú yě ɖɔ: “Ényí mi jló ná sɛ́ akɔjijɛgbá Mawu tɔn ɔ́ dó hǔn, mi ma sɛ́ dó yǎyá ó. Mi sá vɔ̌ nú Mawu ɖó hwɛ mitɔn lɛ́ɛ tamɛ; énɛ́ ɔ́, azɔn mitɔn ná gbɔ, bɔ mi ná tunwun nǔ e wú Mawu ɖo mɔ̌ wa xá mi wɛ é.”

1 Samuwɛ́li 6:3 Iomraidhean Croise

Jɔ̌bu 10:2

Un ná ɖɔ nú Mawu lo ɖɔ: Ma ɖó hwɛ nú mì ó! Đɔ nǔ e un wa nyi do ɔ́ nú mì.

Tíntɔ́n 23:15

Xwe nukɔntɔn e mi ná ɖu ɔ́ wɛ nyí wɔ̌xúxú e mɛ è ma dó tɔ́n ǎ sín xwe. Mi ná ɖu wɔ̌xúxú e mɛ è ma dó tɔ́n ǎ, xɔ azǎn tɛ́nwe, ɖo Abibu sun ɔ́ mɛ, hwenu e un ɖó nú mi dó é, lě e un ɖɔ nú mi gbɔn ɔ́; ɖó sun énɛ́ ɔ́ mɛ wɛ mi gosín Ejípu. Mi ka ná wá gɔ̌n ce asígbá alɔgbá ǎ.

Tíntɔ́n 34:20

Nú é ká nyí tócí sín nukɔngbéví wɛ ɔ́, mi ná zé gbɔ̌ví dó ɖyɔ́ ná, nú mi ma ka ɖyɔ́ ǎ ɔ́, mi ná gba zogúdo n'i, bó hu i, nukɔngbéví súnnu e ɖo mi mɛ lɛ́ɛ ɔ́, mi ná xɔ gbɛ nú yě. “Mi ná zɔn asígbá alɔgbá wá gɔ̌n ce ǎ.

Tíntɔ́n 8:15

Énɛ́ ɔ́, majíkiblótɔ́ lɛ́ɛ ɖɔ nú axɔ́sú ɔ́ ɖɔ: “Hlɔ̌nhlɔ́n Mawu tɔn wɛ ɖo nǔ wa wɛ ɖo fínɛ́.” Axɔ́sú ɔ́ ká lɛ́ tlí tó lě e Mawu Mavɔmavɔ kó ɖɔ gbɔn ɖ'ayǐ é; é wa nǔ e Mɔyízi kpó Aalɔ́ɔn kpó ɖɔ é ǎ.

Levíi ví 5:6

Énɛ́ ɔ́ gúdo ɔ́, é ná zé lɛ̌ngbɔ́ asi ɖokpó, abǐ gbɔ̌ asi ɖokpó dó sá hwɛsɔ́kɛmɛvɔ́ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. Énɛ́ ɔ́, vɔ̌sánú-xwlémawutɔ́ ɔ́ ná bló lě e è nɔ bló gbɔn, bó nɔ́ xwlé vɔ̌sánú mì ɔ́, bó sá vɔ̌ e nɔ súnsún hwɛ sín kɔ nú mɛ ɔ́ n'i.”

Levíi ví 6:6

Myɔ ná ɖo jiji wɛ hwebǐnu ɖo vɔ̌sákpe ɔ́ jí; é ɖó ná cí gbeɖé ǎ.”

Sɛ́nflínmɛ 16:16

Hǔn xwewú xwewú ɔ́, súnnu e ɖo togun mitɔn mɛ lɛ́ɛ bǐ ná nɔ́ yi Mawu Mavɔmavɔ, Mawu mitɔn nukɔn azɔn atɔn ɖo tɛn e é ná sɔ́ é mɛ: yě ná nɔ́ yi Dǐndínwáyixwe ɔ́ hwenu, bó ná nɔ́ yi Pantekótuxwe ɔ́ hwenu, bó ná nɔ́ yi Azavaxwe ɔ́ hwenu. Yě ná zɔn asígbá alɔgbá yi Mawu Mavɔmavɔ nukɔn ǎ;

1 Samuwɛ́li 5:11

Bɔ yě ylɔ́ gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ kplé bó ɖɔ: “Mi lɛ́ kɔ nú Mawu Izlayɛ́li tɔn sín akɔjijɛgbá ɔ́ sɛ́ dó Izlayɛ́li, bónú é yi nɔ tɛn tɔn mɛ, bó má wá hu mǐ kpó togun mǐtɔn kpó ó. Đó xɛsi ɖaxó ɖé ɖo to ɔ́ bǐ jí.” Mawu sín alɔ ɖo yě wú jɛ wɛ mɔ̌hunkɔtɔn.

1 Samuwɛ́li 5:7

Ée nǔ cí mɔ̌ ɔ́, Acidɔ́dinu lɛ́ɛ ɖɔ: “Akɔjijɛgbá Mawu Izlayɛ́li tɔn ɔ́ tɔn ná nɔ gɔ̌n mǐtɔn ǎ, ɖó alɔ Mawu tɔn ɖo mǐ wú jɛ wɛ, bó jɛ vodún mǐtɔn Dagɔ́ni wú.”

1 Samuwɛ́li 5:9

Ée è ká sɔ́ yi Gati ɔ́, Mawu Mavɔmavɔ sín alɔ jɛ toxo ɔ́ wú, bɔ ahwi ɖaxó ɖé xo to ɔ́ bǐ. Mawu Mavɔmavɔ sín alɔ jɛ yě bǐ wú, bɛ́ sín yɔkpɔ́vú lɛ́ɛ jí káká yi mɛxó lɛ́ɛ jí: Nǔ tɛ mɛ e ɖo to ɔ́ mɛ é bǐ,

1 Samuwɛ́li 6:8

Mi ná sɔ́ akɔjijɛgbá Mawu tɔn ɔ́ ɖó kɛkɛ́ví ɔ́ jí, bó bɛ́ nǔ e mi zé siká dó bló bó ná Mawu ɖó hwɛ mitɔn lɛ́ɛ tamɛ é dó gbǎví ɖé mɛ, bó ná sɔ́ ɖó akɔjijɛgbá ɔ́ kpá; énɛ́ gúdo ɔ́, mi ná jó kɛkɛ́ví ɔ́ kpó nyibú lɛ́ɛ kpó dó, bɔ yě ná yi.

1 Samuwɛ́li 6:9

Yě ɖidó ɔ́, mi ná ɖo kpínkpɔ́n wɛ. Ényí nyibú lɛ́ɛ tunta Bɛti-Cɛmɛ́ci, bó wlí Izlayɛ́li sín ali hǔn, Mawu Mavɔmavɔ wɛ dó nǔ baɖabaɖa énɛ́ sin xá mǐ nɛ́. É má nyí mɔ̌ ǎ ɔ́, mǐ ná tunwun ɖɔ é kún nyí Mawu Mavɔmavɔ wɛ wa nǔɖé xá mǐ ó, hǔn nǔɖé kpowun wɛ wa mǐ nɛ́.”