1 Samuwɛ́li 5:9 - MAWUXÓWÉMA

⁹ Ée è ká sɔ́ yi Gati ɔ́, Mawu Mavɔmavɔ sín alɔ jɛ toxo ɔ́ wú, bɔ ahwi ɖaxó ɖé xo to ɔ́ bǐ. Mawu Mavɔmavɔ sín alɔ jɛ yě bǐ wú, bɛ́ sín yɔkpɔ́vú lɛ́ɛ jí káká yi mɛxó lɛ́ɛ jí: Nǔ tɛ mɛ e ɖo to ɔ́ mɛ é bǐ,

1 Samuwɛ́li 5:9 Iomraidhean Croise

Ɖɛhan 78:66

Alɔ tɔn jɛ kɛntɔ́ tɔn e ɖo hinhɔn wɛ lɛ́ɛ wú, é dó hɛ̌n mavɔ mavɔ ɖé yě.

Amɔ́si 5:19

Mɛ e ɖo hinhɔn nú kinnikínní wɛ, bó yi kpé dó lɔnmɔ nu ɔ́ ɖɔhun wɛ mi ná cí; é hɔn byɔ́ xwé gbe, bó kplá así ta bɔ dan xú aɖǔ i.

Sɛ́nflínmɛ 2:15

Mawu Mavɔmavɔ ɖésú tɔ́n ahwan yě bó sú kún yětɔn dó káká yi fó.

1 Samuwɛ́li 12:15

Amɔ̌, nú mi ma se tónú nú Mawu Mavɔmavɔ ǎ ɔ́, nú mi gbɛ́ gbe n'i ɔ́, Mawu Mavɔmavɔ ná wa nǔ xá mi, lě e é wa xá tɔ́gbó mitɔn lɛ́ɛ gbɔn é.

1 Samuwɛ́li 5:10

bɔ yě gbɔ bó sɔ́ akɔjijɛgbá Mawu tɔn sɛ́ dó Eklɔ́ni. Ée akɔjijɛgbá Mawu tɔn ɔ́ byɔ́ Eklɔ́ni lě ɔ́, Eklɔ́ninu lɛ́ɛ sú xó bó ɖɔ: “È sɔ́ Mawu Izlayɛ́li tɔn sín akɔjijɛgbá wá gɔ̌n mǐtɔn, bó ná dó hu mǐ, mǐ kpó togun mǐtɔn kpó.”

1 Samuwɛ́li 5:11

Bɔ yě ylɔ́ gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ kplé bó ɖɔ: “Mi lɛ́ kɔ nú Mawu Izlayɛ́li tɔn sín akɔjijɛgbá ɔ́ sɛ́ dó Izlayɛ́li, bónú é yi nɔ tɛn tɔn mɛ, bó má wá hu mǐ kpó togun mǐtɔn kpó ó. Đó xɛsi ɖaxó ɖé ɖo to ɔ́ bǐ jí.” Mawu sín alɔ ɖo yě wú jɛ wɛ mɔ̌hunkɔtɔn.

1 Samuwɛ́li 5:6

Alɔ Mawu Mavɔmavɔ tɔn jɛ Acidɔ́dinu lɛ́ɛ wú, bɔ yě byɔ́ aluwɛ mɛ. Mawu dó yonutúntún Acidɔ́di toxo ɔ́, bɔ azɔn énɛ́ kpé Acidɔ́di yíkúngban ɔ́ bǐ jí.

1 Samuwɛ́li 6:11

Yě sɔ́ akɔjijɛgbá ɔ́ kpó gbǎ e mɛ è bɛ̌ nǔ e è sɔ́ siká dó bló ná lɛ́ɛ kpó ɖó kɛkɛ́ví ɔ́ jí.

1 Samuwɛ́li 7:13

Lě e Filisitɛ́ɛn lɛ́ɛ ɖu winnyá gbɔn é nɛ́. Énɛ́ ɔ́, yě sɔ́ wá Izlayɛ́li yíkúngban jí ɖě gbeɖé ǎ. Mawu Mavɔmavɔ sín alɔ jɛ Filisitɛ́ɛn lɛ́ɛ wú, bɔ é nɔ mɔ̌ káká yi jɛ hwenu e Samuwɛ́li kú é.