1 Samuwɛ́li 6:2 - MAWUXÓWÉMA

² Bɔ Filisitɛ́ɛn lɛ́ɛ wá ylɔ́ vodúnnɔ yětɔn lɛ́ɛ kpó nǔkantɔ́ yětɔn lɛ́ɛ kpó, bó ɖɔ nú yě ɖɔ: “Nɛ̌ mǐ ká ná bló gbɔn nú akɔjijɛgbá ɔ́? Mi ɖɔ lě e mǐ ná bló gbɔn, bó sɛ́ dó fí e é gosín ɔ́ nú mǐ.”

1 Samuwɛ́li 6:2 Iomraidhean Croise

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

Tíntɔ́n 7:11

Axɔ́sú ɔ́ ká ylɔ́ bokɔ́nɔ lɛ́ɛ kpó azɔnɖatɔ́ lɛ́ɛ kpó, bɔ yě ná sɔ́ azě yětɔn dó bló nǔ ɖokpó ɔ́.

Ezayíi 2:6

Mawu Mavɔmavɔ, a jǒ togun towe Jakɔ́bu ví lɛ́ɛ dó, ɖó nǔkantɔ́ zǎnzǎnhwe jí tɔn lɛ́ɛ ɖo yě mɛ kpɔ́ gégé; yě nɔ́ bló majíki Filisitɛ́ɛn lɛ́ɛ ɖɔhun, bó nɔ́ dó toɖévomɛnu lɛ́ɛ sín gbɛ̌.

Daniyɛ́li 2:2

Énɛ́ ɔ́, é ɖɔ è nǐ ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ, kpó azɔnɖatɔ́ lɛ́ɛ kpó wá, bónú yě ná ɖɔ nǔ e émí mɔ ɖo dlɔ̌ mɛ ɔ́ nú émí. Ée yě wá ɔ́, yě nɔ te ɖo nukɔn tɔn,

Daniyɛ́li 5:7

Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Matíe 2:4

bɔ é ylɔ́ vɔ̌sánú-xwlémawutɔ́gán lɛ́ɛ bǐ kplé kpódó sɛ́nkplɔ́nmɛtɔ́ tɔn lɛ́ɛ kpó, lobo kan fí e è ɖǒ ná ji Klísu ɖe ɔ́ byɔ́ yě.

1 Samuwɛ́li 5:8

Yě dó wɛn sɛ́ dó gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ, ɖɔ yě ní wá, bɔ yě wá, bɔ yě kanbyɔ́ yě ɖɔ: “Nɛ̌ mǐ ka ná wa akɔjijɛgbá Mawu Izlayɛ́li tɔn ɔ́ tɔn sín nǔ gbɔn?” Gǎn lɛ́ɛ ká yí gbe nú yě ɖɔ: “È nǐ sɔ́ Mawu Izlayɛ́li tɔn ɔ́ sín akɔjijɛgbá yi ɖó Gati .” Bɔ è sɔ́ akɔjijɛgbá Mawu Izlayɛ́li tɔn ɔ́ tɔn yi ɖó dɔ̌n nǔgbó.

1 Samuwɛ́li 6:1

Akɔjijɛgbá Mawu Mavɔmavɔ tɔn ɔ́, sun tɛ́nwe wɛ é nɔ Filisitɛ́ɛn lɛ́ɛ gɔ́n xɔ.