1 Samuwɛ́li 5:8 - MAWUXÓWÉMA

⁸ Yě dó wɛn sɛ́ dó gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ, ɖɔ yě ní wá, bɔ yě wá, bɔ yě kanbyɔ́ yě ɖɔ: “Nɛ̌ mǐ ka ná wa akɔjijɛgbá Mawu Izlayɛ́li tɔn ɔ́ tɔn sín nǔ gbɔn?” Gǎn lɛ́ɛ ká yí gbe nú yě ɖɔ: “È nǐ sɔ́ Mawu Izlayɛ́li tɔn ɔ́ sín akɔjijɛgbá yi ɖó Gati .” Bɔ è sɔ́ akɔjijɛgbá Mawu Izlayɛ́li tɔn ɔ́ tɔn yi ɖó dɔ̌n nǔgbó.

1 Samuwɛ́li 5:8 Iomraidhean Croise

1 Tan 7:21

Taxati ji Zavadu, bɔ Zavadu ji Cutɛláxi; Eflayímu lɛ́ ji Ezɛ́ɛ kpó Eleadi kpó. Vǐ tɔn we énɛ́ lɛ́ɛ xwe Gatinu lɛ́ɛ sín kanlin lɛ́ɛ bɛ́ gbé bɔ Gatinu lɛ́ɛ hu yě.

Amɔ́si 6:2

Mi ló kó yi Kalunɛ́ɛ bó yi kpɔ́n nǔ e jɛ ɔ́; énɛ́ ɔ́ gúdo ɔ́, mi ná gosín fínɛ́ bó hun káká yi Hamáti toxo ɖaxó ɔ́ mɛ, bó yi kpɔ́n nǔ e jɛ ɔ́. Énɛ́ ɔ́ gúdo ɔ́, mi ná wá Gati, ɖo Filisitɛ́ɛn lɛ́ɛ gɔ́n. Mi yi to énɛ́ lɛ́ɛ mɛ ɔ́, mi ná mɔ ɖɔ mi kún nyɔ́ hú yě ó. Ayǐkúngban yětɔn ná bó hwe hú mitɔn ɔ́, mi nyɔ́ hú yě ǎ.

Zakalíi 12:3

Hwenɛ́nu ɔ́, un ná sɔ́ Jeluzalɛ́mu dó ɖó awǐnnya kpinkpɛn ɖé nú togun lɛ́ɛ bǐ. Mɛ e ná zé dó jǐ lɛ́ɛ bǐ ná gblé wǔ. Énɛ́ ɔ́, akɔta e ɖo ayǐkúngban jí lɛ́ɛ bǐ ná kplé bó húzú kpan nukɔn ɛ.”

Jozuwée 13:3

To énɛ́ ɔ́ bɛ́ sín Cixɔ́ɔ tɔ ɔ́ kɔn ɖo Ejípu dogbó ɔ́ kɔn ɖo afɔligbé, káká yi Eklɔ́ni dogbó ɔ́ kɔn ɖo taligbé. Ayǐkúngban énɛ́ ɔ́, Kanáanu lɛ́ɛ tɔn wɛ, bɔ gǎn Filisitɛ́ɛn lɛ́ɛ tɔn atɔ́ɔ́n kpó Awanu lɛ́ɛ kpó ka klá jɛ nu. Gǎn énɛ́ lɛ́ɛ nɔ́ nɔ Gaza, Acidɔ́di, Acikelɔ́ni, Gati kpó Eklɔ́ni kpó,

Jozuwée 15:11

É dlɛ́n d'é nu ɖidó, bó fán Eklɔ́ni só ɔ́ yi ɖó fí ɖé, ɖo taligbé, bó xá lɛ́dó Cikikalɔ́ni, bó gbɔn Baala só ɔ́ kɔn ɖidó Yavunɛyɛ́li, bo yi fó dó Mɛditɛlanɛ́ɛ xutó.

1 Samuwɛ́li 17:4

Ahwanfuntɔ́ Filisitɛ́ɛn lɛ́ɛ tɔn ɖokpó tɔ́n sín ahwankpá yětɔn mɛ, bó wá gblɔ́n adǎn nú Izlayɛ́li ví lɛ́ɛ. Nya ɔ́ nɔ nyí Goliyati; Gati toxomɛnu wɛ. Ga tɔn yi mɛ̌tlukpo atɔn jɛjí.

1 Samuwɛ́li 17:52

Bɔ Izlayɛ́li ví lɛ́ɛ kpó Judáa ví lɛ́ɛ kpó sú xó, bó zun dó yě jí. Yě nya Filisitɛ́ɛn lɛ́ɛ káká yi tɔdo ɔ́ mɛ, bó nya yě káká yi ɖó hɔntogbó Eklɔ́ni tɔn lɛ́ɛ jí. Yě gblé wǔ Filisitɛ́ɛn lɛ́ɛ vantankánnyá, bɔ yě kú jɛ alixo. Cyɔ yětɔn kpé alixo alixo sín Caalayímu káká yi Gati kpó Eklɔ́ni kpó.

1 Samuwɛ́li 29:6

Ée yě ɖɔ mɔ̌ ɔ́, Akíci gbɔ bo ylɔ́ Davídi bó xwlé Mawu n'i ɖɔ: “Mawu Mavɔmavɔ ɖo gbɛ! Gbɛtɔ́ e nɔ wa nǔ jlɔ́jlɔ́ é wɛ nú we; nú a yi fun ahwan élɔ́ xá mì ɔ́, é ná víví nú mì, ɖó sín gbe e gbe a wǎ gɔ̌n ce ɔ́ káká wá jɛ égbé din ɔ́, un mɔ nǔjɛdo ɖěbǔ ɖo wǔ we ǎ. Amɔ̌, axɔ́sú ɖě lɛ́ɛ ba xó towe ǎ.

1 Samuwɛ́li 5:11

Bɔ yě ylɔ́ gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ kplé bó ɖɔ: “Mi lɛ́ kɔ nú Mawu Izlayɛ́li tɔn sín akɔjijɛgbá ɔ́ sɛ́ dó Izlayɛ́li, bónú é yi nɔ tɛn tɔn mɛ, bó má wá hu mǐ kpó togun mǐtɔn kpó ó. Đó xɛsi ɖaxó ɖé ɖo to ɔ́ bǐ jí.” Mawu sín alɔ ɖo yě wú jɛ wɛ mɔ̌hunkɔtɔn.

1 Samuwɛ́li 5:7

Ée nǔ cí mɔ̌ ɔ́, Acidɔ́dinu lɛ́ɛ ɖɔ: “Akɔjijɛgbá Mawu Izlayɛ́li tɔn ɔ́ tɔn ná nɔ gɔ̌n mǐtɔn ǎ, ɖó alɔ Mawu tɔn ɖo mǐ wú jɛ wɛ, bó jɛ vodún mǐtɔn Dagɔ́ni wú.”

1 Samuwɛ́li 6:2

Bɔ Filisitɛ́ɛn lɛ́ɛ wá ylɔ́ vodúnnɔ yětɔn lɛ́ɛ kpó nǔkantɔ́ yětɔn lɛ́ɛ kpó, bó ɖɔ nú yě ɖɔ: “Nɛ̌ mǐ ká ná bló gbɔn nú akɔjijɛgbá ɔ́? Mi ɖɔ lě e mǐ ná bló gbɔn, bó sɛ́ dó fí e é gosín ɔ́ nú mǐ.”